Ezra 6:21 - Xitsonga (Bibele)

²¹ Kutani vana va Israele lava tlheleke eku bohiweni, va yi dya hinkwavo, lava aveneke ni mathyaka ya matiko, lava teke ku ta hlangana na vona ku lava Yehovha, Xikwembu xa Israele.

BIBELE Mahungu Lamanene

²¹ Nyama ya kona yi dyiwile hi Vaisraele lava vuyeke hi le vukhumbini ni vanhu hinkwavo lava a va amukeriwile hi Vaisraele, va hambana ni manyala ya vaaki va tiko, va khongela HOSI Xikwembu xa Israele.

Ezra 6:21 Referans Kwoze

Ezra 9:11

leyi u hi leriseke yona hi malandza ya wena vaprofeta, u te: ‘Tiko leri mi nga ta nghena eka rona ku ri teka, i tiko leri nyamisiweke hi thyaka ra matiko ya rona, ma ri tatisile hi manyala ya vona, ku sungula emakumo man'wana, ku yisa emakumo man'wana.

2 Vakorinto 7:1

Sweswi, varhandziwa, loko hi ri ni ku tshembisiwa kuloko, a hi tihlantsweni thyaka hinkwaro ra miri ni ra moya, hi ri karhi hi hetisa ku hlawuleka ka hina exichabyeni xa Xikwembu.

Esaya 52:11

Sukani! Sukani! Humani kona! Mi nga khumbi nchumu wa leswi yilaka, humani exikarhi ka wona. Tibasiseni, n'wina lava mi rhwalaka timbita ta Yehovha!

Nehemiya 9:2

Va rixaka ra Israele va tihlawula eka vana va matiko, va tihumesa erivaleni, va tivula swivi swa vona ni ku dyoha ka vatata wa vona.

Ezra 9:1

Timhaka leti, loko ti herile, tihosana ti ndzi tshinelela mina, ti ku: “Tiko ra Israele ni vaprista, ni Valevhi a va tihlawulangi eka vanhu va matiko, kambe va etisa manyala ya vona, va nga Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta ni Vaamori.

2 Vakorinto 6:17

Hikwalaho, humani exikarhi ka vona, mi tihlawula, ku vurisa sweswo Hosi; mi nga tshuki mi khumba swa thyaka, kutani ndzi ta mi amukela.

Ezekiele 36:25

ndzi ta mi xuva hi mati layo basa, mi ta tenga; ndzi ta mi basisa eka mathyaka ya n'wina hinkwawo ni ka swifaniso swa n'wina hinkwaswo.

Pisalema 93:5

Vumbhoni bya wena bya tshembeka ngopfu; Ku kwetsima ku fanele yindlu ya wena, Oho Yehovha! Hi laha ku nga heriki.

Nehemiya 10:28

Van'wanyana va tiko, ni vaprista ni Valevhi, ni valanguteri va tinyangwa, ni vayimbeleri, ni Vanetinimi ni hinkwavo lava ngi va tihlawurile eka matiko lama akeke ekusuhi, leswaku va namarhela milawu ya Xikwembu va ri ni vasati va vona, ni vana va vona va xinuna ni va xisati va nga hinkwavo lava ngi va ri ni ku tiva ni ku twisisa,

2 TIKRONIKA 30:19

hambi a nga basisiwanga hilaha ku fanelaka evukwetsimelweni.”