Ezra 4:12 - Xitsonga (Bibele)

¹² A swi tiviwe hi hosi leswaku Vayuda lava sukeke eka wena, va ta eka hina eYerusalema, va aka muti wa ku ti nonon'hwisa ka ku biha, kambe va lava ku heta rirhangu, va pfuxa masungulo ya wona.

BIBELE Mahungu Lamanene

¹² We hosi, hi ku tivisa leswaku Vayuda lava u va tlheriseleke haleno, va yile eYerusalema, kutani sweswi va le ku pfuxeni ka muti lowu wo tiarisa, wo karhata; va sungurile ku pfuxa rirhangu, kutani va ta heta ku aka ku nga ri khale.

Ezra 4:12 Referans Kwoze

Ezra 5:9

Kambe hi vutisile vakulukumba, hi vulavula na vona, hi ku: ‘Mi byeriwile hi mani ku aka yindlu yoleyo, ni ku aka rirhangu rolero xana?’

Ezra 5:3

Enkarhini wolowo ku ta eka vona Tatenayi, hosi ya tiko ra le ntsungeni wa nambu, a ri na Xetara-Bozenayi, ni vanakulobye va ku eka vona: “Mi byeriwile hi mani ku aka yindlu yoleyo, ni ku heta rirhangu rolero xana?”

2 TIKRONIKA 36:13

A va a xandzukela hosi Nebukadnetsara leyi n'wi hlambanyiseke hi vito ra Xikwembu; kutani a nonon'hwisa nhamu ya yena, a nonon'hwisa ni mbilu ya yena, a nga ti tshuka a tlhelela eka Yehovha Xikwembu xa Israele.

1 Vatesalonika 5:22

Chavani hinkwaswo leswi fanaka ni leswo biha.

Timhaka 24:5

Hi kumile munhu loyi, a nga ntungu, u pfuxe madzolonga exikarhi ka Vayuda hinkwavo, lava akeke emisaveni hinkwayo; i nhloko ya dyondzo leyi hambukeke ya Vanazarene.

Luka 13:34

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena; ndzi rhandzile kangani-ke ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona? Kambe a mi swi rhandzanga.

Daniele 9:25

Tiva u twisisa leswaku ku suka eritweni leri leriseke leswaku Yerusalema, wu ta tlhela wu akiwa ku ya fika eka Mesiya Hosi, ku ta hundza mavhiki ya ntlhanu na mambirhi ni mavhiki ya 62, kutani muti wu ta tlhela wu pfuxiwa wu akiwa, ni mitsendzele ni rirhangu ra wona, kambe ku ta va emikarhini ya nhlomulo.

Yeremiya 52:3

Hikuva, hikwalaho ka vukari bya Yehovha ehenhla ka Yerusalema, na Yuda, a va cukumeta emahlweni ka yena; kutani Sedekiyasi a hundzukela hosi ya Babilona.

Nehemiya 1:3

va ku eka mina: “Masalela, lama saleke eku bohiweni, lava akeke etikweni leriya, va le nhlomulweni lowukulu, ni le tinganeni; rirhangu ra Yerusalema, i swiphemu, ni timbanti ta kona ti tshwile hi ndzilo.”

Ezra 4:19

ndzi va ndzi lerisa ku lavisisa, kutani va kuma leswaku muti lowu, wu tshama wu tiarisa eka tihosi emikarhini ya khale; ku huma ku tiarisa ni madzolonga eka wona.

Ezra 4:15

a ku laviwe ebukwini ya timhaka ta ku hanya ka vatata wa wena, u ta kuma ebukwini ya timhaka, u ta tiva leswaku muti lowu, i muti wa ku ti nonon'hwisa, wa ku onha tihosi ni matiko, kambe ku tiarisa a ku ri kona emutini wolowo, ni le mikarhini ya khale, muti lowu, wu onhiwile hi sweswo.

2 TIHOSI 24:1

Enkarhini wa yena, Nebukadnetsara, hosi ya Babilona, a huma nyimpi, kutani Yoyakimi a va ehansi ka yena malembe manharhu; kambe ndzhaku a n'wi hundzukela, a n'wi pfuka.

2 TIHOSI 18:20

U vurile marito ya hava. Makungu ni matimba swi fanele ku va kona loko va huma nyimpi. Sweswi u tshemba mani ku ndzi pfukela-ke?

Ezra 4:11

Hi wona marito ya papila leri va ri rhumeleke yena hosi Ataserkisi; va ku: “Hina, malandza ya wena lama akeke entsungeni wa hase wa nambu ...

Estere 3:8

Hamani a ku eka hosi Ahasuwerusi: “Ku ni vanhu van'wana lava hangalakeke, lava avaneke exikarhi ka vanhu va matiko hinkwawo ya ku fuma ka wena; milawu ya vona yi hambanile ni ya vanhu van'wana; a va yi hi milawu ya hosi; a hi swinene leswaku hosi yi va tshika va rhula.

Daniele 3:8

Kwalaho, enkarhini wolowo, vanhu van'wana va Kalediya va tshinelela, va ta hehla Vayuda;

Nehemiya 6:6

leri ku tsariweke eka rona mhaka leyi nge: “Ku twakele exikarhi ka matiko, na yena Gexeme u vula sweswo leswaku wena ni Vayuda mi kanele makungu ya ku xandzuka, hikwalaho mi pfuxaka rirhangu; mavunwa ma ri hi wena u nga ta va hosi ya vona.