Ezra 7:21 - Xitsonga (Bibele)

²¹ Kutani mina, ndzi nga hosi Ataserkisi, ndzi byela n'wina hinkwenu va hase ka nambu lava hlayisaka xuma xa mina, leswaku mi hatlisa mi endla hinkwaswo hilaha Ezra, muprista ni mutsari wa milawu ya Xikwembu xa le matilweni, a nga ta kombela hakona,

BIBELE Mahungu Lamanene

²¹ “Mina hosi Ataserkisi ndzi veka nawu eka n'wina vatameri va minkwama ya tiko exifundzheni lexi nga vupeladyambu bya Yufrata, ndzi ri: Xin'wana na xin'wana lexi muprista Ezra, matsalani wa nawu wa Xikwembu xa matilo, a nga xi kombelaka eka n'wina, tikarhateni mi n'wi endlela xona.

Ezra 7:21 Referans Kwoze

Ezra 7:6

Ezra yeloyi, a suka eBabilona. A a ri mutsari wa ku tlhariha emilawini ya Muxe, leyi nyikiweke hi Yehovha, Xikwembu xa Israele. Hosi yi n'wi nyika hinkwaswo leswi a swi kombelaka hikuva voko ra Yehovha, Xikwembu xa yena, a ri ri na yena.

Ezra 4:16

Hi tivisa hosi, hi ku: ‘Loko muti lowu wu pfuxiwa, ni rirhangu ra wona loko ri hela, a ku nga ha vi na tiko entsungeni wa hase ka nambu.’ ”

Ezra 6:6

“Loko swi ri tano, wena Tatenayi, hosi ya hase ka nambu, na Xetara-Bozenayi ni vanakulobye va vona va Afarsaka, va le hase ka nambu, mi titshamela etlhelo;

Ezra 4:20

Kambe Yerusalema, i muti lowu tshamaka wu fumiwa hi tihosi ta matimba leti nga fuma matiko hinkwawo ehase ka nambu, leti muthelo, ni ndzuvo, ni nhlengo swi nga humeseriwa tona.

Ezra 7:1

Endzhaku ka sweswo, enkarhini lowu ku fumaka Ataserkisi, hosi ya Peresi, Ezra, n'wana Seraya, n'wana Azariya n'wana Hilkiya,

Ezra 7:22

ku fika ka titalenta ta dzana ta silivhere, ni tikore ta dzana ta koro, ni vhinyo ya dzana ra tibati, ni tibati ta dzana ta mafurha, ni munyu lowu va ringanaka.

Ezra 8:36

Kambe va nyika tindhuna ta hosi ni vafumi va hase ka nambu, ku lerisa ka hosi, kutani valavo va yimela tiko ni yindlu ya Xikwembu.

Nehemiya 2:7

Kambe ndzi ku eka hosi: “Loko hosi yi pfumela, a ndzi nyikiwe papila leri yaka eka tihosi ta hase ka nambu, va ta ndzi pfulela ndlela ndzi ko ndzi ya fika eYudiya.

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Pisalema 119:4

U hi lerisile swiletelo swa wena, Leswaku swi hlayisiwa hi mafundza,