Ezra 10:18 - Xitsonga (Bibele)

¹⁸ Ku kumiwa vana van'wana va vaprista lava tekeke vavasati valavo; eka vana va Yexuwa, n'wana Yosadaka, ni ka vana va vamakwavo, Maaseya, Eliezere, Yaribi, Gedaliya;

BIBELE Mahungu Lamanene

¹⁸ Exikarhi ka vaprista, lava tekeke vasati eka vamatiko hi lava: Maaseya, na Eliezere, na Yaribi, na Gedaliya, va nga va ka Yexuwa ni vamakwavo wa yena, vona vana va Yosadaka.

Ezra 10:18 Referans Kwoze

Zakariya 3:1

Kutani a ndzi kombisa Yoxuwa, muprista lonkulu, a yimile emahlweni ka ntsumi ya Yehovha; yena Satana a yimile evokweni ra yena ra xinene ku n'wi alela.

Hagayi 1:1

Hi lembe ra vumbirhi ra ku fuma ka hosi Dariyosi, hi n'hweti ya vuntlhanu na yin'we, hi siku ro sungula ra n'hweti, rito ra Yehovha ri ta hi muprofeta Hagayi eka Zerubabele, hosana ya Yuda n'wana Salatiele, ni ka Yoxuwa, muprista lonkulu, n'wana Yosadaki, ri ku:

Ezra 5:2

Hiloko ku pfuka Zerubabele, n'wana Salatiele, na Yexuwa, n'wana Yosadaka, va tlhela va sungula ku aka yindlu ya Xikwembu eYerusalema, va ri ni vaprofeta va Xikwembu lava va pfunaka.

Ezra 3:2

Yexuwa, n'wana Yosadaka, ni vamakwavo va nga vaprista, na Zerubabele, n'wana Salatiele, ni vamakwavo, va yima va aka alitari ya Xikwembu xa Israele, ku ta tlhavela eka yona magandzelo lama hisiwaka, hi ku landza leswi tsariweke emilawini ya Muxe, munhu wa Xikwembu.

Ezra 2:2

Lava nga famba na Zerubabele Yexuwa, Nehemiya, Seraya, Relaya, Mordekayi, Bilixani, Mispara, Bigivhayi, Rehumi na Baana.

1 Timotiya 3:11

Na vona vasati va vona va ve lava fundzhekaka, va nga vi valumbeti, kambe va va ni ku hiteka, ni ku tshembeka eka hinkwaswo.

Ezekiele 44:22

Va nga teki noni, kumbe nsati la tshikiweke, va ta teka ntsena va vanhwana va rixaka ra yindlu ya Israele; noni leyi nga noni ya muprista, va nga teka.

Yeremiya 23:14

Kambe evaprofeteni va Yerusalema, ndzi vone manyala, ku oswana, ni ku famba evunweni; va tiyisa mavoko ya lavo biha, va nga ti hundzuka, un'wana ni un'wana eku biheni ka yena. Eka mina, hinkwavo va kotisa Sodoma, vaaki va kona va kotisa Gomora.”

Yeremiya 23:11

“Hikuva loko va ri vaprofeta ni vaprista, i vasandzi, na kona ndzi kume vumbabva bya vona endlwini ya mina, ku vula Yehovha.

Nehemiya 13:28

Un'wanyana wa vana va Yehoyada, n'wana Eliyaxibi, muprista lonkulu, a nga mukon'wana wa Sanibalati, Muhoroni, ndzi n'wi hlongola emahlweni ka mina.

Nehemiya 12:10

Yexuwa a veleka Yoyakimi, Yoyakimi a veleka Eliyaxibi, Eliyaxibi a veleka Yoyada,

Nehemiya 8:7

Kutani Yexuwa, Bani, Xerebiya, Yamini, Akubu, Xabetayi, Hodiya, Maaseya, Kelita, Azariya, Yozabadi, Hanana, Pelaya, ni Valevhi, va hlamusela tiko milawu, tiko ri ri karhi ri yima kwalaho.

Nehemiya 8:4

Ezra, mutsari, a a yimile ehenhla ka tshala ra timhandze leri endleriweke enkarhini lowu; ekusuhi na yena, evokweni ra xinene, ku yimile Matitiya, na Xema, na Anaya, na Uriya, na Hilkiya, na Maaseya; hitlhelo ra ximatsi, ku yimile Pedaya, na Mixaele, na Malikiya, na Haxumu, na Haxibadana, na Zakariya na Mexulama.

Ezra 9:1

Timhaka leti, loko ti herile, tihosana ti ndzi tshinelela mina, ti ku: “Tiko ra Israele ni vaprista, ni Valevhi a va tihlawulangi eka vanhu va matiko, kambe va etisa manyala ya vona, va nga Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta ni Vaamori.

Levhitika 21:7

“ ‘Va nga tshuki va teka nsati wa mbhisa, kumbe la nga ni xisandzu; va nga tshuki va teka wansati la tshikiweke hi nuna wa yena, hikuva muprista u hlawuleriwe Xikwembu xa yena.

Ezra 9:2

Hilaha va tekeke vana va vona, va va tekanisa ni vana va vona, kutani rixaka ra ku kwetsima, va ri hlanganisile ni vamatiko, ku dyoha koloko ku sungurile hi tihosana ta tiko ni valerisi va rona.”

Ezra 10:17

Hi siku ro sungula ra n'hweti yo rhanga, va hetisa timhaka ta vavanuna lava tekeke vasati vambe.

Hagayi 1:12

Hilaha Zerubabele, n'wana Salatiele, na Yoxuwa, muprista lonkulu n'wana Yosadaki, ni nsalo hinkwawo wa vanhu va yingisa rito ra Yehovha, Xikwembu xa vona, hi marito ya muprofeta Hagayi, hilaha ingi a rhumiwile hakona hi Yehovha, Xikwembu xa vona; kutani tiko ri chava Yehovha.

Hagayi 2:4

Kutani sweswi, tiyisela, Zerubabele; ku vula Yehovha; tiyisela, na wena Yoxuwa, muprista lonkulu, n'wana Yosadaki! Tiyisani, na n'wina hinkwenu vanhu va tiko leri, ku vula Yehovha, mi va mi tirha; hikuva ndzi na n'wina, ku vula Yehovha wa mavandla;

Zakariya 6:11

U teka silivhere ni nsuku, u endla ha swona harhi ya vuhosi, u yi veka enhlokweni ya Yoxuwa, muprista lonkulu, n'wana Yosadaki.

Ezra 2:36

Loko va ri vaprista, a va ri: Vana va Yedaya, va yindlu ya Yexuwa 973.

Ezra 3:8

Hi lembe ra vumbirhi ra ku fika ka vona endlwini ya Yehovha eYerusalema, hi n'hweti ya vumbirhi, Zerubabele n'wana Salatiele, na Yexuwa, n'wana Yosadaka ni vamakwavo lava nga vaprista, ni Valevhi, ni hinkwavo lava nga tlhelela eYerusalema, va huma eku bohiweni, va sungula ku tirha, kutani ku vekiwa Valevhi lava nga ni malembe ya makume mambirhi, ni lava nga emahlweni, leswaku va fambisa mitirho ya yindlu ya Yehovha.

Yeremiya 23:10

Hikuva misava yi tele vaoswi; misava ya rila hi mirhukano, vudyelo bya mananga byi tshwile; ku famba ka vona ku bihile, ni mandla ya vona a ma lulamanga.