Ezekiele 22:7 - Xitsonga (Bibele)

⁷ Va rhukana vatata wa vona ni vamana wa vona eka wena; wamatiko wa xanisiwa exikarhi ka wena, eka wena, la feleke hi tata wa yena, ni wansati wa noni va kandziyeriwa.

BIBELE Mahungu Lamanene

⁷ Exikarhi ka vanhu va wena, vatswari a va ha xiximiwi, valuveri va xanisiwa ngopfu, tinoni ni lava feriweke hi vatswari va tshikeleriwa.

Ezekiele 22:7 Referans Kwoze

Duteronoma 27:16

“ ‘A ku rhukaniwe la sandzaka tata wa yena, hambi a ri mana wa yena!’ Kutani tiko hinkwaro ri ta hlamula, ri ku: ‘Amen!’

Malakiya 3:5

Ndzi ta tshinela eka n'wina ku endla ku avanyisa, ndzi va mbhoni leyi hatlisaka eka timhaka ta vangoma ni vaoswani, ni lava hlambanyaka hi mavunwa, ni lava tekaka hakelo ya la hakeriwaka, ni ya noni, ni ya xisiwana, ni lava hambukisaka wamatiko, ni lava nga ndzi chaviki, ku vula Yehovha wa mavandla.

Zakariya 7:10

mi nga xanisi noni, ni xisiwana, ni wamatiko, ni mupfumari, kutani mi nga kungeleli makwenu khombo etimbilwini ta n'wina.”

Yeremiya 7:6

Loko mi nga xanisi wamatiko, ni xisiwana, ni noni; kambe mi nga halati ngati leyi nga riki na nandzu endhawini leyi; loko mi nga fambi eka swikwembu swin'wana ku tilavela khombo:

Levhitika 20:9

“Un'wana ni un'wana la rhukanaka tata wa yena, hambi mana wa yena, u ta dlawa: u rhukanile tata wa yena hambi mana wa yena; ngati ya yena yi le henhla ka yena.

Marka 7:10

Hikuva Muxe u te: ‘U va ni xichavo eka tata wa wena ni mana wa wena’ kutani ‘la rhuketelaka tata wa yena hambi mana wa yena, u ta dlawa.’

Ezekiele 22:29

Loko va ri vanhu va tiko leri, va endla ku xanisa, va titekela hi ku yiva; va xanisa xisiwana ni vapfumari; va xanisa wamatiko ku nga ri hi mfanelo.

Ezekiele 18:12

loko a xanisa xisiwana ni mupfumari, loko a yiva, loko a nga tlheriseli n'wini mali ya ku tiyisa ka yena, loko a tlakusa mahlo eka swifaniso swa swikwembu swahava, a endla manyala,

Swivuriso 30:17

Tihlo ra munhu leri solaka tatana, Leri sandzaka ku yingisa manana, Mawukuwuku ya le nambyeni ma ta ri boxa, Mavondlo ya gama ma ta ri dya.

Swivuriso 30:11

Ri kona rixaka rin'we leri rhukanaka tata wa rona, Ri nga khensi mana wa rona.

Swivuriso 20:20

La rhukanaka tata wa yena ni mana wa yena, Rivoni ra yena ri ta timeka emunyameni lowukulu.

Duteronoma 27:19

“ ‘A ku rhukaniwe la voyamisaka ku lulama ka muluveri, ni ka xisiwana, ni ka noni!’ Kutani tiko hinkwaro ri ta hlamula, ri ku: ‘Amen!’

Duteronoma 5:16

“ ‘U va ni xichavo eka tata wa wena ni mana wa wena, hilaha Yehovha, Xikwembu xa wena, xi ku leriseke hakona, leswaku masiku ya wena ma andzisiwa, u va u katekisiwa emisaveni leyi u yi nyikiweke i Yehovha, Xikwembu xa wena.

Eksoda 21:17

“La rhukaneke tata wa yena kumbe mana wa yena, u ta dlawa.

Eksoda 20:12

“Xixima tata wa wena ni mana wa wena, leswaku masiku ya wena ma engeteriwa emisaveni leyi u yi nyikiwaka hi Yehovha, Xikwembu xa wena.

Eksoda 23:9

“U nga tshuki u xanisa wamatiko; na n'wina ma yi tiva miehleketo ya wamatiko, hikuva a mi ri vamatiko eEgipta.

Duteronoma 24:17

“U nga tshuki u voyamisa ku lulama ka muluveri ni ka xisiwana, kambe u nga ka u nga teki nguvu ya noni xi va xitshembiso.

Esaya 1:23

Tihosi ta wena ta tiarisa, ti kucetelana ni vayivi, hinkwato ti rhandza ngopfu ku nyikiwa, ti tsutsumela ku hakeriwa; a ti avanyiseli xisiwana, timhaka ta noni a ti fiki eka tona.

Ezekiele 22:25

Ku ni ku pfumelelana ka ku tiarisa eka vaprofeta lava nga eka rona, ku fana ni nghala leyi dzumadzumaka, leyi handzulelaka mbhari; va dya mimoya ya vanhu, va teka rifuwo ni swilo swo kala, va andzisa vavasati va tinoni exikarhi ka tiko.

Pisalema 94:5

Oho Yehovha! Va kandziyela tiko ra wena; Va xanisa ndzhaka ya wena;

Pisalema 94:6

Va dlaya nsati wa noni ni n'eni, Va lovisa swisiwana.

Esaya 1:17

Dyondzani ku endla leswinene, lavani leswi lulameke, lamulelani la xanisiwaka; sirhelelani xisiwana, lwelani noni.