Ezra 2:68 - Xitsonga (Bibele)

⁶⁸ Kuteloko va fika endlwini ya Yehovha ya le Yerusalema, vakulukumba van'wana, ti nga tihosana ta vatata wa vona, va humesela yindlu ya Yehovha mihlengo hi ku rhandza ka vona, leswaku ku pfuxiwa xita xa yona.

BIBELE Mahungu Lamanene

⁶⁸ Kuteloko lava vuyaka hi le vukhumbini va fika endlwini ya HOSI Xikwembu le Yerusalema, van'wana va tinhloko ta mindyangu va tinyiketa ku humesa swo pfuxa yindlu ya Xikwembu hi vuntshwa exivandleni xa yona.

Ezra 2:68 Referans Kwoze

2 Vakorinto 9:7

Un'wana ni un'wana a a humese hilaha a ringaniseke hakona embilwini ya yena; ku nga ri hi ku vilela ni ku sindzisiwa, hikuva Xikwembu xi rhandza la humesaka a tsakile.

2 Vakorinto 8:3

Hikuva va endlise sweswo hi ku rhandza ka vona hi mpimo wa matimba ya vona; timhaka leti, ndza ti tiyisa; kambe va tlurisile matimba lawa;

Eksoda 36:3

Kutani va teka nhlengo hinkwawo eka Muxe, lowu tisiweke hi vana va Israele ku tirha ntirho wa vukwetsimelo, kambe a va ha tisa nhlengo siku rin'wana ni rin'wana, nimixo.

Eksoda 35:29

Vana va Israele, ni vavasati hinkwavo lava rhandzeke ku tisa swilo swa ntirho hinkwawo lowu Yehovha a nga lerisa Muxe leswaku wu endliwa, va tisela Yehovha nhlengo hi ku rhandza ka vona.

2 Vakorinto 8:12

Hikuva ku rhandza ka mbilu loko ku ri kona, munhu u ta tsakisa Xikwembu hi leswi a nga na swona, ku nga ri hi leswi a swi pfumalaka.

Pisalema 110:3

Tiko ra wena ri ta va lera mapfundzu siku u hlengeletaka nyimpi ya wena. Hi ku saseka loku hlawuriweke, lavantshwa va ta huma eka wena, Kukotisa mberha leyi humaka evuxeni.

Ezra 3:3

Va pfuxa alitari exiteni xa yona, hambi va ri ni ku chava hikwalaho ka matiko ya matlhelo kutani va tlhavela Yehovha magandzelo ya ku hisa, ma nga lawa va ma hisaka nimixo ni madyambu.

2 TIKRONIKA 3:1

Solomoni a sungula ku aka yindlu ya Yehovha eYerusalema, entshaveni ya Moriya, laha Yehovha a humeleleke eka Davhida, tata wa yena, endhawini leyi Davhida a yi lunghiseke exivuyeni xa Orinani, wa ka Yebusi.

1 TIKRONIKA 22:1

Kutani Davhida a ku Yindlu ya Yehovha Xikwembu yi ta va kwalaho ni alitari ya tiholokosta ta Israele yi ta va kwala na yona.

1 TIKRONIKA 21:18

Kavaloko ntsumi ya Yehovha yi byela Gadi ku ya vulavula na Davhida, leswaku a tlhandluka ku ya yimisela Yehovha alitari exivuyeni xa Orinani wa ka Yebusi.

Eksoda 25:2

“Byela vana va Israele va ndzi humesela nhlengo. Mi ta amukela nhlengo wa mina eka munhu un'wana ni un'wana la humesaka hi mbilu.

Ezra 2:67

ni tikamela ta 435, ni timbhongolo ta 6 720.

Ezra 2:69

Kambe hi ku titwa matimba ya vona va humesela vuhlayiselo bya mali ya mitirho tidarika ta nsuku ta 61 000, ni timina ta silivhere ta 5 000, ni tinguvu ta 100 ta vaprista.

Eksoda 35:21

Kutani munhu un'wana ni un'wana la tsundzuxiweke hi mbilu ya yena, ni hinkwavo lava swi rhandzeke va tisa leswi va swi nyikaka Yehovha, ku ta tirha ntirho wa Yindlu ya nhlengeletano, ni hinkwaswo swa ntirho wa yona, ni tinguvu leti hlawuriweke.

Ezra 9:9

Hikuva hi makhumbi kunene, kambe evukhumbini bya hina Xikwembu xa hina a xi hi tshikanga xi va xi hi kombisa tintswalo ta xona emahlweni ka tihosi ta Peresi, xi hi hanyisa, leswaku yindlu ya Xikwembu xa hina yi akiwa yi pfuxiwa erhumbini ra yona, hi ta nyikiwa rirhangu etikweni ra Yuda na Yerusalema.