Ezra 6:14 - Xitsonga (Bibele)

¹⁴ Kutani vakulukumba va Vayuda va aka va tsakile va tiyisiwa hi ku bvumbha ka muprofeta Hagayi ni ka Zakariya, n'wana Ido; va aka va heta hilaha ku nga vula hakona Xikwembu xa Israele, ni hilaha ku nga vula Korexe, na Dariyosi, na Ataserkisi, hosi ya Peresi.

BIBELE Mahungu Lamanene

¹⁴ Kutani vakulukumba va Vayuda va ya emahlweni va aka, va nga siveli hi nchumu, hilaha muprofeta Hagayi na Zakariya n'wana Ido va vuleke hakona, va heta ntirho lowu Xikwembu xa Israele xi nga va lerisa ku wu endla. Va wu tirhile hi ku pfumeleriwa hi Korexe, na Dariyosi.

Ezra 6:14 Referans Kwoze

Ezra 7:1

Endzhaku ka sweswo, enkarhini lowu ku fumaka Ataserkisi, hosi ya Peresi, Ezra, n'wana Seraya, n'wana Azariya n'wana Hilkiya,

Ezra 5:13

Hambiswiritano, hi lembe ro sungula ra ku fuma ka Korexe, hosi ya Babilona, hosi Korexe yi vula leswaku yindlu ya Xikwembu a yi pfuxiwe;

Ezra 4:24

Kavaloko ku yima ntirho wa yindlu ya Xikwembu eYerusalema, wu yima ku fikela lembe ra vumbirhi ra ku fuma ka Dariyosi, hosi ya Peresi.

Zakariya 4:9

“Mavoko ya Zerubabele ma sungule yindlu leyi, mavoko ya yena ma ta yi heta; kutani U ta tiva leswaku, Yehovha wa tinyimpi u ndzi rhumile eka n'wina.

Hagayi 1:8

Tlhandlukelani entshaveni, mi neha timhandze, mi aka yindlu, kutani ndzi ta yi tsakela, ndzi va ndzi yi twarisa, ku vula Yehovha.

Esaya 44:28

Ndzi byela ta Korexe, ndzi ku: ‘I murisi wa mina, u ta endla ku rhandza ka mina hinkwako; u ta ku eka Yerusalema: “U ta tlhela u akiwa!” Eka tempele, u ta ku: “A ku akeriwe masungulo!” ’ ”

Ezra 4:3

Kambe Zerubabele na Yexuwa, ni tihosana tin'wana ta vatatana va Israele va ku eka vona: “Mi nga ka mi nga akeli Yehovha, Xikwembu xa hina yindlu swin'we na hina; hi ta akelela Yehovha, Xikwembu xa Israele, hi ri sweru, hilaha hi lerisiweke hakona hi hosi Korexe, hosi ya Peresi.”

Ezra 3:8

Hi lembe ra vumbirhi ra ku fika ka vona endlwini ya Yehovha eYerusalema, hi n'hweti ya vumbirhi, Zerubabele n'wana Salatiele, na Yexuwa, n'wana Yosadaka ni vamakwavo lava nga vaprista, ni Valevhi, ni hinkwavo lava nga tlhelela eYerusalema, va huma eku bohiweni, va sungula ku tirha, kutani ku vekiwa Valevhi lava nga ni malembe ya makume mambirhi, ni lava nga emahlweni, leswaku va fambisa mitirho ya yindlu ya Yehovha.

Ezra 5:1

Kute nkarhi lowu muprofeta Hagayi na muprofeta Zakariya, n'wana Ido, va nga profeta eka Vayuda va le Yudiya ni va le Yerusalema, hi vito ra Xikwembu xa Israele lexi nga vulavula na vona.

Ezra 5:2

Hiloko ku pfuka Zerubabele, n'wana Salatiele, na Yexuwa, n'wana Yosadaka, va tlhela va sungula ku aka yindlu ya Xikwembu eYerusalema, va ri ni vaprofeta va Xikwembu lava va pfunaka.

Hagayi 1:1

Hi lembe ra vumbirhi ra ku fuma ka hosi Dariyosi, hi n'hweti ya vuntlhanu na yin'we, hi siku ro sungula ra n'hweti, rito ra Yehovha ri ta hi muprofeta Hagayi eka Zerubabele, hosana ya Yuda n'wana Salatiele, ni ka Yoxuwa, muprista lonkulu, n'wana Yosadaki, ri ku:

Zakariya 1:1

Hi n'hweti ya ntlhanu na tinharhu ya lembe ra vumbirhi ra ku fuma ka Dariyosi, rito ra Yehovha ri ta eka muprofeta Zakariya, n'wana Berekiya, n'wana Ido, ri ku:

Zakariya 1:16

Hikwalaho, ku vula Yehovha, ndzi vuyela eka Yerusalema, hi tintswalo, yindlu ya mina yi ta tlhela yi akiwa kona, ku vula Yehovha wa tinyimpi, kutani ngoti ya ku pima yi ta tshambulutiwa ehenhla ka Yerusalema.

Zakariya 8:9

Yehovha wa tinyimpi u ri: “Mavoko ya n'wina a ma tiye, n'wina lava twaka marito lama humaka emilon'wini ya vaprofeta emikarhini leyi ku nga sunguriwa ha yona yindlu ya Yehovha wa tinyimpi, yi nga tempele, leswaku yi akiwa.

Ezra 6:3

“Hi lembe ro sungula ra ku fuma ka Korexe, hosi Korexe yi vurile ematshan'weni ya yindlu ya Xikwembu eYerusalema, leswaku yindlu yeleyo yi tlhela yi pfuxiwa, ku va laha va nga ta tlhava magandzelo kona, ni masungulo ya yona ma ta pfuxiwa. Ku leha ka yona ku va swisungunhu swa 60; ku anama ka yona ku va swisungunhu swa 60.

Ezra 6:8

Kambe ku lerisa ka mina emhakeni ya leswi mi nga ta swi endlela vakulukumba volavo va Vayuda, leswaku yindlu yoleyo ya Xikwembu kunene yi akiwa, ndzi ri: Mali ya ndzuvo ya hosi leyi humaka ehase ka nambu, nyikani vavanuna volavo ku humesela ntirho hi mukhuva wa kona, va nga kanakanisiwi.

Ezra 9:9

Hikuva hi makhumbi kunene, kambe evukhumbini bya hina Xikwembu xa hina a xi hi tshikanga xi va xi hi kombisa tintswalo ta xona emahlweni ka tihosi ta Peresi, xi hi hanyisa, leswaku yindlu ya Xikwembu xa hina yi akiwa yi pfuxiwa erhumbini ra yona, hi ta nyikiwa rirhangu etikweni ra Yuda na Yerusalema.

Nehemiya 6:15

Loko ri ri rirhangu, ri hela hi siku ra makume mambirhi na ntlhanu ra n'hweti ya Elulu, ri tirhiwile hi masiku ya 52.