Ezra 10:1 - Xitsonga (Bibele)

¹ Ezra a ku a ha khongela, a tivula, a ri karhi a rila, a khinsamile emahlweni ka yindlu ya Xikwembu, ku hlengeletana eka yena nhlengeleto leyikulu ngopfu, ya Vaisraele, vavanuna, ni vavasati, ni vana; kambe tiko ri rila hi ku vaviseka lokukulu.

BIBELE Mahungu Lamanene

¹ Loko Ezra a ri karhi a khongela kusuhi ni yindlu ya Xikwembu, a kombela leswaku xi va rivalela xidyoho lexi, a rila a titlatlatela ehansi, kutani Vaisraele lavo tala va ya va fika va n'wi rhendzela, va ri vavanuna, ni vavasati, ni vana, va ri karhi va rila hi xiviti lexikulu.

Ezra 10:1 Referans Kwoze

Daniele 9:20

Kakuloko ndza ha khongela, ndzi vula xidyoho xa mina ni xidyoho xa tiko ra mina ra Israele, ndzi chulula mikhongelo ya mina emahlweni ka Yehovha, Xikwembu xa mina, ematshan'weni ya ntshava leyi hlawuriweke ya Xikwembu xa mina;

Pisalema 119:136

Mahlo ya mina ma huma milambu ya mati lama khulukaka, Hikuva a va hlayisi nawu wa wena.

Varhoma 9:2

Ndzi ni gome lerikulu, ni swirilo leswi nga heriki swi kona embilwini ya mina;

1 TIHOSI 8:30

Wa nga yingisa ku khongela ka nandza wa wena ni ka tiko ra wena ra Israele, loko va ta khongela exivandleni lexi: Loko u ri wena, yingisa u ri ematilweni, endlwini ya wena, yingisa u rivalela!

Luka 19:41

Kuteloko a tshinerile, a vona muti a wu rilela; a ku:

Nehemiya 8:9

Kutani Nehemiya la ngi a ri hosi, a ri na Ezra muprista ni mutsari, ni Valevhi, va dyondzisa tiko, va ku eka tiko hinkwaro: “Siku leri, hi leri hlawuleriweke Yehovha, Xikwembu xa n'wina, mi nga tshami enkosini, mi nga tshuki mi rila!” Hikuva va tiko hinkwaro a va rila loko va twa marito ya milawu.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Nehemiya 10:28

Van'wanyana va tiko, ni vaprista ni Valevhi, ni valanguteri va tinyangwa, ni vayimbeleri, ni Vanetinimi ni hinkwavo lava ngi va tihlawurile eka matiko lama akeke ekusuhi, leswaku va namarhela milawu ya Xikwembu va ri ni vasati va vona, ni vana va vona va xinuna ni va xisati va nga hinkwavo lava ngi va ri ni ku tiva ni ku twisisa,

2 TIKRONIKA 20:9

‘Kungakuloko hi humeleriwa hi khombo rin'wana, kumbe matlhari, ni ku avanyisa, kumbe ntungu, kumbe ndlala, hi ta yima emahlweni ka yindlu leyi, ni le mahlweni ka wena, hikuva vito ra wena ri le ndlwini leyi; ekhombyeni ra hina hi ta huwelela eka wena, kutani u ta hi yingisa, u va u hi ponisa.’

Hosiya 14:2

Tekani marito, kutani mi tlhelela eka Yehovha mi ku eka yena: “Susa swidyoho hinkwaswo, u hi amukela swinene, kutani hi ta ku tlangela hi magandzelo ya tindzimi ta hina.

Yeremiya 13:17

Kungakuloko mi nga yingisi sweswo, mbilu ya mina yi ta rila exihundleni hikwalaho ka ku tikukumuxa ka n'wina, mahlo ya mina ma ta rila, ma va ma rila ma halata mihloti, hikuva ntlhambi wa Yehovha wa yisiwa evukhumbini.

Yeremiya 9:1

Loko ngi nhloko ya mina yi ri mati, ni mahlo ya mina ya ri miseledyana ya mihloti, vusiku ni nhlekanhi, a ndzi ta rilela vanhwanyana va tiko ra mina lava dlayiweke!

Pisalema 32:5

Ndzi ku tivisile xidyoho xa nga, A ndzi fihlanga ku homboloka ka nga; Ndzi te: “Ndzi ta tivula ka Yehovha ku dyoha ka mina,” Kutani u hlangurile nandzu wa xidyoho xanga.

1 TIHOSI 9:3

Yehovha a ku eka yena: “Ndzi yingisile xikhongelo xa wena ni ku kombela loku u ku humeseke emahlweni ka mina: Ndzi hlawurile Yindlu leyi u yi akeke, ku veka vito ra mina kona hilaha ku nga heriki; mahlo ya mina ni mbilu ya mina swi ta va kona hi masiku.

Timhaka 21:5

Kambe loko hi hetile masiku walawo, hi suka, hi heleketiwa hi hinkwavo ku ya fika ehandle ka muti, va ri ni vavasati ni vana; kutani hi khinsama eribuwini, hi khongela.

Timhaka 10:30

Kavaloko Korneliyo a hlamula, a ku: “Ku hundzile mune wa masiku ku fika sweswi, ndzi titsona swakudya, ndzi khongela endlwini ya mina hi nkarhi wa ntlhanu na mune; kutani ndzi vona munhu a yimile emahlweni ka mina, a ambele tinguvu leti vangamaka, a ku:

2 TIKRONIKA 20:13

Hinkwavo va Yuda a va yimile emahlweni ka Yehovha, hambi va ri vana va vona lavatsongo, ni vasati va vona, ni vana va vona va xinuna.

Duteronoma 31:12

Hlengeleta tiko, vavanuna, ni vavasati, ni vana, ni muluveri wa wena la nga emitini ya wena, va ta swi yingisa va ta dyondza ku chava Yehovha, Xikwembu xa n'wina, va chivirika ku hlayisa marito hinkwawo ya nawu lowu.

Matewu 3:6

kutani a va khuvuriwa hi yena eYordani, va ri karhi va tivula swidyoho swa vona.

Ezra 10:6

Ezra a suka emahlweni ka yindlu ya Xikwembu a nghena ekamareni ya Yohanani, n'wana Eliyaxibi, kuteloko a nghenile kona, a nga dyi vuswa, a nga nwi mati, hikuva a a vavisekile hi ku tiarisa ka lava nga tlhela eku bohiweni.

Nehemiya 1:4

Kuteloko ndzi twile timhaka leti, ndzi tshama ehansi, ndzi rila, ndzi va enkosini hi masiku layo talanyana, kambe ndzi titsona swakudya, ndzi khongela emahlweni ka Xikwembu xa le matilweni,

Nehemiya 1:6

Oho! Ndleve ya wena a yi rhiyete, ni mahlo ya wena a ma hanyanye, u ta yingisa mikhongelo ya nandza wa wena, leyi ndzi nga karhi ndzi tlhandlukiselaka eka wena enkarhini wa sweswi, nhlekanhi ni vusiku, ndzi khongelela malandza ya wena, vana va Israele, ndzi karhi ndzi vula swidyoho swa vana va Israele, leswi hi ku dyoheleke ha swona, hikuva mina ni yindlu ya tatana hi dyohile.

Yoxuwa 7:6

Yoxuwa a handzula tinguvu ta yena, kutani a tiwisa ehansi hi mombo wa yena emahlweni ka areka ya Yehovha ku fika nimadyambu, a ri ni vakulukumba va Israele, kutani va chela ntshuri etinhlokweni ta vona.

Yoxuwa 8:35

A ku vanga na rito rin'we eka hinkwaswo leswi lerisiweke hi Muxe, leri nga hlayiwangiki hi Yoxuwa emahlweni ka nhlengeletano hinkwayo ya Israele, ni le mahlweni ka vavasati, ni vana ni valuveri, lava fambaka exikarhi ka vona.