Ezra 5:12 - Xitsonga (Bibele)

¹² “ ‘Kuteloko vatata wa hina va karihisile Xikwembu xa le matilweni xi va nyiketa emavokweni ya Nebukadnetsara, Mukalediya, hosi ya Babilona, hi yena la onheke yindlu yoleyo, a yisa tiko leri eBabilona, evukhumbini.

BIBELE Mahungu Lamanene

¹² kambe yi mbundzumuxiwile hi Nebukadnetsara hosi ya Babilona lowa Mukalediya, kutani a teka ni Vayuda a va yisa evukhumbini eBabilona. Leswi swi humelerile hikuva vatata wa hina a va hlundzukisile Xikwembu xa matilo, kutani xi va nyiketile emavokweni ya Nebukadnetsara.

Ezra 5:12 Referans Kwoze

Daniele 9:5

Hi dyohile, hi endlile leswo homboloka: hi endle hi vuphukuphuku ni ku tiarisa, hi hambukile ku leriseni ka wena.

2 TIHOSI 24:2

Kutani Yehovha a rhuma mavandla ku lwa na Yoyakimi, ma ri mavandla ya Vakalediya, ni mavandla ya Vasiriya, ni mavandla ya Mowabu, ni mavandla ya vana va Amoni; a ma rhumela eka va Yuda ku va heta, hilaha Yehovha a nga vula hakona hi malandza ya yena vaprofeta.

Yeremiya 5:29

Xana ndzi nga tshika ku tshinya swilo leswo tano xana?” ku vula Yehovha; “kumbe ndzi nga tshika ku tirihisela eka tiko lero tano xana?

Pisalema 106:40

Vukari bya Yehovha byi pfurhela tiko ra yena, Ndzhaka ya yena yi hundzuka xilo lexa manyala.

2 TIHOSI 25:1

Hi lembe ra ntlhanu na mune ra ku fuma ka yena, hi n'hweti ya khume, hi siku ra khume ra n'hweti, Nebukadnetsara, hosi ya Babilona, a ta ni nyimpi hinkwayo ya yena ku hlasela Yerusalema. A gova emahlweni ka wona, kutani va wu akela switsulutsulu ematlhelweni hinkwawo.

Vaavanyisi 6:1

Vana va Israele va engeta va endla leswo biha emahlweni ka Yehovha kutani Yehovha a va nyiketa emavokweni ya Vamidiyani hi malembe ya ntlhanu na mambirhi.

Vaavanyisi 4:2

Kutani Yehovha a va nyiketa emavokweni ya Yabini, hosi ya Kanana, la nga fuma Hasoro; mufambisi wa mavandla ya yena a a ri Sisera, a akile eHaroxete-Goyimi.

Vaavanyisi 2:14

Kutani ku kariha ka Yehovha ku pfurhela Vaisraele, a va nyiketa emavokweni ya vaonhi lava va onhaka, kutani a va nyiketa emavokweni ya valala va vona lava va va rhendzeleke; va tsandzeka ku yima emahlweni ka valala va vona.

Duteronoma 32:30

Xana munhu a nga hlongorisa ku yini va 1 000 xana? Ni vambirhi va nga hlongorisa va 10 000 xana? Loko ngi ribye ra vona ri nga va xavisanga, Ni loko Yehovha a nga va nyiketanga xana?

Duteronoma 31:17

Kambe vukari bya mina byi ta va pfurhela hi siku lero, kutani ndzi ta va tshika, ndzi va fihlela mombo wa mina, va ta dyiwa, kutani makhombo layo tala ni nhlomulo swi ta va wela ehenhla kutani va ta ku hi siku leri: ‘A hi leswi Xikwembu xa mina xi nga riki xikarhi ka hina leswi makhombo lawa ma ndzi weleke ehenhla xana?’

Yeremiya 52:12

Hi n'hweti ya vuntlhanu hi siku ra khume ra n'hweti (a ri ri lembe ra 19 ra ku fuma ka Nebukadnetsara, hosi ya Babilona), Nebuzaradani, ndhuna ya valanguteri, nandza wa hosi ya Babilona, a nghena eYerusalema.

2 TIKRONIKA 36:20

A yisa Babilona lava poneke matlharini, kutani va n'wi tirhela ni vana va yena, ku ko ku pfuka vuhosi bya ku fuma ka Peresi,

Esaya 47:6

Ndzi karihele tiko ra mina, ndzi va ndzi sandza ndzhaka ya mina, kutani ndzi va nyiketa emavokweni ya wena. A ku va tsetselelanga; u tikisile joko ra wena hi ku nonon'hwa ehenhla ka swikoxa.

Yeremiya 51:59

Hi leri rito ra muprofeta Yeremiya leri a nga lerisa rona Seraya, n'wana Neriya, n'wana Mahaseya, loko a ya eBabilona na Sedekiyasi, hosi ya Yuda, hi lembe ra vumune ra ku fuma ka yena, Seraya a a ri ndhuna ya valanguteri va makamara.