Ezra 4:24 - Xitsonga (Bibele)

²⁴ Kavaloko ku yima ntirho wa yindlu ya Xikwembu eYerusalema, wu yima ku fikela lembe ra vumbirhi ra ku fuma ka Dariyosi, hosi ya Peresi.

BIBELE Mahungu Lamanene

²⁴ Kutani ntirho wa ku aka yindlu ya Xikwembu le Yerusalema wu yima; wu yimise sweswo ku fikela lembe ra vumbirhi ra ku fuma ka Dariyosi hosi ya Vaperesi.

Ezra 4:24 Referans Kwoze

Hagayi 1:15

hi siku ra makume mambirhi na mune ra n'hweti ya ntlhanu na yin'we, hi lembe ra vumbirhi ra ku fuma ka hosi Dariyosi.

Ntirho 20:5

Xichavo xa timbabva xi hatle ku hela, Ni ku tsaka ka lowo biha i ka nkarhinyana ntsena?

Nehemiya 6:9

Hikuva hinkwavo a va lava ku hi chavisa, va ku: “Mavoko ya vona ma ta hela matimba leswaku ntirho wu nga yi emahlweni.” Oho Xikwembu xanga! Sweswi wa nga tiyisa mavoko ya mina!

Nehemiya 6:3

Ndzi va rhumela tintsumi, ndzi ku: “Ndzi khomiwile hi mitirho leyikulu, ndza tsandzeka ku ngirimela; ndzi nga yimisela yini mitirho ku yi siya ndzi ta eka n'wina xana?”

Ezra 6:1

Kutani hosi Dariyosi a va byela leswaku ku laviwa endlwini ya mapapila ya tihosi ta Babilona, laha ku hlayiseriwaka kona xuma.

Ezra 5:5

Kambe tihlo ra Xikwembu xa vona ri languta vakulukumba va Vayuda, kutani va tshika ku va sivela loko mhaka yoleyo ya ha yisiwile ka Dariyosi, va langutela papila ra ku hlamula mhaka yoleyo.

1 Vatesalonika 2:18

Hikwalaho, hi rhandzile ku ta eka n'wina, ngopfu mina Pawulo, ndzi ringetile kan'we na kambirhi, kambe Satana u hi siverile.

Ezra 4:23

Kuteloko marito ya papila ra hosi Ataserkisi ma hlayiwile emahlweni ka Rehumi, na Ximixayi, mutsari ni vanakulobye va hatlisa va ya eka Vayuda eYerusalema, va va yimisa hi matimba ya mavoko.

Ezra 5:1

Kute nkarhi lowu muprofeta Hagayi na muprofeta Zakariya, n'wana Ido, va nga profeta eka Vayuda va le Yudiya ni va le Yerusalema, hi vito ra Xikwembu xa Israele lexi nga vulavula na vona.

Ezra 6:14

Kutani vakulukumba va Vayuda va aka va tsakile va tiyisiwa hi ku bvumbha ka muprofeta Hagayi ni ka Zakariya, n'wana Ido; va aka va heta hilaha ku nga vula hakona Xikwembu xa Israele, ni hilaha ku nga vula Korexe, na Dariyosi, na Ataserkisi, hosi ya Peresi.

Daniele 9:25

Tiva u twisisa leswaku ku suka eritweni leri leriseke leswaku Yerusalema, wu ta tlhela wu akiwa ku ya fika eka Mesiya Hosi, ku ta hundza mavhiki ya ntlhanu na mambirhi ni mavhiki ya 62, kutani muti wu ta tlhela wu pfuxiwa wu akiwa, ni mitsendzele ni rirhangu ra wona, kambe ku ta va emikarhini ya nhlomulo.

Hagayi 1:1

Hi lembe ra vumbirhi ra ku fuma ka hosi Dariyosi, hi n'hweti ya vuntlhanu na yin'we, hi siku ro sungula ra n'hweti, rito ra Yehovha ri ta hi muprofeta Hagayi eka Zerubabele, hosana ya Yuda n'wana Salatiele, ni ka Yoxuwa, muprista lonkulu, n'wana Yosadaki, ri ku:

Hagayi 2:15

Kutani sweswi, lavisisani etimbilwini ta n'wina ta siku ra namuntlha ni ta le ndzhaku, ku nga siki vekiwaka ribye ehenhla ka ribye etempeleni ya Yehovha.

Zakariya 1:1

Hi n'hweti ya ntlhanu na tinharhu ya lembe ra vumbirhi ra ku fuma ka Dariyosi, rito ra Yehovha ri ta eka muprofeta Zakariya, n'wana Berekiya, n'wana Ido, ri ku:

Ezra 3:8

Hi lembe ra vumbirhi ra ku fika ka vona endlwini ya Yehovha eYerusalema, hi n'hweti ya vumbirhi, Zerubabele n'wana Salatiele, na Yexuwa, n'wana Yosadaka ni vamakwavo lava nga vaprista, ni Valevhi, ni hinkwavo lava nga tlhelela eYerusalema, va huma eku bohiweni, va sungula ku tirha, kutani ku vekiwa Valevhi lava nga ni malembe ya makume mambirhi, ni lava nga emahlweni, leswaku va fambisa mitirho ya yindlu ya Yehovha.

Ezra 4:5

ni ku hakela valeteri leswaku va onha makungu ya vona; swi endlisa sweswo hinkwawo masiku ya ku hanya ka Korexe, hosi ya Peresi, ku ya fika enkarhini wa ku fuma ka Dariyosi, hosi ya Peresi.

Ezra 6:15

Kutani yindlu yi hetiwa hi siku ra vunharhu ra n'hweti ya Adara, hi lembe ra ntlhanu na rin'we ra ku fuma ka hosi Dariyosi.

Daniele 11:2

Kutani sweswi, ndzi ta ku byela swinene. “Waswivo, tihosi tinharhu ta ha ta va kona eka Vaperesi, kutani wa vumune u ta fuwa vukosi lebyi tlulaka bya tin'wana hinkwato, kutani kutakuloko a tinyike matimba hi rifuwo ra yena, u ta tivitanela vunyingi hinkwabyo ku ya lwa ni va ku fuma ka Yavhani.

Hagayi 2:18

Langutani-ke etimbilwini ta n'wina; ku suka esikwini leri, ku tlhelela endzhaku, ku suka esikwini ra makume mambirhi na mune ra n'hweti ya ntlhanu na mune ku yisa esikwini leriya leri yindlu ya Yehovha ingi yi yimisiwile ha rona, lavisisani timhaka etimbilwini ta n'wina.