Ezra 5:1 - Xitsonga (Bibele)

¹ Kute nkarhi lowu muprofeta Hagayi na muprofeta Zakariya, n'wana Ido, va nga profeta eka Vayuda va le Yudiya ni va le Yerusalema, hi vito ra Xikwembu xa Israele lexi nga vulavula na vona.

BIBELE Mahungu Lamanene

¹ Muprofeta Hagayi na muprofeta Zakariya n'wana Ido va byela Vayuda lava akeke eYuda ni le Yerusalema marito ya Xikwembu xa Israele, xi nga Xikwembu lexi xi va fumaka.

Ezra 5:1 Referans Kwoze

Hagayi 1:1

Hi lembe ra vumbirhi ra ku fuma ka hosi Dariyosi, hi n'hweti ya vuntlhanu na yin'we, hi siku ro sungula ra n'hweti, rito ra Yehovha ri ta hi muprofeta Hagayi eka Zerubabele, hosana ya Yuda n'wana Salatiele, ni ka Yoxuwa, muprista lonkulu, n'wana Yosadaki, ri ku:

Mikiya 5:4

U ta yima, a risa hi matimba ya Yehovha, ni ku kwetsima ka vito ra Yehovha, Xikwembu xa yena; va ta aka hi ku rhula, hikuva u ta va nkulukumba ku yisa emakun'wini ya misava.

Ezra 4:24

Kavaloko ku yima ntirho wa yindlu ya Xikwembu eYerusalema, wu yima ku fikela lembe ra vumbirhi ra ku fuma ka Dariyosi, hosi ya Peresi.

Ezra 6:14

Kutani vakulukumba va Vayuda va aka va tsakile va tiyisiwa hi ku bvumbha ka muprofeta Hagayi ni ka Zakariya, n'wana Ido; va aka va heta hilaha ku nga vula hakona Xikwembu xa Israele, ni hilaha ku nga vula Korexe, na Dariyosi, na Ataserkisi, hosi ya Peresi.

Hagayi 2:18

Langutani-ke etimbilwini ta n'wina; ku suka esikwini leri, ku tlhelela endzhaku, ku suka esikwini ra makume mambirhi na mune ra n'hweti ya ntlhanu na mune ku yisa esikwini leriya leri yindlu ya Yehovha ingi yi yimisiwile ha rona, lavisisani timhaka etimbilwini ta n'wina.

Zakariya 8:9

Yehovha wa tinyimpi u ri: “Mavoko ya n'wina a ma tiye, n'wina lava twaka marito lama humaka emilon'wini ya vaprofeta emikarhini leyi ku nga sunguriwa ha yona yindlu ya Yehovha wa tinyimpi, yi nga tempele, leswaku yi akiwa.

Hagayi 1:3

Kutani rito ra Yehovha ri ta hi muprofeta Hagayi, ri ku: