Estere 9:4 - Xitsonga (Bibele)

⁴ Hikuva Mordekayi a a ri nkulu endlwini ya hosi, kutani ku twala ka yena a ku yile ematikweni hinkwawo; hikuva wanuna yeloyi, Mordekayi, a a ri karhi a kula.

BIBELE Mahungu Lamanene

⁴ Wanuna loyi Mordekayi a a ri ni xiyimo xa le henhla emutini wa hosi, naswona ku twala ka yena a ku tiveka eswifundzheni hinkwaswo, hikuva matimba ya yena a ma ya ma kula.

Estere 9:4 Referans Kwoze

1 TIKRONIKA 11:9

Davhida a a ri karhi a ya emahlweni, a kula hi matimba, kutani Yehovha wa mavandla a a ri na yena.

2 SAMIELE 3:1

Ku lwa ku va kona enkarhini lowo leha exikarhi ka yindlu ya Sawulo ni yindlu ya Davhida, kutani Davhida a a tinyiketa matimba, kambe yindlu ya Sawulo a yi ri karhi yi tsana.

Sofoniya 3:19

Vona, enkarhini wolowo, ndzi ta va ni mhaka ni vaxanisi va wena hinkwavo, ndzi hanyisa [nyimpfu] leyi khwitaka, ndzi hlengeleta leyi hlongoriweke, kutani ndzi ta va endla lava twarisiwaka ni lava twaleke ematikweni hinkwawo, laha va nga khomiwa hi tingana.

Swivuriso 4:18

Ndlela ya lavo lulama yi kotisa ku vonakala, Ku hatima ka kona ku engeteleka ku fikela nhlekanhi lowukulu.

Pisalema 18:43

U ndzi lwerile eku kanetaneni ka tiko, Kambe u ndzi vekile hosi ya matiko; Tiko leri ingi ndzi nga ri tivi, ra ndzi tirhela.

Pisalema 1:3

U fana ni murhi lowu simekiweke kusuhi ni milambu ya mati, Lowu tswalaka mihandzu ya wona hi nkarhi wa wona, Lowu matluka ya wona ma nga omiki: Hinkwaswo leswi a swi endlaka swi ta kateka.

1 TIKRONIKA 14:17

Kutani ku twala ka Davhida ku hangalaka ematikweni hinkwawo, Yehovha a chavisa matiko hinkwawo hi vito ra Davhida.

1 SAMIELE 2:30

Hikwalaho-ke Yehovha, Xikwembu xa Israele, u vula sweswo, a ku: ‘A ndzi vurile leswaku yindlu ya wena ni yindlu ya tata wa wena yi ta famba emahlweni ka mina hilaha ku nga heriki,’ kambe sweswi, Yehovha u vurisa, a ku: ‘A swi ve kule na mina! Hikuva ndzi ta dzunisa lava ndzi dzunisaka, kambe lava ndzi sandzaka va ta tsongahatiwa.

Yoxuwa 6:27

Yehovha a a ri na Yoxuwa, kutani ku twala ka yena a ku hangalaka etikweni hinkwaro.

Matewu 4:24

Kutani ku twakala ka yena ku hangalaka eSiriya hinkwako. Va tisa eka yena hinkwavo lava nga tsakangiki, ni lava xanisekaka hi vuvabyi bya tinxakaxaka ni nhlomulo, ni lava ngi va ri ni rihuhu ra mademona, ni lava ngi va ri ni rihuhu ra n'weti, ni lava omeke swirho; yena a va hanyisa.

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Estere 10:2

Loko yi ri mitirho hinkwayo ya mandla ya yena, ni swiendlo swa yena leswi tlakukeke, ni loko ku ri ku runguriwa ka vukulukumba bya Mordekayi, hilaha hosi yi nga n'wi tlakusa hakona, a ndzi ku, timhaka toleto ti tsariwe ebukwini ya timhaka ta tihosi ta Mediya na Peresi.

Eksoda 11:3

Kambe Yehovha a tsetselerise tiko eka Vaegipta; na yena Muxe a a ri munhu lonkulu ngopfu etikweni ra Egipta, emahlweni ka malandza ya Faro, ni le mahlweni ka tiko.

Pisalema 92:13

Loko va simekiwa endlwini ya Yehovha, Va hluka erikupakupeni ra Xikwembu xa hina,