Ezekiele 1:16 - Xitsonga (Bibele)

¹⁶ Nghohe ya masondzo ni xivumbeko xa wona a xi fana ni krisolita, ma fanana hi vumune bya wona; ntirho wa wona a wu ri lowu fanaka ni sondzo leri nghenisiweke exikarhi ka sondzo rin'wana.

BIBELE Mahungu Lamanene

¹⁶ Mavhilwa lawa ya mune a ma fana, ma vangama kukota ribye ra nkoka; naswona a ma ri ni xivumbeko xin'we: Endzeni ka rin'wana ni rin'wana ra wona, a ku vonaka vhilwa ra vumbirhi leri hingakanyaka.

Ezekiele 1:16 Referans Kwoze

Daniele 10:6

Miri wa yena wu fana ni krisolita, mombo wa yena wu hatima kukotisa rihati mahlo ya yena ma kotisa swisa leswi pfurhaka, mavoko ni milenge ya yena swi kotisa koporo leyi khuxiweke; rito ra yena loko a vulavula a ri fana ni mpfumawulo wa lavo tala.

Vaefesa 3:10

leswaku vutlhari bya Xikwembu lebyi mikhuva ya byona yi nga tala hilaha ku nga hlayiwiki, byi kombisiwa sweswi hi Kereke, eka vakulukumba ni ka vafumi va le matilweni,

Varhoma 11:33

Oho! A hi ku enta ka rifuwo, ni ka vutlhari, ni ka vutivi bya Xikwembu! Ku avanyisa ka xona a ku twisisiwi, ni tindlela ta xona a ti tiviwi!

Pisalema 40:5

Wena Yehovha, Xikwembu xanga, u andzisile ngopfu Masingita ni makungu ya wena ehenhla ka hina; Swa hi hlula ku ma hlaya emahlweni ka wena. Hambi ndzi rhandza ku ma hlaya ni ku ma vula, Ntsengo wa wona wu tlula leswi nga hlayiwaka.

Pisalema 36:6

Ku lulama ka wena ku fana ni tintshava ta Xikwembu; Ku avanyisa ka wena i xidziva lexikulu; Yehovha, u hlayisa vanhu ni swiharhi.

Ntirho 9:10

U endlile swilo leswikulu leswi nga tiviwiki, Swilo leswi hlamarisaka leswi nga hlayiwiki.

Eksoda 39:13

erixaxeni ra vumune: krisolita, ni onikisi, ni yaspere. Maribye lawa a ma namekiwile ensukwini, etifukweni ta wona.

Risimu ra Tinsimu 5:14

Mavoko ya yena ma fana ni swingwavila swa nsuku, Leswi namekiweke hi maribye ya krisolita; Khwiri ra yena ri fana ni timhondzo ta ndlopfu leti hatimaka, Ti namekiweke hi maribye ya safiri.

1 TIHOSI 7:33

wona masondzo a ma fana ni masondzo ya golonyi; tiakisele (eixo) ta wona, ni mabanti, ni swipoko, ni matshuri ya wona, hinkwaswo a swi ri swa koporo.

Daniele 7:9

“Ndzo languta ku fikela swiluvelo swi ko swi vekiwa, kutani Nkulukumba wa masiku a tshamisa. Xifunengelo xa yena a xi basile kukotisa gamboko, ni misisi ya yena yi basile kukotisa voya bya nyimpfu leyi hlantswiweke. Xiluvelo xa yena a xi fana ni malangavi ya ndzilo ni masondzo ya xona ma ri tanihi ndzilo lowu pfurhaka.