Ezra 3:7 - Xitsonga (Bibele)

⁷ va humesela swivatli swa maribye ni swa timhandze mali; va nyika Vasidoni ni Vatiri swakudya ni swakunwa, ni mafurha, leswaku va tisa eYopa, hi le lwandle, mirhi ya kedari ya Lebanoni, hilaha va pfumeleriweke hakona hi Korexe, hosi ya Peresi.

BIBELE Mahungu Lamanene

⁷ Kutani va humesa mali va nyika vavatli va maribye ni va mapulangi; va rhumela va le Sidoni ni va le Tiri swakudya ni swakunwa ni mafurha, leswaku va ta va lavela timhandze ta kedari eLebanoni, va ta na tona emutini wa Yopa hi ndlela ya lwandle. Leswi va swi endlile hi ku pfumeleriwa hi Korexe hosi ya Vaperesi.

Ezra 3:7 Referans Kwoze

1 TIHOSI 5:6

Sweswi, rhuma vanhu va ya ndzi tsemela mirhi ya kedari ehenhla ka Lebanoni, kambe malandza ya mina a ma fambe ni malandza ya wena; kutani ndzi ta ku nyika hinkwaswo leswi u nga ta swi vula, yi va hakelo ya malandza ya wena, hikuva wa swi tivisisa leswaku eka hina a ku na vanhu lava tivaka ku tsema mirhi kukotisa Vasidoni.”

Timhaka 12:20

Heroda a lava ku lwa ni va Tiri ni Vasidoni; kambe va ta eka yena va twanene; kuteloko va twanene na Blasto, ndhuna leyikulu ya hosi, va kombela ku rhula ka tiko, hikuva tiko ra vona a ri singila etikweni ra hosi.

Timhaka 9:36

Emutini wa Yopa, a ku ri ni wansati wa mudyondzisiwa, loyi va nge i Tabita (hileswaku Dorkasi, loko ku hlamuseriwa), a tele mitirho ya tintswalo, ni ya ku hanana.

Yonasi 1:3

Kambe Yonasi a suka, a balekela eTarxixi, kule ni mombo wa Yehovha; kutani a ngirimela eYopa, a kuma kona byatso lebyi yaka eTarxixi, a humesa mali ya riendzo, kutani a nghena ebyatsweni leswaku a ta va eTarxixi kun'we ni vini va byona, kule ni mombo wa Yehovha.

Ezekiele 27:17

Yuda, ni va tiko ra Israele, na vona, a va bindzula na wena; va veka emixabyeni ya wena koro ya le Miniti, ni swimbhundzwana, ni vulombe, ni mafurha, ni balsama.

Timhaka 9:38

kutani, leswi Lida wu nga ekusuhi na Yopa, vadyondzisiwa loko va twa leswaku Petro u kona, va n'wi rhumela vavanuna vambirhi; va n'wi khongela leswaku a ta eka vona, a nga hlweri.

Timhaka 9:43

Petro a xwa eYopa masiku layo talanyana, a tshama eka munhu loyi va nge i Simoni, a nga mutlhuvutsi.

2 SAMIELE 5:11

Kutani Hiramu, hosi ya Tiri, a rhumela Davhida tintsumi, ni mirhi ya Kedari, ni vavatli va mapulangi ni va maribye va ta akela Davhida yindlu.

Ezra 3:6

Siku ro rhanga ra n'hweti ya ntlhanu na timbirhi, va sungula ku tlhavela Yehovha magandzelo lama hisiwaka; kambe tempele ya Yehovha yi nga si sunguriwa;

2 TIHOSI 12:10

Kakuloko va vona leswaku mali yi tele ebokisini, mutsari wa hosi a tlhandluka ni muprista lonkulu, va ya hlaya mali leyi va yi kumeke endlwini ya Yehovha, va yi veka.

2 TIHOSI 12:13

Ntsena a va endlelangi yindlu ya Yehovha mikambana ya silivhere, ni mikwana, ni swinwelo, ni tinanga, hambi xi ri xibya xin'wana xa nsuku ni xa silivhere, hi mali leyi tisiwaka endlwini ya Yehovha;

2 TIKRONIKA 34:10

Va yi veka emavokweni ya lava khomeke ntirho, va ri lava vekiweke valanguteri va wona endlwini ya Yehovha; lava khomaka ntirho lowu, va yi nyika lava tirhaka endlwini ya Yehovha ku yi lunghisa ni ku yi tiyisa;