Ezra 3:11 - Xitsonga (Bibele)

¹¹ Kutani va pfumelelana, va dzunisa, va vonga Yehovha, va ku: “Kunene u ni vunene, hikuva nsovo wa yena eka Israele hi lowu nga heriki.” Kutani tiko hinkwaro ri endla huwa leyikulu ku dzunisa Yehovha, hikuva ku sunguriwa masungulo ya yindlu ya Yehovha.

BIBELE Mahungu Lamanene

¹¹ kutani va yimbelela va ri karhi va hlavelelana, va dzunisa HOSI Xikwembu ni ku xi nkhensa, va ku: “HOSI Xikwembu xi lulamile, hikuva tintswalo ta xona eka Vaisraele hi leti nga heriki.” Vanhu hinkwavo va tlakusa rito va dzunisa HOSI Xikwembu hikwalaho ka masungulo lama endliweke ya yindlu ya xona.

Ezra 3:11 Referans Kwoze

1 TIKRONIKA 16:34

Dzunisani Yehovha, hikuva u lulamile, Hikuva tintswalo ta yena ti kona hi masiku!

Pisalema 106:1

Dzunisani Yehovha! Dzunisani Yehovha, hikuva u lulamile, Hikuva tintswalo ta yena hi leti nga heriki.

Pisalema 107:1

Dzunisani Yehovha, hikuva u lulamile, Hikuva tintswalo ta yena hi leti nga heriki.

Pisalema 103:17

Kambe nsovo wa Yehovha i wa mikarhi hinkwayo eka lava n'wi chavaka, Ni ku lulama ka yena ehenhla ka vana va vana va vona;

Yeremiya 33:11

ku ta yingisiwa kona rito ro tsaka, ni rito ra mitsako, ni rito ra muteki, ni rito ra mutekiwa, ni rito ra lava nge: Khensani Yehovha wa mavandla, hikuva Yehovha hi lonene, hikuva tintswalo ta yena hi leti nga heriki! ‘Ku ri loko va neha ku khensa ka vona endlwini ya Yehovha.’ Hikuva ndzi ta vuyisela lava khomiweke va le tikweni leri, va ta kotisa emikarhini yo rhanga, ku vula Yehovha.

Pisalema 135:3

Dzunisani Yehovha! Hikuva Yehovha u nene; Yimbelelani hi vito ra yena, hikuva ra nandziha.

Pisalema 118:1

Dzunisani Yehovha, hikuva u lulamile. Hikuva, nsovo wa yena, hi lowu nga heriki!

2 TIKRONIKA 7:3

Kutani vana va Israele hinkwavo va vona ndzilo ni ku kwetsima ka Yehovha loko swi xika endlwini, kutani va korhama ehansi emaribyeni, va khinsama va dzunisa Yehovha, va ku: “Hikuva i wa vunene, hikuva tintswalo ta yena hi leti nga heriki.”

Esaya 12:6

N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”

Nehemiya 12:24

Tihosana ta Valevhi a a ri: Haxabiya, na Xerebiya, na Yexuwa, n'wana Kadimiele, ni vamakwavo lava langutaneke na vona, a va ri ni mfanelo ya ku dzunisa Yehovha, hilaha Davhida, munhu wa Xikwembu, a leriseke hakona; ntlawa wu ri karhi wu hlamulana ni ntlawakulobye.

Esaya 44:23

N'wina matiko, huwelelani hi ku tsaka hikuva Yehovha u tirhile! Swivandla swa misava leswi enteke, huwelelani! N'wina tintshava ni swihlahla, swin'we ni mirhi hinkwayo ya n'wina, banani mikulungwana, hikuva Yehovha u kutsurile Yakobo, wa tidzunisa eka Israele!

Eksoda 15:21

Meriyamu a pfumelelana na vona, a ku: “Tlangelani Yehovha, hikuva u tikurisile ngopfu; U wisile lwandle hanci ni mukhandziyi wa yona.”

Luka 1:50

Vito ra yena ra kwetsima, ni tintswalo ta yena ti le tinxakeni ta tinxaka eka lava n'wi chavaka.

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Esaya 6:3

A tihuwelelana, ti ku: “Wa kwetsima, wa kwetsima, wa kwetsima, Yehovha wa tinyimpi! Misava hinkwayo yi tele hi ku kwetsima ka yena.”

Pisalema 47:1

N'wina matiko hinkwawo, phokotelani, Mi bumabumela Xikwembu hi rito leri tlakukeke.

1 TIKRONIKA 16:41

Hemani a a ri na vona, na Yedutuni ni van'wana lava hlawuriweke lava vitaniweke hi mavito ya vona ku dzunisa Yehovha; hikuva tintswalo ta yena ti tshama hi masiku.

Nehemiya 12:40

Mitlawa mimbirhi ya vayimbeleri yi yima emahlweni ka yindlu ya Xikwembu, na mina ndzi yima sweswo, ndzi ri ni ku avanyisa kun'wana ka tihosana.

Pisalema 47:5

Xikwembu xi tlhandlukile exikarhi ka huwa ya ku tsaka; Yehovha u humelele hi mpfumawulo wa nanga.

Yoxuwa 6:5

Kutakuloko va yimba mhalamhala leyi pfumaka, ni loko mi twa mpfumawulo wa nanga, tiko hinkwaro ri ta ba huwa leyikulu, hikwalaho rirhangu ra muti ri ta wa, ri mbundzumuka, kutani tiko ri ta khandziya, un'wana ni un'wana a kongoma emahlweni ka yena.”

Yoxuwa 6:16

Kakuloko va ha famba eka ntlhanu na kambirhi, ni loko vaprista va yimba tinanga, Yoxuwa a ku eka tiko: “Huwelelani! Hikuva Yehovha u mi nyiketile muti.

Yoxuwa 6:10

Yoxuwa a a lerisile tiko a ku: “Mi nga huweleli; marito ya n'wina ma nga twakali, ku nga humi ni rito rin'we emilon'wini ya n'wina, ku ko ku fika siku leri ndzi nga ta ku eka n'wina: ‘Huwelelani!’ hi kona mi nga ta huwelela.”

2 TIKRONIKA 5:13

kutani lava yimbaka tinanga ni lava yimbelelaka a va fanela ku yimbelela swin'we, hi rito rin'we ku dzunisa ni ku vonga Yehovha; kutani, kakuloko va yimba tinanga ni swiphambati, ni timbila tin'wana ni loko va yimbelela, va ku: “Dzunisani Yehovha, hikuva i wa vunene, hikuva tintswalo ta yena ti kona hi masiku!” Kavaloko yindlu, yindlu ya Yehovha yi tatiwa hi papa;

Pisalema 100:5

Hikuva u ni tintswalo, vunene bya yena i bya masiku, Ni ku tshembeka ka yena etinxakeni ta tinxaka.

Pisalema 131:1

Yehovha! Mbilu ya mina a yi kukumukanga, Ni mahlo ya mina a ma tlakukanga; A ndzi yangi etimhakeni letikulu, leti ndzi tlulaka hi vukulu.

Zakariya 4:7

Wena, ntshava leyikulu, u yini eka Zerubabele? U rivala ntsena! U ta humesela ehandle ribye ra yinhla exikarhi ka huwa leyi nge: ‘A ri tsetseleriwe! A ri tsetseleriwe!’ ”

Hagayi 2:3

‘I mani eka n'wina la seleke eka lava nga vona yindlu leyi, eku kwetsimeni ka yona loko sungula xana? Kasi sweswi, mi yi vonisa ku yini xana? A hi nchumu emahlweni ya n'wina loko mi yi ringanisa na yona xana?