Ezra 7:13 - Xitsonga (Bibele)

¹³ “Ndzi lerisa leswaku hinkwavo va ku fuma ka mina lava nga va tiko ra Israele, ni vaprista va vona, ni Valevhi, lava rhandzaka ku tlhelela eYerusalema, na wena, hi ku rhandza ka vona, va nga famba;

BIBELE Mahungu Lamanene

¹³ Ndzi veka nawu wa leswaku munhu un'wana ni un'wana exikarhi ka Vaisraele kumbe vaprista kumbe Valevhi, loyi a tsakelaka ku famba na wena eYerusalema, a a fambe.

Ezra 7:13 Referans Kwoze

Ezra 6:1

Kutani hosi Dariyosi a va byela leswaku ku laviwa endlwini ya mapapila ya tihosi ta Babilona, laha ku hlayiseriwaka kona xuma.

Nhlavutelo 22:17

Moya ni Mutekiwa va ri: “Tana!” Ni la yingisaka, a vule a ku: “Tana!” Ni la nga ni torha, a a te; ni la swi rhandzaka, a a teke ntsena mati ya vutomi.

Vafilipiya 2:13

hikuva Xikwembu, hi xona lexi tirhaka eka n'wina ku rhandza ni ku endla hi ku tirhandzela ka xona.

Pisalema 148:6

U swi vekile leswaku swi va kona hi laha ku nga yiki helo ni makumu, U swi nyikile milawu, a ku na xin'we lexi yi tlulaka.

Pisalema 110:3

Tiko ra wena ri ta va lera mapfundzu siku u hlengeletaka nyimpi ya wena. Hi ku saseka loku hlawuriweke, lavantshwa va ta huma eka wena, Kukotisa mberha leyi humaka evuxeni.

Estere 9:14

Hosi yi lerisa leswaku ku endlisiwa sweswo, ni leswaku ku vuriwa ku lerisa eXuxani; kutani vana va Hamani va khume va hayekiwa etimhandzeni.”

Estere 3:15

Kutani vatsutsumi va suka hi ku hatlisa hi ku lerisa ka hosi.

Ezra 5:13

Hambiswiritano, hi lembe ro sungula ra ku fuma ka Korexe, hosi ya Babilona, hosi Korexe yi vula leswaku yindlu ya Xikwembu a yi pfuxiwe;

Ezra 1:3

U kwihi exikarhi ka n'wina la nga wa tiko ra xona? Xikwembu xa yena a xi ve na yena, a ta tlhandlukela eYerusalema, etikweni ra Yuda, a pfuxa yindlu ya Yehovha, Xikwembu xa Israele! Hi xona Xikwembu lexi nga eYerusalema!

2 TIKRONIKA 30:5

kutani va kanela makungu ku tivisa etikweni hinkwaro ra Israele, ku suka eBerexeba ku ya fika eDani, leswaku va ta Yerusalema, ku endlela Yehovha, Xikwembu xa Israele, Paseka; hikuva hi malembe layo tala, a va yi endlanga hilaha ku tsariweke hakona.

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.