Ezra 6:12 - Xitsonga (Bibele)

¹² Kutani Xikwembu lexi akiseke vito ra xona kona, a xi wisele ehansi hosi yin'wana ni yin'wana, ni tiko rin'wana ni rin'wana leri nga ta tlakusa voko ku hambuxa mhaka leyi, ni ku onha yindlu yoleyo ya Xikwembu leyi nga eYerusalema. Mina, Dariyosi ndzi swi lerisile; endlani hakona sweswi.”

BIBELE Mahungu Lamanene

¹² Xikwembu lexi endleke leswaku vito ra xona ri twarisiwa eYerusalema, a xi wise hosi yin'wana ni yin'wana kumbe vanhu lava lavaka ku hundzuluxa nawu lowu, kumbe ku faya yindlu ya Xikwembu leyi nga Yerusalema. Mina Dariyosi ndzi vekile nawu, tikarhateleni ku wu yingisa.”

Ezra 6:12 Referans Kwoze

1 TIHOSI 9:3

Yehovha a ku eka yena: “Ndzi yingisile xikhongelo xa wena ni ku kombela loku u ku humeseke emahlweni ka mina: Ndzi hlawurile Yindlu leyi u yi akeke, ku veka vito ra mina kona hilaha ku nga heriki; mahlo ya mina ni mbilu ya mina swi ta va kona hi masiku.

Duteronoma 12:5

kambe xivandla lexi Yehovha, Xikwembu xa n'wina, a nga ta hlawula exikarhi ka tinxaka hinkwato ta n'wina ku veka kona vito ra yena, hi xona xivandla xa yindlu ya yena; mi ta n'wi lavisisa kona, mi va mi ya kona.

Duteronoma 12:11

Exivandleni, lexi Yehovha, Xikwembu xa n'wina, a nga ta hlawula ku ta akisa kona vito ra yena, hi kona mi nga ta tisa hinkwaswo leswi ndzi mi lerisaka swona, tiholokosta ta n'wina, ni magandzelo ya n'wina, ni swa vukhume bya n'wina, ni leswi mavoko ya n'wina ma swi pambuleke, ni mihlengo ya n'wina ya leswo saseka leyi mi nga ta yi tisa eka Yehovha ku tiyisa leswi mi tiboheke hi ku hlambanya ku swi endla.

Eksoda 20:24

U ta ndzi akela alitari ya misava, laha u nga ta tlhavela kona magandzelo ya wena, ni timhamba ta wena ta tinyimpfu ni ta tihomu. Hinkwako laha ndzi nga ta veka xitsundzuxo xa vito ra mina, ndzi ta ta eka wena kona, ndzi ku katekisa.

Timhaka 9:5

Kutani a ku: “U mani, Hosi?” Hosi yi ku: “Hi mina Yesu loyi u n'wi xanisaka; swa nonon'hwa eka wena ku khadlanya risungunhu.”

Obadiya 1:10

Hikwalaho ka ku biha koloko u ku endleke eka makwenu Yakobo, u ta funengetiwa hi tingana, u lovisiwa makumu, hilaha ku nga heriki.

Esaya 60:12

Hikuva matiko lama nga ku tirheliki ma ta lova, matiko lawa ma ta herisiwa.

Eklesiasta 9:10

Hinkwaswo leswi voko ra wena ri nga swi kumaka ku tirha, swi tirhe hi matimba ya wena hikuva exivandleni xa vafi laha u yaka kona, a ka ha ri na ntirho, hambi makungu, ni ku tiva, hambi vutlhari.

Pisalema 5:10

U va ba, Xikwembu, u va wisa hi makungu ya vona. U va wisa hikwalaho ka swidyoho swa vona leswi teleke; Hikuva va ku hundzukele.

Estere 8:14

Vatsutsumi lava khandziyeke tihanci ni timula, va hatlisa va huma, va hatlisisiwa hi ku lerisa ka hosi. Ni le Xuxani, ntsindza, ku lerisa koloko ku lerisiwa.

2 TIKRONIKA 7:16

hikuva sweswi, ndzi hlawurile, ndzi va ndzi kwetsimisa yindlu leyi, leswaku vito ra mina ri va kona hi masiku, ni leswaku mahlo ya mina ni mbilu ya mina yi va kona hilaha ku nga heriki.

Duteronoma 16:2

U ta tlhavela Yehovha, Xikwembu xa wena, Paseka, swi ri swifuwo leswikulu ni leswitsongo, exivandleni lexi Yehovha a nga ta xi hlawula ku akisa vito ra yena kona.

Ezra 6:13

Kutani Tatenayi, hosi ya hase ka nambu, a ri na Xetara-Bozenayi, ni vanakulobye, loko va vona leswi rhumiweke hi hosi Dariyosi, va hatlisa va endlisa sweswo.

Ezra 6:14

Kutani vakulukumba va Vayuda va aka va tsakile va tiyisiwa hi ku bvumbha ka muprofeta Hagayi ni ka Zakariya, n'wana Ido; va aka va heta hilaha ku nga vula hakona Xikwembu xa Israele, ni hilaha ku nga vula Korexe, na Dariyosi, na Ataserkisi, hosi ya Peresi.

Ezra 7:15

u ya ni silivhere, ni nsuku, leswi hosi ni tindhuna ta yona ta huvo va swi humeseleke Xikwembu xa Israele hi ku swi rhandza, leswi vutshamo bya xona byi nga eYerusalema,

Ezra 7:26

Mani na mani la nga endliki hi milawu ya Xikwembu xa wena, ni milawu ya tihosi, a a avanyisiwe, kumbe hi ku dlawa, kumbe a hlongoriwa, kumbe ku dyiwa swilo swa yena kumbe a nghenisiwa ekhotsweni.”

Ezra 7:17

Hikwalaho, hatlisa u xava hi mali yoleyo tinkunzi, ni tinyimpfu, ni swinyimpfana, ni tinyiko ta swona, ni swakunwa leswi cheriwaka ehenhla ka swona, u swi humesa ealitarini ya yindlu ya Xikwembu xa n'wina eYerusalema.