Ezekiele 2:3 - Xitsonga (Bibele)

³ A ku eka mina: “N'wana wa munhu ndzi ku rhuma eka vana va Israele lava nga yingisiki, lava ndzi fularheleke va ndzi dyohele swin'we ni vatata wa vona ku fika siku ra namuntlha.

BIBELE Mahungu Lamanene

³ Kutani a ku ka mina: “Wena munhu, ndzi ku rhuma eka Vaisraele, va nga vanhu lava tiarisaka, lava lwaka na mina; vanhu lava va ndzi dyoherile ku fana ni vatata wa vona, kutani ni namuntlha swa ha ri tano.

Ezekiele 2:3 Referans Kwoze

Yeremiya 3:25

Hi funengerile tingana ta hina, hi ambarile xisandzu xa hina; hikuva hi dyohele Yehovha, Xikwembu xa hina, hina ni vatata wa hina, ku sungula evuntshweni bya hina ku fika siku leri, kambe a hi yingisanga rito ra Yehovha, Xikwembu xa hina.”

Duteronoma 9:24

Mi tshama mi pfuka Yehovha ku suka siku leri ndzi sunguleke ku mi tiva.

Varhoma 10:15

Kutani va ta dyondzisisa ku yini, loko va nga rhumiwi! Hilaha ku tsariweke leswaku: “Milenge ya lava vulaka Evhangeli ya ku rhula yi sasekile swonghasi; milenge ya lava vulaka timhaka leto saseka!”

Timhaka 7:51

“N'wina va tinhamu le to nonon'hwa, mi nga yimbisiki timbilu ni tindleve! Mi alela Moya lowo Kwetsima hi masiku, mi kotisa vatata wa n'wina!

Yeremiya 44:21

“Xana Yehovha a nga tsundzukanga, a va a anakanya mirhi ya risuna leyi mi yi hiseke emitini ya Yuda ni le mitsendzeleni ya Yerusalema, n'wina, ni vatata wa n'wina, ni tihosi ta n'wina, ni tindhuna ta n'wina, ni vanhu va tiko-ke?

Yeremiya 36:2

“U titekela buku u ta tsala eka yona marito hinkwawo lawa ndzi tshamaka ndzi ku byela wona hikwalaho ka Israele ni hikwalaho ka Yuda, ni hikwalaho ka tiko hinkwaro, ka ha ri mpfhuka ndzi vulavula na wena, enkarhini wa Yosiya, ku fika siku leri.

Yeremiya 7:2

“Yana, u ya yima enyangweni ya yindlu ya Yehovha, kutani u huwelela kona rito lero, u ku: ‘Yingisani rito ra Yehovha, n'wina hinkwenu va Yuda lava nghenaka hi tinyangwa leti ku ta khinsamela Yehovha.

Yeremiya 1:7

Yehovha a ku eka mina: “U nga tshuki u ku: ‘Ndzi xihlangi!’ Hikuva u ta famba eka hinkwavo lava ndzi nga ta ku rhuma eka vona, kambe u vulavula hinkwaswo leswi ndzi nga ta ku lerisa swona.

Pisalema 106:28

Va namarhela Baala-Peyori. Va dya tinyama ta swifuwo leswi tlhaveriweke vafi.

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

Ezra 9:7

Ka ha ri mpfhuka wa vatata wa hina, hi tshama enandzwini lowukulu ku fikela sweswi hikwalaho ka swidyoho swa hina, hi nyiketiwile ni tihosi ta hina, ni vaprista va hina, emavokweni ya tihosi ta matiko walawo, hi nyiketiwa fumu ni ku bohiwa, ni ku onhaka, ni tingana, kukotisa namuntlha.

Duteronoma 9:27

Tsundzuka malandza ya wena Abrahama, na Isaka, na Yakobo u nga languti ku nonon'hwa ka tiko leri, ni ku biha ka rona, ni xidyoho xa rona,

Tinhlayo 20:10

Kutani Muxe na Aroni va vitana nhlengeletano emahlweni ka ribye, kutani Muxe a ku eka vona: “Yingisani, vakaneti! Xana hi ta mi humesela mati eribyeni leri xana?”

Ezekiele 17:12

“U ku eka yindlu leyi tiarisaka: Xana a mi tivi ntsheketo ni xifaniso lexi-ke? U ku: Vona, hosi ya Babilona yi tile eYerusalema, yi tekile hosi ya vona ni tindhuna, yi va tekela na yena kwale Babilona.

Ezekiele 24:3

U nga vulavula hi xifaniso eka yindlu ya vakaneti, u ku eka vona: Hosi Yehovha u ri: Tseleka mbita exitikweni, u yi tseleka, u yi chela mati.

Ezekiele 40:4

Kutani wanuna yeloyi a ku eka mina: “N'wana wa munhu, languta hi mahlo ya wena, u yingisela hi tindleve ta wena, u xiya hinkwaswo leswi ndzi nga ta ku byela swona; hikuva loko u tisiwile haleno, hileswaku ndzi ku komba swona, u ta byela yindlu ya Israele hinkwaswo leswi u swi voneke.”

Amosi 7:15

kambe Yehovha u ndzi khomile ndzi ri karhi ndzi risa ntlhambi, kutani Yehovha a ku eka mina: ‘Famba u ya profeta etikweni ra mina ra Israele.’

2 TIHOSI 17:14

Kambe a va yingisanga, va nonon'hwisile tinhamu ta vona kukotisa vatata wa vona lava nga pfumelangiki eka Yehovha Xikwembu xa vona.

2 TIHOSI 17:15

Va sandza milawu ya yena, ni ntwanano wa yena lowu a wu endleke ni vatata wa vona, ni ku layiwa loku a va layeke hakona; va landza swahava, kutani va hundzuka swahava, va ri karhi va famba endzhaku ka matiko lawa ma va rhendzeleke, lawa Yehovha a va leriseke leswaku va nga tshuki va endla kukotisa wona.

Esaya 30:1

“Khombo eka vana lava tiarisaka,” ku vula Yehovha, “lava kanelaka timhaka, kambe ndzi nga ri na vona, va endla xinakulobye, ku nga ri hi ku rhandza ka mina, va ta engeta xidyoho ehenhla ka xidyoho.

Yeremiya 44:20

Kavaloko Yeremiya a vulavula ni tiko hinkwaro, a byela vavanuna ni vavasati ni hinkwavo lava n'wi hlamuleke sweswo, a ku:

Malakiya 3:7

Loko ka ha ri emikarhini ya vatata wa n'wina, mi sukele milawu ya mina, kutani a mi yi hlayisanga; tlhelelani eka mina, kutani ndzi ta tlhelela eka n'wina, ku vula Yehovha wa mavandla. Kutani mi ri: ‘Hi ta vuyela ha yini xana?’