Ezra 4:3 - Xitsonga (Bibele)

³ Kambe Zerubabele na Yexuwa, ni tihosana tin'wana ta vatatana va Israele va ku eka vona: “Mi nga ka mi nga akeli Yehovha, Xikwembu xa hina yindlu swin'we na hina; hi ta akelela Yehovha, Xikwembu xa Israele, hi ri sweru, hilaha hi lerisiweke hakona hi hosi Korexe, hosi ya Peresi.”

BIBELE Mahungu Lamanene

³ Kambe Zerubabele na Yexuwa ni tinhloko ta mindyangu ya Vaisraele, va va hlamula va ku: “Hina a hi swi lavi leswaku mi aka na hina yindlu ya Xikwembu xa hina. Yindlu ya HOSI Xikwembu, hi ta yi aka hi ri hexe, hilaha Korexe hosi ya Vaperesi a hi leriseke hakona.”

Ezra 4:3 Referans Kwoze

Nehemiya 2:20

Ndzi va hlamula ndzi ku eka vona: “Xikwembu xa matilo, hi xona xi nga ta hi pfuna hina, malandza ya xona, hi ta pfuka hi aka. Loko mi ri n'wina, a mi na ku averiwa, ni loko yi ri mfanelo, hambi xitsundzuxo eYerusalema.”

Timhaka 8:21

A ku na ku averiwa ni ku pambuleriwa emhakeni leyi, hikuva mbilu ya wena a yi lulamanga emahlweni ka Xikwembu.

Matewu 10:16

“Vonani, ndza mi rhuma mi fana ni tinyimpfu exikarhi ka mahlolwa, hikwalaho-ke tlharihani kukota tinyoka, mi va lavo kala mano kukota magugurhwana.

Esaya 45:4

Hikwalaho ka rirhandzu ra mina eka Yakobo ni ka Israele, muhlawuriwa wa mina, ndzi ku vitanile hi vito ra wena, ndzi vulavurile na wena hi tintswalo loko u nga si ndzi tiva.

Esaya 44:28

Ndzi byela ta Korexe, ndzi ku: ‘I murisi wa mina, u ta endla ku rhandza ka mina hinkwako; u ta ku eka Yerusalema: “U ta tlhela u akiwa!” Eka tempele, u ta ku: “A ku akeriwe masungulo!” ’ ”

2 TIKRONIKA 36:22

Hi lembe ro sungula ra Korexe, hosi ya Peresi hileswaku ku endlakala rito ra Yehovha leri a ri vuleke hi nomu wa Yeremiya, Yehovha a pfuxa mbilu ya Korexe, hosi ya Peresi, kutani a twarisa hinkwako eku fumeni ka yena, hi mukhosi ni matsalwa mhaka leyi nge:

Yohane 4:9

Wansati wa Musamariya a ku eka yena: “Leswi u nga Muyuda u komberisa ku yini mati eka mina ndzi nga wansati wa Musamariya xana?” (Kasi Vayuda a va tolovelani ni Vasamariya.)

Ezra 1:1

Hi lembe ro sungula ra Korexe, hosi ya Peresi, hileswaku ku endlakala rito ra Yehovha leri a ri vuleke hi nomu wa Yeremiya, Yehovha a pfuxa mbilu ya Korexe, hosi ya Peresi, kutani a twarisa hinkwako eku fumeni ka yena hi mukhosi ni matsalwa mhaka leyi nge:

Ezra 1:2

“Ku vula Korexe, hosi ya Vaperesi: Yehovha, Xikwembu xa le matilweni, xi ndzi nyikile vuhosi hinkwabyo bya misava; kambe xi ndzi lerisile leswaku ndzi n'wi akela yindlu eYerusalema, etikweni ra Yuda.

Ezra 3:8

Hi lembe ra vumbirhi ra ku fika ka vona endlwini ya Yehovha eYerusalema, hi n'hweti ya vumbirhi, Zerubabele n'wana Salatiele, na Yexuwa, n'wana Yosadaka ni vamakwavo lava nga vaprista, ni Valevhi, ni hinkwavo lava nga tlhelela eYerusalema, va huma eku bohiweni, va sungula ku tirha, kutani ku vekiwa Valevhi lava nga ni malembe ya makume mambirhi, ni lava nga emahlweni, leswaku va fambisa mitirho ya yindlu ya Yehovha.

Ezra 1:3

U kwihi exikarhi ka n'wina la nga wa tiko ra xona? Xikwembu xa yena a xi ve na yena, a ta tlhandlukela eYerusalema, etikweni ra Yuda, a pfuxa yindlu ya Yehovha, Xikwembu xa Israele! Hi xona Xikwembu lexi nga eYerusalema!