Ezra 6:8 - Xitsonga (Bibele)

⁸ Kambe ku lerisa ka mina emhakeni ya leswi mi nga ta swi endlela vakulukumba volavo va Vayuda, leswaku yindlu yoleyo ya Xikwembu kunene yi akiwa, ndzi ri: Mali ya ndzuvo ya hosi leyi humaka ehase ka nambu, nyikani vavanuna volavo ku humesela ntirho hi mukhuva wa kona, va nga kanakanisiwi.

BIBELE Mahungu Lamanene

⁸ Mina ndzi veka nawu hi tlhelo ra leswi mi fanelaka ku swi endlela vakulukumba va Vayuda eku pfuxeni ka yindlu ya Xikwembu: Hatlisani mi va nyika hinkwaswo leswi va nga ta swi lava, mi swi xava hi mali ya ndzuvo leyi nga nkwameni wa tiko, kwale xifundzheni xa vupeladyambu bya Yufrata.

Ezra 6:8 Referans Kwoze

Ezra 6:4

Yi va ni tinxaxa tinharhu ta maribye lamakulu, ni yin'we ya timhandze letintshwa; mali yo hakela yi ta huma endlwini ya hosi.

Hagayi 2:8

Silivhere i ya mina, ni nsuku i wa mina, ku vula Yehovha wa mavandla.

Ezra 5:5

Kambe tihlo ra Xikwembu xa vona ri languta vakulukumba va Vayuda, kutani va tshika ku va sivela loko mhaka yoleyo ya ha yisiwile ka Dariyosi, va langutela papila ra ku hlamula mhaka yoleyo.

Ezra 4:23

Kuteloko marito ya papila ra hosi Ataserkisi ma hlayiwile emahlweni ka Rehumi, na Ximixayi, mutsari ni vanakulobye va hatlisa va ya eka Vayuda eYerusalema, va va yimisa hi matimba ya mavoko.

Ezra 4:16

Hi tivisa hosi, hi ku: ‘Loko muti lowu wu pfuxiwa, ni rirhangu ra wona loko ri hela, a ku nga ha vi na tiko entsungeni wa hase ka nambu.’ ”

Ezra 6:7

mi tshika ntirho wa yindlu ya Xikwembu wu humela emahlweni; hosi ya Vayuda ni vakulukumba va Vayuda a va ake yindlu yoleyo ya Xikwembu exiteni xa yona.

Ezra 6:9

Hambi swi ri leswi va swi pfumalaka, kumbe tinkunzi, kumbe makhuna, ni swinyimpfana swa tiholokosta ta Xikwembu xa le matilweni, hambi yi ri koro, kumbe munyu, ni vhinyo, ni mafurha ni laha vaprista va Yerusalema, va nga kombelaka hakona, a va nyikiwe hi siku rin'wana ni rin'wana, mi nga hoxi kona;

Ezra 7:14

hikuva u rhumiwa hi hosi ni tindhuna ta yena ta ntlhanu na timbirhi ta huvo, ku ya kambela Yudiya ni le Yerusalema, hilaha ku vuriweke hakona emilawini ya Xikwembu xa wena leyi u yi tamelaka emavokweni ya wena;

Nehemiya 11:23

hikuva hosi a yi lerisile mitirho ya vona, ni leswaku hakelo leyi vuriweke yi nyikiwa vayimbeleri hi siku rin'wana ni rin'wana.

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Ezra 6:14

Kutani vakulukumba va Vayuda va aka va tsakile va tiyisiwa hi ku bvumbha ka muprofeta Hagayi ni ka Zakariya, n'wana Ido; va aka va heta hilaha ku nga vula hakona Xikwembu xa Israele, ni hilaha ku nga vula Korexe, na Dariyosi, na Ataserkisi, hosi ya Peresi.

Nehemiya 2:8

Kambe a ndzi nyikiwe papila leri yaka eka Asafa, mukamberi wa swihlahla swa hosi, leswaku a ta ndzi nyika timhandze ta ku endla timbanti ta tinyangwa ta khokholo ra yindlu ya Yehovha, ni ta rirhangu ra muti, ni ta yindlu leyi ndzi nga ta tshama eka yona.” Hosi yi ndzi nyika mapapila walawo hilaha voko ra vunene bya Xikwembu xanga ngi ana ri le ka mina.