Ezra 1:7 - Xitsonga (Bibele)

⁷ Kambe hosi Korexe a humesa swingolongondzwana swa yindlu ya Yehovha leswi ngi swi tekiwile eYerusalema hi Nebukadnetsara; a a swi vekile endlwini ya xikwembu xa yena.

BIBELE Mahungu Lamanene

⁷ Hosi Korexe yena, ú humesile swingolongondzwana swa yindlu ya HOSI Xikwembu, leswi Nebukadnetsara a a swi tekile eYerusalema, a ya swi veka endlwini ya swikwembu swa yena.

Ezra 1:7 Referans Kwoze

2 TIKRONIKA 36:7

Nebukadnetsara a yisa Babilona swibya swin'wana swa yindlu ya Yehovha, a swi veka endlwini ya yena ya vuhosi eBabilona.

Ezra 6:5

Loko yi ri mitirho ya nsuku ni ya silivhere yi nga ya yindlu ya Xikwembu, leyi Nebukadnetsara ngi a yi tekile etempeleni ya Yerusalema, a yi tisa Babilona, a yi nehiwe yi muka etempeleni ya Yerusalema, evutshan'weni bya yona; u ta yi veka endlwini ya Xikwembu.

Ezra 5:14

swi tsandza ni mitirho ya nsuku ni ya silivhere ya yindlu ya Xikwembu leyi ngi yi humesiwile etempeleni ya Yerusalema hi Nebukadnetsara, a famba na yona, a yi veka etempeleni ya Babilona; hosi Korexe a yi humesa etempeleni ya Babilona, a yi tlherisa, a yi veka emavokweni ya Xexebasara, loyi a vekiweke vuhosi hi yena.

2 TIHOSI 24:13

Kutani a teka xuma hinkwaswo xa yindlu ya Yehovha, ni xuma xa yindlu ya hosi; a tsemetela swibya hinkwaswo swa nsuku leswi Solomoni, hosi ya Israele, a swi endleleke tempele ya Yehovha, hilaha Yehovha a vuleke hakona.

2 TIKRONIKA 36:10

Eku heleni ka lembe, hosi Nebukadnetsara a rhuma vanhu ku n'wi khoma, va n'wi yisa eBabilona, ni swibya leswo saseka swa yindlu ya Yehovha. A veka Sedekiyasi makwavo, hosi ya Yuda na Yerusalema.

Daniele 5:23

Kambe u tikurisile emahlweni ka Hosi ya matilo; ku tisiwile emahlweni ka wena mindzheko ya yindlu ya yena; kutani wena, ni tindhuna ta wena, ni vasati va wena, ni swigangu swa wena, mi nwile vhinyo emindzekweni yoleyo, kutani u dzunisile swikwembu swa silivhere, ni swa nsuku, ni swa koporo, ni swa nsimbhi ni swa mitsandze, ni swa maribye, leswi nga riki na ku vona, ni ku yingisa, ni ku tiva; kasi Xikwembu lexi nga fumbarhela ku hefemula ka wena, ni mitila hinkwayo ya wena evokweni ra xona, a ku xi dzunisanga.

Daniele 1:2

Kutani Yehovha a nyiketa emavokweni ya yena Yoyakimi, hosi ya Yuda, ni swibya swin'wana swa yindlu ya Xikwembu, kutani Nebukadnetsara a famba na swona etikweni ra Xinara, endlwini ya xikwembu xa yena, a nghenisa mitirho leyo evuhlayiselweni bya xikwembu xa yena.

2 TIKRONIKA 36:18

Ni swingolongondzwana swa yindlu ya Xikwembu, leswikulu ni leswitsongo, ni xuma xa yindlu ya Yehovha, ni xuma xa hosi ni xa tindhuna ta yena, Nebukadnetsara a yisa hinkwaswo eBabilona.

Yeremiya 51:44

Ndzi ta holovela Bele eka Babilona; kutani ndzi ta humesa enon'wini wa yena lexi a xi miteke; matiko a ma nga ha hlengeletani kona; na rona rirhangu ra Babilona ri mbundzukile!