Ezekiele 1:1 - Xitsonga (Bibele)

¹ Hi lembe ra makume manharhu, hi siku ra vuntlhanu ra n'hweti ya vumune, loko a ndzi ri exikarhi ka lava yisiweke evukhumbini, enambyeni wa Kebara, matilo ma pfuleka, kutani ndzi vona mahlori ya Xikwembu.

BIBELE Mahungu Lamanene

¹ Hi lembe ra vu-30, esikwini ra vuntlhanu ra n'hweti ya vumune, a ndzi tshamile eribuweni ra nambu wa Kebara exikarhi ka va ka Yuda lava yisiweke evukhumbini, kutani ndzi vona matilo ma pfuleka, Xikwembu xi ndzi komba ni xivono.

Ezekiele 1:1 Referans Kwoze

Nhlavutelo 19:11

Kutani ndzi vona tilo ri pfuriwile, kavaloko ku humelela hanci leyo basa, la yi khandziyeke a vitaniwa Mutshembeki ni Wantiyiso; wa avanyisa ni ku lwa hi ku lulama.

Timhaka 7:56

Kutani a ku: “Maswivo, ndzi vona tilo ri pfulekile; ni N'wana wa Munhu u yimile evokweni ra xinene ra Xikwembu.”

Matewu 3:16

Kuteloko Yesu u khuvuriwile, a hatlisa a huma ematini; kutani hi nomu lowu, matilo ma pfuleka, a vona Moya wa Xikwembu wu xika, wo ngi i tuva, wu ta ehenhla ka yena.

Ezekiele 11:24

Moya wu ndzi tlakula hi norho, wu ndzi yisa eKalediya, eka vabohiwa, kutani mahlori lawa ndzi ma voneke ma suka emahlweni ka mina.

Timhaka 10:11

A vona tilo ri handzuriwile, ni xilo lexi fanaka ni nguvu leyikulu, xi xikela eka yena xi bohiwile etinhleni ta mune, xi nembeletiwa emisaveni;

Luka 3:21

Kakuloko vanhu va khuvuriwa, na yena Yesu, a khuvuriwa; kambe loko a a ri karhi a khongela, matilo ma pfuleka,

Ezekiele 10:20

Hi swona swivumbiwa leswi ndzi nga swi vona ehansi ka Xikwembu xa Israele, ekusuhi ni nambu wa Kebara, kutani ndzi vona leswaku a ti ri tikerubu.

Ezekiele 10:15

Kutani tikerubu ti tlakuka; tona, a swi ri swivumbiwa leswi ndzi nga swi vona enambyeni wa Kebara.

Nhlavutelo 4:1

Endzhaku ka sweswo ndzi languta, kutani ndzi vona nyangwa yi pfuriwile etilweni kutani rito lero rhanga leri ndzi ri tweke, ri vulavula na mina, ri fana ni nanga, ri ku: “Tlhandlukela halenu, ndzi ta ku kombisa leswi nga ta humelela endzhaku ka leswi.”

Yohane 1:51

A engeta a ku eka yena: “Kunenenene ndzi ri eka n'wina: Ku sungula sweswi, mi ta vona tilo ri pfuriwile, ni tintsumi ta Xikwembu ti ri karhi ti tlhandluka, ti va ti xikela ehenhla ka N'wana wa munhu.”

Ezekiele 43:3

Ku kotisa xifaniso lexiya lexi ingi ndzi xi vonile xi ta ta onha muti, hilaha xifaniso lexi ndzi xi voneke ingi xi vonakala hakona; leswi voniwaka a swi vonaka wo nge hi leswi ndzi tshamaka ndzi swi vona enambyeni wa Kebara; kutani ndzi tiwisa hansi hi mombo.

Ezekiele 8:3

A tshambuluta xilo lexi nga voko, xi ndzi khoma hi misisi, kutani moya wu ndzi tlakulela empfhukeni, enorhweni, wu ndzi tisela Yerusalema, enyangweni ya le ndzeni leyi langutaka en'walungwini, laha ku nga ni xitshamo xa xifaniso xa rilondzo lexi pfuxaka rilondzo.

Ezekiele 3:23

Kavaloko ndzi pfuka ndzi famba erivaleni, ndzi vona ku kwetsima ka Yehovha hilaha ndzi ku voneke ekusuhi ni nambu wa Kebara. Kutani ndzi wa hi mombo wa mina.

Ezekiele 1:3

rito ra Yehovha ri fika eka Ezekiele, n'wana Buzi, muprista etikweni ra Vakalediya enambyeni wa Kebara; exivandleni lexi, voko ra Yehovha ri va ehenhla ka yena.

Esaya 1:1

Vuprofeta bya Esaya, n'wana Amotsi, ehenhla ka Yuda na Yerusalema, emikarhini ya Uziya, na Yotamu na Akazi, na Hezekiya, tihosi ta Yuda.

Tinhlayo 12:6

Kavaloko a ku: “Yingisani swinene marito ya mina! Loko muprofeta u kona exikarhi ka n'wina, mina Yehovha ndzi tikombisa ka yena hi mahlori, ndzi vulavula na yena enorhweni.

2 Vakorinto 12:1

Kunene a ndzi fanelangi ku tidzunisa, hikuva ndzi nga fika ni ka masingita ni ka swikombiso swa Hosi.

Marka 1:10

Kakuloko a huma ematini, a vona tilo ri pfuriwa, Moya wu xikela henhla ka Yesu, wu fana ni tuva;

Yuwele 2:28

“Endzhaku ka sweswo, ndzi ta chela moya wa mina ehenhla ka nyama hinkwayo, ku ta profeta vana va n'wina va xinuna ni va xisati; swidyuhati swa n'wina swi ta lorha milorho, ni majaha ya n'wina ma vona mahlori.

Hosiya 12:10

Kasi hi mina Yehovha, Xikwembu xa wena, loko wa ha huma etikweni ra Egipta. Ndza ha ta ku akisa emitsongeni, kukotisa loko ku endliwa siku ra nkhuvo.

Ezekiele 40:2

A ndzi yisa kona hi milorho ya mahlori ya Xikwembu, kutani a ndzi veka entshaveni leyo leha ngopfu, ehenhla ka yona a ku ri ni xilo lexi fanaka ni muti hitlhelo ra dzonga.

Ezekiele 3:15

Kavaloko ndzi fika eka vabohiwa va Tel-Avhivhi, lava tshameke ekusuhi ni nambu wa Kebara, ni le magoveleni ya vona, ndzi tshama eka vona hi masiku ya 7, ndzi ri karhi ndzi hlamala.

Tinhlayo 4:3

ku sungula hi va malembe ya 30 ni lava tlulaka, ku fika eka va malembe ya 50, hinkwavo lava nghenaka enxaxeni wa ntirho wa tabernakela ya nhlengeletano.

Eksoda 24:10

va vona ehansi ka milenge ya xona wo nge ntirho wa safiri leyi vangamaka, leyi tengeke kukota rona tilo.

Genesa 46:2

Kutani Xikwembu xi vulavula na Israele hi swivonakariso swa vusiku, xi ku: “Yakobo, Yakobo!” A hlamula a ku: “Hi mina loyi.”

Timhaka 10:3

Siku rin'wana, a vona mahlori hi nkarhi wa ntlhanu na mune; a vonisisa ntsumi ya Xikwembu yi nghena eka yena, yi ku eka yena: “Korneliyo!”

Matewu 17:9

Kakuloko va rhelela entshaveni, Yesu a va laya, a ku: “Leswi mi swi voneke, mi nga tshuki mi byela vanhu, N'wana wa Munhu a nga si pfuka eku feni.”

Ezekiele 10:22

Mimombo ya tona a yi fana kunene ni mimombo leyi ndzi yi voneke enambyeni wa Kebara, a yi fana hi nghohe, a ya ri yona hi xiviri. Yin'wana ni yin'wana a yi famba emahlweni ka yona.

Genesa 15:1

Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

Luka 3:23

Yesu a a lave ku va ni makume manharhu ya malembe loko a sungula ku dyondzisa, kutani hi ku ringanisa ka vanhu, a a ri n'wana wa Yosefa, wa Heli;

Esaya 6:1

Lembe ra ku fa ka hosi Uziya ndzi vonile Yehovha a tshamile exiluvelweni lexikulu lexi tlakukeke; kutani mahlangula ya xifunengelo xa yena a ma tata tempele.

Pisalema 137:1

Etimbuweni ta milambu ya Babilona, A hi tshama hi rila loko hi tsundzuka Siyoni.

Yeremiya 29:15

Kambe mi ri: ‘Yehovha u hi humesele vaprofeta le Babilona!’

Ezekiele 10:1

Ndzi languta, kutani ndzi vona empfhukeni lowu ngi wu ri ehenhla ka tinhloko ta tikerubu xilo lexi nga ribye ra safiri, ni xilo lexi nga fana ni xiluvelo a xi ri ehenhla ka wona.

Ezekiele 10:10

Ma fanana hi vumune bya wona, sondzo rin'wana a ri hingakanya sondzo rin'wana.