Ezra 1:2 - Xitsonga (Bibele)

² “Ku vula Korexe, hosi ya Vaperesi: Yehovha, Xikwembu xa le matilweni, xi ndzi nyikile vuhosi hinkwabyo bya misava; kambe xi ndzi lerisile leswaku ndzi n'wi akela yindlu eYerusalema, etikweni ra Yuda.

BIBELE Mahungu Lamanene

² “Mina Korexe hosi ya Vaperesi, ndzi vurisa sweswo ndzi ri: HOSI, Xikwembu xa le matilweni, xi ndzi vekile ku va hosi ya matiko hinkwawo laha misaveni, kutani xi ndzi lerisile ku xi akela yindlu le Yerusalema, etikweni ra Yuda.

Ezra 1:2 Referans Kwoze

Esaya 44:26

Kambe ndzi tiyisa rito ra nandza wa mina, ndzi hetisa makungu ya tintsumi ta mina; ndzi vula ehenhla ka Yerusalema, ndzi ku: ‘Vanhu va ta hanya kona,’ ni le henhla ka miti ya Yuda: ‘Yi ta akiwa kambe kutani ndzi ta pfuxa marhumbi ya yona.’

Daniele 5:23

Kambe u tikurisile emahlweni ka Hosi ya matilo; ku tisiwile emahlweni ka wena mindzheko ya yindlu ya yena; kutani wena, ni tindhuna ta wena, ni vasati va wena, ni swigangu swa wena, mi nwile vhinyo emindzekweni yoleyo, kutani u dzunisile swikwembu swa silivhere, ni swa nsuku, ni swa koporo, ni swa nsimbhi ni swa mitsandze, ni swa maribye, leswi nga riki na ku vona, ni ku yingisa, ni ku tiva; kasi Xikwembu lexi nga fumbarhela ku hefemula ka wena, ni mitila hinkwayo ya wena evokweni ra xona, a ku xi dzunisanga.

Daniele 4:32

u ta hlongoriwa exikarhi ha vanhu, kutani u ta aka ni swiharhi swa nhova; u ta hanya u dya byanyi kukotisa tihomu, kutani mikarhi ya ntlhanu na mimbirhi yi ta hundza ehenhla ka wena, u ko u tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.”

Daniele 4:25

U ta hlongoriwa u suka exikarhi ka vanhu, u ta tiakela ni swiharhi swa nhova; u nyikiwa ku dya byanyi kukotisa tihomu, u tsakamisiwa hi mberha ya le tilweni, kutani mikarhi ya ntlhanu na mimbirhi yi ta hundza ehenhla ka wena, u ko u tivisisa leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.

Daniele 2:28

Kambe xi kona Xikwembu ematilweni, lexi hlavutelaka swihundla, kutani xi tivisile hosi Nebukadnetsara leswi nga ta humelela emikarhini leyi nga ta ta. Norho wa wena, ni leswi u swi voneke, leswi tikombiseke enhlokweni ya wena ebyetlelweni bya wena, hi swo leswi:

Daniele 2:21

Hi xona lexi hundzuluxaka mikarhi ni tinguva, lexi susaka tihosi, ni lexi ti tlakusaka, lexi nyikaka tintlhari vutlhari, ni mano eka lava nga ni ku twisisa.

Yeremiya 10:11

“Mi ta va byerisa sweswo, mi ku: ‘Swikwembu leswi nga ka swi nga endli tilo ni misava, swona swi ta susiwa emisaveni ni le hansi ka matilo.’ ”

Esaya 66:1

Yehovha u vulavula sweswo, a ku: “Matilo i xiluvelo xa mina, ni misava i vunavelo bya mikondzo ya mina; hi yihi yindlu leyi mi nga ta ndzi akela Yona, ni xivandla xa ku wisa ka mina xi nga va xihi xana?

2 TIKRONIKA 2:12

Hiramu a engeta, a ku: “A ku khensiwe Yehovha, Xikwembu xa Israele, la nga endla matilo ni misava, hikuva u nyikile hosi Davhida n'wana la tlhariheke, la nga ni vutivi ni ku twisisa, la nga ta akela Yehovha yindlu, a ta tiakela ni yindlu ya vuhosi.

1 TIHOSI 8:27

“Kambe, xana kunene Xikwembu xi nga aka emisaveni xana? Waswivo, matilo ni matilo ya matilo a ma ku eneri; xana-ke Yindlu leyi ndzi akeke yona a hi yitsongo ku tlurisa xana?

Ezra 1:5

Kutani tihosi ta tinyimba ta ka Yuda na Benjamini, ni vaprista, ni Valevhi, swin'we ni lava timbilu ta vona ti pfuxiweke hi Yehovha, va suka va ya aka yindlu ya Yehovha eYerusalema.

Ezra 3:7

va humesela swivatli swa maribye ni swa timhandze mali; va nyika Vasidoni ni Vatiri swakudya ni swakunwa, ni mafurha, leswaku va tisa eYopa, hi le lwandle, mirhi ya kedari ya Lebanoni, hilaha va pfumeleriweke hakona hi Korexe, hosi ya Peresi.

Ezra 4:3

Kambe Zerubabele na Yexuwa, ni tihosana tin'wana ta vatatana va Israele va ku eka vona: “Mi nga ka mi nga akeli Yehovha, Xikwembu xa hina yindlu swin'we na hina; hi ta akelela Yehovha, Xikwembu xa Israele, hi ri sweru, hilaha hi lerisiweke hakona hi hosi Korexe, hosi ya Peresi.”

Pisalema 136:26

Dzunisani Xikwembu xa matilo, Hikuva tintswalo ta yena hi leti nga heriki!

Esaya 41:2

I mani la pfuxeke, le vuxeni loyi ku lulama ku nga emitileni ya yena xana? I mani la n'wi nyiketeke matiko ni la tsongahateke tihosi ehansi ka yena? I mani la hundzuluxeke tlhari ra tona ntshuri, ni vurha bya tona mungu lowu hahaka?

Esaya 44:28

Ndzi byela ta Korexe, ndzi ku: ‘I murisi wa mina, u ta endla ku rhandza ka mina hinkwako; u ta ku eka Yerusalema: “U ta tlhela u akiwa!” Eka tempele, u ta ku: “A ku akeriwe masungulo!” ’ ”

Esaya 45:1

“Yehovha u vule sweswo eka muhlawuriwa wa yena, eka Korexe, loyi ndzi n'wi tekeke hi voko ra xinene, leswaku a wisa emahlweni ka yena matiko, a tshunxa vamba ra tihosi, a pfuleriwa tinyangwa, ti nga pfariwi; u ri:

Daniele 6:25

Kutani hosi Dariyosi a tsala a ku: “N'wina va tinxaka hinkwato, ni va matiko hinkwawo, ni va tindzimi hinkwato lava akeke emisaveni hinkwayo a mi tateriwe hi ku tsaka!

Yonasi 1:9

Yena a ku eka vona: “Ndzi Muheveru, ndzi chava Yehovha, Xikwembu xa matilo, la endleke lwandle ni misava.”

Ezra 5:15

A ku eka yena: “Teka mitirho leyi, u famba na yona u yi veka etempeleni ya le Yerusalema, yindlu ya Xikwembu yi va yi pfuxiwa exiteni xa yona.”

Ezra 6:3

“Hi lembe ro sungula ra ku fuma ka Korexe, hosi Korexe yi vurile ematshan'weni ya yindlu ya Xikwembu eYerusalema, leswaku yindlu yeleyo yi tlhela yi pfuxiwa, ku va laha va nga ta tlhava magandzelo kona, ni masungulo ya yona ma ta pfuxiwa. Ku leha ka yona ku va swisungunhu swa 60; ku anama ka yona ku va swisungunhu swa 60.

Ezra 6:10

va ta tiva ku humesela Xikwembu xa le henhla magandzelo ya risuna, kambe va ta khongelela ku hanya ka hosi ni ka vana va yona.

Ezra 7:12

“Ataserkisi, hosi ya tihosi, eka Ezra, muprista ni mutsari la hetisekeke wa nawu wa Xikwembu xa le henhla ...

Nehemiya 1:4

Kuteloko ndzi twile timhaka leti, ndzi tshama ehansi, ndzi rila, ndzi va enkosini hi masiku layo talanyana, kambe ndzi titsona swakudya, ndzi khongela emahlweni ka Xikwembu xa le matilweni,

Nehemiya 1:5

ndzi ku: “Yo! Yehovha Xikwembu xa matilo! Xikwembu lexikulu, lexi chavisaka, u hlayisela lava ku rhandzaka lava hlayisaka milawu ya wena, ntwanano ni tintswalo!

Pisalema 85:2

U rivalele ku dyoha ka tiko ra wena, U funengetile swidyoho swa vona hinkwaswo;

Swivuriso 21:1

Mbilu ya hosi i xinambyana xa mati evokweni ra Yehovha, U yi fambisa hinkwako laha a rhandzaka kona.

Yeremiya 27:5

“ ‘Hi mina ndzi endleke misava, ni vanhu, ni swiharhi leswi nga ehenhla ka misava, hi matimba ya mina lamakulu, ni voko ra mina leri tshambulukeke, ndzi yi nyika loyi ndzi swi rhandzaka ku n'wi nyika yona.

Yeremiya 29:10

“Hikuva ku vula Yehovha, a ku: Malembe ya 70, kutakuloko ma herile ka Babilona, ndzi ta mi tsundzuka, ndzi mi endlela hi marito ya mina yo lulama, ndzi mi tlherisela exivandleni lexi.

Daniele 1:21

Kutani Daniele a tshamisisa sweswo ku yisa elembeni leri hosi Korexe a sungulaka ku fuma ha rona.