Ezra 10:14 - Xitsonga (Bibele)

¹⁴ A ku yime tihosana ta hina ematshan'weni ya nhlengeletano hinkwayo, kutani hinkwavo lava tekeke vasati vambe emitini ya vona, va ta ta hi nkarhi lowu nga ta vekiwa, va ri ni vakulukumba va muti wun'wana ni wun'wana, ni vaavanyisi va vona, mahlundzu ya vukari bya Xikwembu xa hina ma ko ma suka ehenhla ka hina hikwalaho ka mhaka leyi.”

BIBELE Mahungu Lamanene

¹⁴ Swa antswa tindhuna ta hina ti va tona ti yimelaka ntshungu lowu hinkwawo, kutani vanhu lava va nga mitini ya hina lava tekeke vasati eka vamatiko va vekeriwa minkarhi leyi va nga ta ta ha yona. Va fanele ku ta ni vakulukumba va ka vona ni vaavanyisi va kona, ku kondza Xikwembu xa hina xi rheleta vukari bya xona lebyi pfurhaka ehenhla ka hina hikwalaho ka mhaka leyi.”

Ezra 10:14 Referans Kwoze

2 TIKRONIKA 30:8

Sweswi mi nga nonon'hwisi tinhamu ta n'wina kukotisa vatata wa n'wina; khomani voko ra Yehovha, mi ta evukwetsimelweni bya yena lebyi a byi hlawuleke hi masiku, mi tirhela Yehovha Xikwembu xa n'wina, kutani ku hisa ka vukari bya yena ku ta mi sukela.

2 TIKRONIKA 29:10

Sweswi ndzi rhandza ku endla ntwanano na Yehovha, Xikwembu xa Israele, leswaku ku hisa ka vukari bya yena ku hi sukela.

Tinhlayo 25:4

Kavaloko Yehovha a ku eka Muxe: “Vitana tihosi hinkwato ta tiko, u hayeka swidyohi emahlweni ka Yehovha emun'wini, kutani ku pfurha ka vukari bya Yehovha ku ta sukela Israele.”

Esaya 12:1

Hi siku rero u ta ku: “Oho Yehovha! Ndza ku tlangela hikuva u ndzi karihele kambe vukari bya wena byi tlherile, kutani u ndzi chavelele.

Pisalema 78:38

Kambe xona hi tintswalo ta xona xi va rivalele ku dyoha, a xi va hetanga. Hakanyingi xi tlhelele evukarini bya xona, A xi pfumelangi vukari hinkwabyo bya xona ku pfuka.

Yoxuwa 7:26

Kambe va aka ehenhla ka yena nhulu leyikulu leyi nga kona ni namuntlha. Kutani Yehovha a tlhela evukarini lebyikulu bya yena; hikwalaho va thya, ni namuntlha, ndhawu leyi, nkova wa Akora (ku pfilunganya).

Duteronoma 17:9

u ta ya eka vaprista ni le ka Valevhi, ni le ka muavanyisi la nga ta va kona emasikwini lawa; u va vutisisa, kutani va ta ku tivisa rito ra leswo lulama;

Duteronoma 13:17

Ku nga tshuki ku namarhela ni xilo xin'we xa leswo yila evokweni ra wena; leswaku Yehovha a vuyela evukarini bya yena, a ku twela vusiwana, a ku endlela hi musa kutani a ku andzisela hilaha a hlambanyeke hakona eka vatata wa wena,

2 TIHOSI 23:26

Hambiswiritano Yehovha a a nga tlhelangi evukarini lebyikulu bya yena, hikuva vukari bya yena a byi pfurhela Yuda hikwalaho ka timhaka hinkwato leti Manase a n'wi pfukeke ha tona.

2 TIKRONIKA 28:11

Sweswi, ndzi yingiseni, mi tlherisa vakhomiwa lava mi va khomeke exikarhi ka vamakwenu, hikuva vukari bya Yehovha byi le henhla ka n'wina.”

Ezra 10:13

Kambe tiko ri kurile, kutani hi nkarhi wa timpfula letikulu, a ku na laha hi nga yimaka kona ehandle, kambe a hi ntirho wa siku rin'we, kumbe wa masiku mambirhi, hikuva hi tele ngopfu, lava hi dyoheke emhakeni yoleyo.

Ezra 10:15

Kambe Yonatani, n'wana Asahele na Yahaziya, n'wana Tikivha, va ala, va yimeriwa hi Mexulama na Xabetayi, Valevhi.