Ezra 2:2 - Xitsonga (Bibele)

² Lava nga famba na Zerubabele Yexuwa, Nehemiya, Seraya, Relaya, Mordekayi, Bilixani, Mispara, Bigivhayi, Rehumi na Baana.

BIBELE Mahungu Lamanene

² Varhangeri va vona a va ri lava: Zerubabele, na Yexuwa, na Nehemiya, na Seraya, na Relaya, na Mordekayi, na Bilixani, na Mispara, na Bigivhayi, na Rehumi, na Baana. Mintsengo ya Vaisraele lava vuyeke, hi leyi:

Ezra 2:2 Referans Kwoze

Hagayi 2:4

Kutani sweswi, tiyisela, Zerubabele; ku vula Yehovha; tiyisela, na wena Yoxuwa, muprista lonkulu, n'wana Yosadaki! Tiyisani, na n'wina hinkwenu vanhu va tiko leri, ku vula Yehovha, mi va mi tirha; hikuva ndzi na n'wina, ku vula Yehovha wa mavandla;

Hagayi 1:14

Hilaha Yehovha a pfuxaka hakona moya wa Zerubabele, hosana ya Yuda, n'wana Salatiele, ni moya wa Yoxuwa, muprista lonkulu, n'wana Yosadaki, ni moya wa nsalo hinkwawo wa vanhu, kutani va ya, va sungula ku tirha ku aka yindlu ya Yehovha wa mavandla, Xikwembu xa vona,

Hagayi 1:12

Hilaha Zerubabele, n'wana Salatiele, na Yoxuwa, muprista lonkulu n'wana Yosadaki, ni nsalo hinkwawo wa vanhu va yingisa rito ra Yehovha, Xikwembu xa vona, hi marito ya muprofeta Hagayi, hilaha ingi a rhumiwile hakona hi Yehovha, Xikwembu xa vona; kutani tiko ri chava Yehovha.

Nehemiya 7:7

Lava teke na Zerubabele, i Yexuwa, Nehemiya, Azariya, Ramiya, Nahamani, Mordekayi, Bilixani, Misperete, Bigivhayi, Nehumi, Baana.

Zakariya 3:3

Yoxuwa a a ambele tinguvu ta thyaka, a yimile emahlweni ka ntsumi.

Zakariya 3:1

Kutani a ndzi kombisa Yoxuwa, muprista lonkulu, a yimile emahlweni ka ntsumi ya Yehovha; yena Satana a yimile evokweni ra yena ra xinene ku n'wi alela.

Hagayi 2:21

“Vulavula eka Zerubabele, mufumi wa Yuda, u ku: ‘Ndzi ta tsekatsekisa tilo ni misava, ndzi mbundzuxa swiluvelo swa vuhosi,

Hagayi 2:2

“Vulavula sweswi, eka Zerubabele, mufumi wa Yuda, n'wana Salatiele, na Yoxuwa, muprista lonkulu, n'wana Yosadaki ni nsalo wa tiko, u ku:

Hagayi 1:1

Hi lembe ra vumbirhi ra ku fuma ka hosi Dariyosi, hi n'hweti ya vuntlhanu na yin'we, hi siku ro sungula ra n'hweti, rito ra Yehovha ri ta hi muprofeta Hagayi eka Zerubabele, hosana ya Yuda n'wana Salatiele, ni ka Yoxuwa, muprista lonkulu, n'wana Yosadaki, ri ku:

Ezra 5:2

Hiloko ku pfuka Zerubabele, n'wana Salatiele, na Yexuwa, n'wana Yosadaka, va tlhela va sungula ku aka yindlu ya Xikwembu eYerusalema, va ri ni vaprofeta va Xikwembu lava va pfunaka.

Ezra 4:8

Hi sweswo Rehumi, mulerisi wa timhaka, na Ximixayi, mutsari, va tsalela hosi Ataserkisi papila ehenhla ka Yerusalema, va ku:

Ezra 4:3

Kambe Zerubabele na Yexuwa, ni tihosana tin'wana ta vatatana va Israele va ku eka vona: “Mi nga ka mi nga akeli Yehovha, Xikwembu xa hina yindlu swin'we na hina; hi ta akelela Yehovha, Xikwembu xa Israele, hi ri sweru, hilaha hi lerisiweke hakona hi hosi Korexe, hosi ya Peresi.”

Ezra 1:11

Hinkwaswo swigotso swa nsuku ni silivhere a swi ri swa 5 400. Swilo leswi hinkwaswo, Xexebasara a ya na swona enkarhini lowu lava bohiweke eBabilona va nga tlheriseriwa eYerusalema.

Ezra 2:1

Hi lava vanhu va tiko lava vuyeke eku khomiweni, lava ngi va fambisiwile eku bohiweni eBabilona hi Nebukadnetsara, hosi ya Babilona, va tlhelele eYerusalema, na Yuda, un'wana ni un'wana emutini wa rikwavo.

Ezra 2:3

Ntsengo hi lowu wa vavanuna va tiko ra Israele: Vana va Paroxi a va ri 2 172.

Ezra 3:2

Yexuwa, n'wana Yosadaka, ni vamakwavo va nga vaprista, na Zerubabele, n'wana Salatiele, ni vamakwavo, va yima va aka alitari ya Xikwembu xa Israele, ku ta tlhavela eka yona magandzelo lama hisiwaka, hi ku landza leswi tsariweke emilawini ya Muxe, munhu wa Xikwembu.

Ezra 1:8

Korexe, hosi ya Peresi, a swi humesa hi voko ra Mitiredata, muhlayisi wa xuma xa yena, kutani a nyika Xexebasara, hosana ya Yuda.

Ezra 8:1

Hi leti tihosana ta tindlu ta vatata wa vona, ni mavito ya tinyimba leti nga huma eBabilona na mina, enkarhini wa hosi Ataserkisi:

Nehemiya 10:15

Buni, Azigadi, Bebayi,

Nehemiya 12:47

Emikarhini ya Zerubabele ni le mikarhini ya Nehemiya, Vaisraele hinkwavo a va humesa mihlengo ya vayimbeleri ni ya valanguteri va tinyangwa hilaha ku faneleke ku humesiwa hakona hi siku rin'wana ni rin'wana swilo leswi hlawuriweke, swi nyikiwa Valevhi; Valevhi, vona, va nyika vana va Aroni.