Ezra 4:22 - Xitsonga (Bibele)

²² Kambe tivoneleni, mi nga tshuki mi hoxa ku endla sweswo, tihosi ti nga tshuki ti onhakelwa hikwalaho.”

BIBELE Mahungu Lamanene

²² Vonani leswaku mi nga tshuki mi hlwela emhakeni leyi, hikuva mina hosi ndzi nga lahlekeriwa ngopfu.”

Ezra 4:22 Referans Kwoze

Ezra 4:13

Loko swi ri tano, a swi tiviwe hi wena hosi, leswaku kunene loko muti lowu, wu pfuxiwa, ni rirhangu ra wona loko ri hela, a va nga ha humesi muthelo ni ndzuvo ni nhlengo, kutani vuhlayiselo bya tihosi byi ta onhaka.

Ezra 4:21

Loko swi ri tano, byelani vanhu valavo va yimisa mitirho ya vona, ni leswaku muti lowu, wu nga pfuxiwi, ku fikela loko va byeriwa hi mina.

Ezra 4:23

Kuteloko marito ya papila ra hosi Ataserkisi ma hlayiwile emahlweni ka Rehumi, na Ximixayi, mutsari ni vanakulobye va hatlisa va ya eka Vayuda eYerusalema, va va yimisa hi matimba ya mavoko.

Daniele 6:2

ehenhla ka wona a veka tindhuna tinharhu; Daniele a a ri un'wana wa tona, ti nga leti masatrapi walawo hinkwawo ma nga ta tihlamulela eka tona, hosi yi nga ti onhakeriwa hi nchumu.

Daniele 6:3

Loko a ri Daniele, a hundza tindhuna ni masatrapi hikuva a a ri ni moya lowu hlamarisaka kambe hosi yi anakanya ku n'wi veka ehenhla ka ku fuma hinkwako.