Ezra 7:14 - Xitsonga (Bibele)

¹⁴ hikuva u rhumiwa hi hosi ni tindhuna ta yena ta ntlhanu na timbirhi ta huvo, ku ya kambela Yudiya ni le Yerusalema, hilaha ku vuriweke hakona emilawini ya Xikwembu xa wena leyi u yi tamelaka emavokweni ya wena;

BIBELE Mahungu Lamanene

¹⁴ Mina hosi ya tiko, ni vatsundzuxi va mina va 7, ha ku rhuma leswaku u ya kambisisa leswi humelelaka eYuda ni le Yerusalema, u vona loko swi fambelana ni nawu wa Xikwembu xa wena lowu u nyikiweke wona.

Ezra 7:14 Referans Kwoze

Estere 1:14

kambe lava ingi va ri ekusuhi na yena a a ri Karixena, na Xetara, na Adimata, na Tarxixi, na Merese, na Marisena na Memukana, ti nga tihosana ta ntlhanu na timbirhi ta Peresi na Mediya, leti ngi ti vona nghohe ya hosi, kambe a ti ri leti ngi ti tshama eswitshan'weni leswi tlakukeke evuhosini. A ku eka vona:

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Daniele 6:20

Kuteloko yi fike ekheleni, yi vitana Daniele hi rito leri hlomukeke; kutani hosi yi vulavula, yi ku eka Daniele: “Daniele, nandza wa Xikwembu lexi hanyaka, Xikwembu xa wena lexi u xi tirhelaka hi ku tiyisela, xana xi kotile ku ku lamulela etinghaleni xana?”

Daniele 2:47

Kutani hosi yi vulavula na Daniele, yi ku: “Kunene Xikwembu xa n'wina i Xikwembu xa swikwembu, ni Hosi ya tihosi, ni muhlavuteri wa swihundla, hikuva xi kotile ku ndzi hlavutela xihundla xexo.”

Esaya 8:20

A hi tlheleleni enawini ni le vumbhonini. Kungakuloko ku nga yiwi hi rito leri, tiko a ri nga ha tsuvukeriwi hi vurhonga byin'wana!

Ezra 8:25

Ndzi va pimela ku tika ka silivhere ni nsuku, ni swigotso swa nhlengo lowu humeseriweke yindlu ya Xikwembu xa hina hi hosi ni tindhuna ta huvo, ni tihosana ta yena, ni Vaisraele hinkwavo lava ngi va ri kona.

Ezra 7:28

Loko ndzi ri mina, ndzi tiya mbilu hilaha voko ra Yehovha Xikwembu xa mina, ingi ri ri ehenhla ka mina hakona, ndzi hlengeleta vakulukumba va Israele leswaku va tlhandluka na mina.

Ezra 7:15

u ya ni silivhere, ni nsuku, leswi hosi ni tindhuna ta yona ta huvo va swi humeseleke Xikwembu xa Israele hi ku swi rhandza, leswi vutshamo bya xona byi nga eYerusalema,

Ezra 6:12

Kutani Xikwembu lexi akiseke vito ra xona kona, a xi wisele ehansi hosi yin'wana ni yin'wana, ni tiko rin'wana ni rin'wana leri nga ta tlakusa voko ku hambuxa mhaka leyi, ni ku onha yindlu yoleyo ya Xikwembu leyi nga eYerusalema. Mina, Dariyosi ndzi swi lerisile; endlani hakona sweswi.”

Ezra 5:8

“Hosi a yi tive leswaku a hi yile etikweni ra Yuda, endlwini ya Xikwembu lexikulu; yona yi akiwa hi maribye lamakulu, lama vatliweke ni makhumbi ma fuleriwa hi mapulangi; mitirho ya hatlisa, ni mavoko ya vona ma ni vulwandla.

Ezra 1:3

U kwihi exikarhi ka n'wina la nga wa tiko ra xona? Xikwembu xa yena a xi ve na yena, a ta tlhandlukela eYerusalema, etikweni ra Yuda, a pfuxa yindlu ya Yehovha, Xikwembu xa Israele! Hi xona Xikwembu lexi nga eYerusalema!

Ezra 6:8

Kambe ku lerisa ka mina emhakeni ya leswi mi nga ta swi endlela vakulukumba volavo va Vayuda, leswaku yindlu yoleyo ya Xikwembu kunene yi akiwa, ndzi ri: Mali ya ndzuvo ya hosi leyi humaka ehase ka nambu, nyikani vavanuna volavo ku humesela ntirho hi mukhuva wa kona, va nga kanakanisiwi.

Zakariya 6:10

“Teka mihlengo ya lava humaka evukhumbini, ya Helidayi, na Tobiya, na Yedaya, u ya hi siku leri, endlwini ya Yosiya, n'wana Sofoniya, laha va fikeleke kona, loko va huma eBabilona.