Ezra 1:1 - Xitsonga (Bibele)

¹ Hi lembe ro sungula ra Korexe, hosi ya Peresi, hileswaku ku endlakala rito ra Yehovha leri a ri vuleke hi nomu wa Yeremiya, Yehovha a pfuxa mbilu ya Korexe, hosi ya Peresi, kutani a twarisa hinkwako eku fumeni ka yena hi mukhosi ni matsalwa mhaka leyi nge:

BIBELE Mahungu Lamanene

¹ Hi lembe ro sungula ra ku fuma ka Korexe hosi ya Vaperesi, HOSI Xikwembu xi hetisisa marito ya xona lama vuriweke hi muprofeta Yeremiya, xi nyika Korexe miehleketo yo veka nawu ematikweni ya yena hinkwawo, wu tlhela wu tsariwa kunene; nawu wa kona hi lowu:

Ezra 1:1 Referans Kwoze

Yeremiya 29:10

“Hikuva ku vula Yehovha, a ku: Malembe ya 70, kutakuloko ma herile ka Babilona, ndzi ta mi tsundzuka, ndzi mi endlela hi marito ya mina yo lulama, ndzi mi tlherisela exivandleni lexi.

Swivuriso 21:1

Mbilu ya hosi i xinambyana xa mati evokweni ra Yehovha, U yi fambisa hinkwako laha a rhandzaka kona.

Ezra 7:27

A ku vongiwe Yehovha, Xikwembu xa vatata wa hina, lexi vekeke timhaka letonghasi embilwini ya hosi, ta ku dzunisa yindlu ya Yehovha eYerusalema, ni la ndzi kumiseke tintswalo eka hosi, ni ka tindhuna ta yena ta huvo, ni ka tihosana hinkwato ta matimba ta hosi!

Pisalema 106:46

A va pfuxela tintswalo eka hinkwavo lava va va boheke, Lava ngi va ri vakhomiwa eka vona.

Ezra 6:22

Va endla nkhuvo wa swinkwa leswo kala comela, hi masiku ya ntlhanu na mambirhi hi ku tsaka, hikuva Yehovha a a va tsakisile, ni ku kucetela mbilu ya hosi ya Asiriya, leswaku yi tiyisa mavoko ya vona emitirhweni ya yindlu ya Xikwembu, ya Xikwembu xa Israele.

Daniele 2:1

Hi lembe ra vumbirhi ra ku fuma ka Nebukadnetsara, hosi yi lorha milorho; kutani yi tlhaviwa emoyeni, yi nga ha kumi vurhongo.

Yohane 1:23

A ku: “Mina ndzi rito ra la huwelelaka emananga, leri nge: Lunghisani ndlela ya Hosi hilaha muprofeta Esaya a nga vula hakona.”

Ezra 1:5

Kutani tihosi ta tinyimba ta ka Yuda na Benjamini, ni vaprista, ni Valevhi, swin'we ni lava timbilu ta vona ti pfuxiweke hi Yehovha, va suka va ya aka yindlu ya Yehovha eYerusalema.

Ezra 4:3

Kambe Zerubabele na Yexuwa, ni tihosana tin'wana ta vatatana va Israele va ku eka vona: “Mi nga ka mi nga akeli Yehovha, Xikwembu xa hina yindlu swin'we na hina; hi ta akelela Yehovha, Xikwembu xa Israele, hi ri sweru, hilaha hi lerisiweke hakona hi hosi Korexe, hosi ya Peresi.”

Ezra 6:3

“Hi lembe ro sungula ra ku fuma ka Korexe, hosi Korexe yi vurile ematshan'weni ya yindlu ya Xikwembu eYerusalema, leswaku yindlu yeleyo yi tlhela yi pfuxiwa, ku va laha va nga ta tlhava magandzelo kona, ni masungulo ya yona ma ta pfuxiwa. Ku leha ka yona ku va swisungunhu swa 60; ku anama ka yona ku va swisungunhu swa 60.

Ezra 6:14

Kutani vakulukumba va Vayuda va aka va tsakile va tiyisiwa hi ku bvumbha ka muprofeta Hagayi ni ka Zakariya, n'wana Ido; va aka va heta hilaha ku nga vula hakona Xikwembu xa Israele, ni hilaha ku nga vula Korexe, na Dariyosi, na Ataserkisi, hosi ya Peresi.

Esaya 44:28

Ndzi byela ta Korexe, ndzi ku: ‘I murisi wa mina, u ta endla ku rhandza ka mina hinkwako; u ta ku eka Yerusalema: “U ta tlhela u akiwa!” Eka tempele, u ta ku: “A ku akeriwe masungulo!” ’ ”

Yeremiya 1:1

Marito ya Yeremiya, n'wana Hilkiya, un'wana wa vaprista va Anatoto, etikweni ra Benjamini.

Ezekiele 38:5

Vaperesi, ni Vaetiyopiya, ni Valibiya va ta famba na vona, hinkwavo va ni switlhangu ni swintlontlo;

Daniele 6:25

Kutani hosi Dariyosi a tsala a ku: “N'wina va tinxaka hinkwato, ni va matiko hinkwawo, ni va tindzimi hinkwato lava akeke emisaveni hinkwayo a mi tateriwe hi ku tsaka!

Daniele 9:2

hi lembe ro sungula ra ku fuma ka yena, mina, Daniele, loko ndzi hlaya tibuku, ndzi xiyaxiya ntsengo wa malembe lawa Yehovha a byeleke muprofeta Yeremiya, lama nga ta hetiseka, mpfhuka Yerusalema, wu onhakile, ma nga malembe ya 70.

Esaya 45:1

“Yehovha u vule sweswo eka muhlawuriwa wa yena, eka Korexe, loyi ndzi n'wi tekeke hi voko ra xinene, leswaku a wisa emahlweni ka yena matiko, a tshunxa vamba ra tihosi, a pfuleriwa tinyangwa, ti nga pfariwi; u ri:

Daniele 1:21

Kutani Daniele a tshamisisa sweswo ku yisa elembeni leri hosi Korexe a sungulaka ku fuma ha rona.