Ezekiele 1:11 - Xitsonga (Bibele)

¹¹ Mimombo ya swona ni timpapa ta swona a swi avene hi le henhla; xivumbiwa xin'wana ni xin'wana a xi ri ni timpapa timbirhi leti hlanganeke, ni timpapa timbirhi leti nga funengeta miri ya swona.

BIBELE Mahungu Lamanene

¹¹ [Swikandza swa kona a swi ri swona sweswo.] Swivumbiwa a swi phurumurile timpapa, swi kongomisa timbirhi ehenhla swi khumbana ha tona; hi timpapa timbirhi letin'wana, a swi tifunengeta miri.

Ezekiele 1:11 Referans Kwoze

Esaya 6:2

Kutani tiserafi a ti yimile ehenhla ka yena yin'wana ni yin'wana a yi ri ni timpapa ta ntlhanu na yin'we: ha timbirhi ti funengeta mimombo, ha timbirhi ti funengeta milenge, ha timbirhi tin'wanyana a ti haha ha tona.

Ezekiele 1:23

Ehansi ka tilo, timpapa ta swona a ti yimile, ti langutene; xivumbiwa xin'wana ni xin'wana a xi ri ni timpapa timbirhi tin'wana leti nga funengeta miri wa xona.

Ezekiele 10:19

Tikerubu ti tlakusa timpapa ta tona, ti haha ti suka emisaveni emahlweni ka mina, loko ti suka, na wona masondzo ma landza hi le kusuhi. Kutani ti yima enyangweni ya le vuxeni ya Yindlu ya Yehovha; ku kwetsima ka Xikwembu xa Israele a ku ri ehenhla ka tona.

Ezekiele 10:16

Loko tikerubu a ti famba, masondzo na wona a ma famba ekusuhi na tona; loko tikerubu ti tlakusa timpapa ku hahela ehenhla, wona masondzo a ma nga suki ekusuhi na tona.