Ezra 4:9 - Xitsonga (Bibele)

⁹ “Rehumi mulerisi wa timhaka na Ximixayi mutsari, ni vanakulobye van'wana va vona, va Dina, ni va Afarsataka, ni va Tarpela, ni va Afarasi, ni va Ereke, ni va Babele, ni va Susa, ni va Deha, ni va Elamu,

BIBELE Mahungu Lamanene

⁹ va ri tsala ni vanghana va vona hinkwavo va nga vaavanyisi, ni tindhuna, ni valanguteri, ni malandza ya hosi, swin'we ni va le Ereka, ni va le Babilona, ni va le Susa va nga va le Elamu,

Ezra 4:9 Referans Kwoze

Ezra 6:6

“Loko swi ri tano, wena Tatenayi, hosi ya hase ka nambu, na Xetara-Bozenayi ni vanakulobye va vona va Afarsaka, va le hase ka nambu, mi titshamela etlhelo;

Ezra 5:6

Hi wona marito ya papila leri rhumeriweke hosi Dariyosi hi Tatenayi hosi ya tiko ra hase ka nambu, a ri na Xetara-Bozenayi ni vanakulobye va Afarsaka, va hase ka nambu.

2 TIHOSI 17:24

Hosi ya Asiriya yi tisa vanhu va Babilona, ni va Kuta, ni va Avha, ni va Hamata, ni va Sefari-Vhayimi, yi va akisa emitini ya Samariya ematshan'weni ya vana va Israele, kutani va fuma tiko ra Samariya, va aka emitini ya rona.

Timhaka 2:9

Hina Vaparta, ni Vameda, ni Vaelamu ni lava akeke eMesopotamiya, na Yudiya, na Kapadokiya, na Ponto, na Asiya,

Daniele 8:2

Kuteloko ndzi languta, swi va tanihi loko ndzi ri eXuxani, emutini wa le hosini wa tiko ra Elamu; ndzi vona xivono ndzi tshamile eribuwini ra nambu wa Ulayi.

Ezekiele 32:24

“Elamu, na yena, u kona, ni vunyingi bya yena hinkwabyo, byi rhendzele sirha ra yena, hinkwavo va dlayiwile va wisiwe hi fumu, lava nghenaka va nga yimbanga emisaveni leyi nga ehansi, va nga lava ingi va pfuxa ku chavisa etikweni ra lava hanyaka, kutani va rhwala tingana ta vona kun'we ni lava nghenaka enceleni.

Yeremiya 49:34

Rito ra Yehovha ri tshama ri ta eka muprofeta Yeremiya hikwalaho ka Elamu, eku sunguleni ka ku fuma ka Sedekiyasi, hosi ya Yuda, ri ku:

Yeremiya 25:25

ni tihosi hinkwato ta Zimri, ni tihosi hinkwato ta Elamu, ni tihosi hinkwato ta Mediya;

Esaya 21:2

Ndzi kombiwile leswi chavisaka ngopfu: Muxanisi u tirha hi ku xanisa ka yena, muphangi wa phanga! Tlhandluka Elamu! Rhendzela, wee Mediya! Ndzi herisa ku konya hinkwako!

Estere 2:3

kutani ematikweni hinkwawo ya ku fuma ka yona, hosi a yi lerise tindhuna leswaku va hlengeleta vanhwana hinkwavo lavantshwa, lavo saseka, va tisiwa eXuxani, ntsindza, endlwini ya vavasati, evuhlayiselweni bya Hegayi, ndhuna ya hosi ni mulanguteri wa vavasati;

Estere 1:2

ndzi ri, emikarhini leyo, kuteloko hosi Ahasuwerusi a tshamisile exitshan'weni xa vuhosi bya yena, eXuxani, wu nga ntsindza,

Genesa 10:22

Vana va Xeme: Elamu, Axuru, Aripakixada, Ludu, Aramu.

Ezra 4:8

Hi sweswo Rehumi, mulerisi wa timhaka, na Ximixayi, mutsari, va tsalela hosi Ataserkisi papila ehenhla ka Yerusalema, va ku:

Nehemiya 4:2

Kutani a vulavula emahlweni ka vamakwavo ni le mahlweni ka tinhenha ta Samariya, a ku: “Vayuda lava va swisiwana, va endla yini? Xana va titshemba swonghasi-ke? Xana va ta tlhava magandzelo-ke? Va ta heta sweswi xana? Xana va ta hanyisa maribye lama tshweke ehansi ka tinhulu leti ta ntshuri xana?”

Ezra 5:3

Enkarhini wolowo ku ta eka vona Tatenayi, hosi ya tiko ra le ntsungeni wa nambu, a ri na Xetara-Bozenayi, ni vanakulobye va ku eka vona: “Mi byeriwile hi mani ku aka yindlu yoleyo, ni ku heta rirhangu rolero xana?”