Ezekiele 3:3 - Xitsonga (Bibele)

³ A ndzi byela, a ku: “N'wana wa munhu, u dya, u xurhisa khwiri ra wena ni marhumbu ya wena hi buku leyi ndzi ku nyikaka yona.” Kutani ndzi yi dya; enon'wini wa mina, a yi fana ni vulombe hi ku tsokombela.

BIBELE Mahungu Lamanene

³ A engeta a ku ka mina: “Wena munhu, mita buku leyi ndzi ku nyikaka yona, u tata khwiri ra wena!” Kavaloko ndzi dya: Enon'weni wa mina a yi nandziha kukota vulombe.

Ezekiele 3:3 Referans Kwoze

Yeremiya 15:16

Hikuva marito ya wena, loko ma ndzi kuma, ndzi tidyela wona, hikuva marito ya wena i ku rhula ni ku tsaka ka mbilu ya mina; hikuva ku khongeriwile vito ra wena ehenhla ka mina, wee Yehovha Xikwembu xa tinyimpi!

Pisalema 119:103

A hi ku nandziha ka marito ya wena emalakeni ya mina, Ma tlula vulombe enon'wini wa mina!

Pisalema 19:10

Swi naveriwa ngopfu ku tlula nsuku ku tlula nsuku lowu tengeke wa ku tala. Swi tlula ni vulombe hi ku nandziha, ni leswi tshonaka eswihlengeni swa byona.

Vakolosa 3:16

Rito ra Kriste a ri tshame eka n'wina, ri andza. Dyondzisanani hi vutlhari hinkwabyo, mi khongotelana hi tipisalema, ni ku yimbelela, ni tinsimu ta Moya, mi ri karhi mi yimbelelela Hosi hi timbilu ta n'wina hi ku khensa.

Pisalema 119:97

Nawu wa wena ndzi wu rhandzisa hakunene! Ndzi wu anakanya siku hinkwaro.

Pisalema 119:11

Ndzi hlayisa rito ra wena embilwini ya mina, Leswaku ndzi nga ku dyoheli.

Yohane 7:38

La pfumelaka eka mina, ‘milambu ya mati lama khulukaka yi ta pfelela exifuveni xa yena,’ hilaha Matsalwa ma vuleke hakona.”

Ezekiele 2:10

A yi phurumula emahlweni ka mina; a yi tsariwile endzeni ni le handle; swirilo, ni mahlomulo, ni ku vaviseka a swi tsariwe eka yona.

Yeremiya 20:9

Kambe loko ndzi nga ku: “A ndzi nga ha tshami ndzi n'wi vula, ni loko ku ri ku vulavula hi vito ra yena,” eka mina swi fana ni ndzilo lowu hisaka embilwini ya mina, lowu nghenisiweke emarhambyini ya mina; kutani ndzi endla hi matimba ku wu hlayisa, kambe ndza tsandzeka.

Yeremiya 6:11

Ndzi tele hi mahlundzu ya Yehovha, ndzi karhele ku ma sivela. “Ma halatela eka vana va entsendzeleni, ni le nhlengeletanweni ya majaha; hikuva wanuna u ta khomiwa swin'we ni nsati; la dyuhaleke ni la heteke masiku ya yena.

Ntirho 23:12

Milawu ya milomu ya xona a ndzi yi hambukanga; Ndzi hlayisile timhaka ta nomu wa xona ku tlula leswi ndzi tihlambanyisaka ha swona.

Ezekiele 2:8

Wena, n'wana wa munhu, u yingisa leswi ndzi ku byelaka swona! U nga tiarisi kukota yindlu leyi ya vatiarisi. Ahlamisa nomu wa wena u dya leswi ndzi nga ta ku nyika swona.”

Ezekiele 3:4

A engeta a ku eka mina: “N'wana wa munhu, yana eka yindlu ya Israele, u va byela marito ya mina.

Pisalema 19:11

Hikwalaho nandza wa wena u dyondzisiwa ha swona; La hlayisaka swona u ni hakelo leyikulu.