Ezra 3:12 - Xitsonga (Bibele)

¹² Kutani vaprista lavo tala ni Valevhi, ni vakulukumba va vatatana, swi nga swikoxa, lava nga vona yindlu ya khale yi ri emasungulweni ya yona, va rila, va kolola loko va vona yindlu yoleyo; kambe van'wana lavo tala, va huwelela hi ku tsaka;

BIBELE Mahungu Lamanene

¹² Kambe vaprista lavo tala, ni Valevhi, ni varhangeri va mindyangu, ni vakulukumba lava voneke yindlu leyo sungula, va tlhava mukhosi, loko va vona ku ceriwa ka masungulo ya Tempele leyintshwa, hambileswi van'wana a va ri karhi va ba huwa ya ntsako,

Ezra 3:12 Referans Kwoze

Hagayi 2:3

‘I mani eka n'wina la seleke eka lava nga vona yindlu leyi, eku kwetsimeni ka yona loko sungula xana? Kasi sweswi, mi yi vonisa ku yini xana? A hi nchumu emahlweni ya n'wina loko mi yi ringanisa na yona xana?

Zakariya 4:10

Hikuva i mani la nga solaka siku ra timhaka letitsongo, loko mahlo lawa ya ntlhanu na mambirhi, ma nga mahlo ya Yehovha lawa a langutaka ha wona misava hinkwayo, ma tsakile hi ku vona mpimo evokweni ra Zerubabele?”

Esaya 60:22

Lontsongo u ta va khume ra madzana, lontsongo ngopfu, u ta va tiko lera matimba. Mina, Yehovha, ndzi hatlisisa swilo leswi emikarhini ya swona.”

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Pisalema 126:6

Va famba va ri karhi va rila loko va hlwanya mbewu, Va vuya va yimbelela tinsimu loko va rhwala tinyandza ta vona.

Ntirho 8:7

Masungulo ya wena a ma ri lamatsongo, Kambe swa makumu swi ta tlurisisa ngopfu hi ku twakala.

Ezra 3:13

kutani exikarhi ka tiko a ku nga ri na munhu la tivaka ku hlawula mpfumawulo wa ku huwelela ka ku tsaka eka mpfumawulo wa lava rilaka va tiko; hikuva tiko a ri endla pongo lerikulu, leri mpfumawulo wa rona wu nga twala ekule.

Yeremiya 50:4

Emikarhini yoleyo ni le nguveni yoleyo, ku vula Yehovha, vana va Israele va ta ta ni vana va Yuda, kutani va ta ya va ri karhi va rila, va lava Yehovha, Xikwembu xa vona.

Pisalema 147:1

Dzunisani Yehovha, Hikuva swi lulamile, swi va swi nandziha ku dzunisa Xikwembu xa hina; Ku bumabumeriwa, swa n'wi fanela.