Ezra 1:5 - Xitsonga (Bibele)

⁵ Kutani tihosi ta tinyimba ta ka Yuda na Benjamini, ni vaprista, ni Valevhi, swin'we ni lava timbilu ta vona ti pfuxiweke hi Yehovha, va suka va ya aka yindlu ya Yehovha eYerusalema.

BIBELE Mahungu Lamanene

⁵ Kutani varhangeri va mindyangu ya va ka Yuda ni va ka Benjamini, swin'we ni vaprista, ni Valevhi, ni vanhu hinkwavo lava Xikwembu xi khumbeke timbilu ta vona, va tlhelela eYerusalema ku ya aka yindlu ya HOSI Xikwembu hi vuntshwa.

Ezra 1:5 Referans Kwoze

Ezra 1:1

Hi lembe ro sungula ra Korexe, hosi ya Peresi, hileswaku ku endlakala rito ra Yehovha leri a ri vuleke hi nomu wa Yeremiya, Yehovha a pfuxa mbilu ya Korexe, hosi ya Peresi, kutani a twarisa hinkwako eku fumeni ka yena hi mukhosi ni matsalwa mhaka leyi nge:

Vafilipiya 2:13

hikuva Xikwembu, hi xona lexi tirhaka eka n'wina ku rhandza ni ku endla hi ku tirhandzela ka xona.

2 Vakorinto 8:16

A hi khenseni Xikwembu lexi ngheniseke ku chivirika ku ri kun'we embilwini ya Tito ni ya mina hikwalaho ka n'wina,

Nehemiya 2:12

kutani ndzi suka nivusiku, ndzi ri ni vanhu va nga ri vangani, hikuva a ndzi byelanga munhu leswi Xikwembu xa mina xi swi vekeke embilwini ya mina, leswaku ndzi ya swi endla eYerusalema, kambe a ndzi nga ri na xifuwo ximbe, loko xi nga ri lexi ngi ndzi xi khandziyile.

2 TIKRONIKA 36:22

Hi lembe ro sungula ra Korexe, hosi ya Peresi hileswaku ku endlakala rito ra Yehovha leri a ri vuleke hi nomu wa Yeremiya, Yehovha a pfuxa mbilu ya Korexe, hosi ya Peresi, kutani a twarisa hinkwako eku fumeni ka yena, hi mukhosi ni matsalwa mhaka leyi nge:

3 Yohane 1:11

Murhandziwa, u nga etisi swo biha, kambe u etisa leswinene. La endlaka swinene, i wa Xikwembu, kambe la endlaka swo biha, a nga vonanga Xikwembu.

Swivuriso 16:1

Makungu ya mbilu i ya munhu; Loko ku ri ku hlamula ka ririmi ku huma eka Yehovha.

Ezra 1:2

“Ku vula Korexe, hosi ya Vaperesi: Yehovha, Xikwembu xa le matilweni, xi ndzi nyikile vuhosi hinkwabyo bya misava; kambe xi ndzi lerisile leswaku ndzi n'wi akela yindlu eYerusalema, etikweni ra Yuda.

Ezra 1:4

Kutani hinkwavo lava poneke va tiko ra Yehovha, hinkwako laha va luveleke kona, vanhu va kona a va va pfune hi silivhere, ni nsuku, ni xuma, ni tihomu, swin'we ni magandzelo lama humeseriwaka yindlu ya Xikwembu lexi nga eYerusalema.”

Hagayi 1:14

Hilaha Yehovha a pfuxaka hakona moya wa Zerubabele, hosana ya Yuda, n'wana Salatiele, ni moya wa Yoxuwa, muprista lonkulu, n'wana Yosadaki, ni moya wa nsalo hinkwawo wa vanhu, kutani va ya, va sungula ku tirha ku aka yindlu ya Yehovha wa mavandla, Xikwembu xa vona,