Estere 9:2 - Xitsonga (Bibele)

² Vayuda va hlengeletana emitini ya vona, ematikweni hinkwawo ya hosi Ahasuwerusi, leswaku va yisa voko eka hinkwavo lava rhandzeke ku va humesela khombo; a ku vanga na un'we la nga tiva ku yima emahlweni ka vona, hikuva nchavo wa vona a wu wele vanhu hinkwavo.

BIBELE Mahungu Lamanene

² Vayuda va hlengeletana emigangeni ya vona, emitini hinkwayo ya swifundzha swa hosi Ahasuwerusi, leswaku va ta dlaya vanhu hinkwavo lava a va navela ku va twisa ku vava. A ku vanga na un'we loyi a nga tiyela Vayuda, hikuva tinxaka hinkwato ta vanhu a ti va chava swinene.

Estere 9:2 Referans Kwoze

Estere 8:17

Etikweni rin'wana ni rin'wana, ni le mutini wun'wana ni wun'wana, eswivandleni hinkwaswo leswi rito ra hosi ni ku lerisa ka yona swi fikeke eka swona, Vayuda va tshamisa eku tsakeni ni le ku tsakisiseni va endla nkhuvo hi siku lerinene; ku tsandza ni lavanyingi exikarhi ka vanhu va matiko va tiendla Vayuda, hikuva ku chava ka Vayuda a ku va wele ehenhla.

Estere 8:11

Mapapila lawa, hosi a ma rhumela Vayuda, emutini wun'wana ni wun'wana, leswaku va pfumeleriwa ku hlengeletana endhawini yin'we, ni ku yimela ku hanya ka vona, ku dlaya, ni ku lovisa hinkwavo vanhu ni tiko leri va pfukelaka, kun'we ni vana va vona ni vasati va vona, ni ku phanga swilo swa vona.

Pisalema 71:24

Ririmi ra mina ri ta vula ku lulama ka wena hi masiku hinkwawo. Hikuva va ta va ni tingana, va tshuka, lava lavaka ku ndzi lovisa.

Pisalema 71:13

A va khomiwe hi tingana, a va herisiwe lava pfukaka vutomi bya mina; A va sandziwe ni ku soriwa lava lavaka ku ndzi lovisa.

Esaya 8:9

Hlengeletanani, n'wina matiko, mi va mi herisiwa! Rhiyani tindleve, n'wina hinkwenu lava akeke ematikweni lama nga ekule! Tilunghiseleni ku lwa, mi ta herisiwa!

Estere 9:10

va nga vana va khume va Hamani, n'wana Hamedata, muxanisi wa Vayuda, kambe a va byisanga nchumu.

Yoxuwa 11:20

Hikuva a swi huma ka Yehovha leswi va nonon'hwiseke timbilu ta vona ku lwa na Israele, leswaku a va yirisa va nga kumi tintswalo, kambe a va heta hilaha Yehovha a leriseke Muxe hakona.

Yoxuwa 2:9

a ku eka vona: “Ndza swi tiva leswaku Yehovha u mi nyikile tiko leri, hikuva nchavo lowu mi wu pfuxeke wu hi wele ehenhla, kutani vaaki hinkwavo va tiko va hele timbilu emahlweni ka n'wina.

Duteronoma 2:30

Kambe Sihoni, hosi ya Hexiboni, u hi arisile ku tsemakanya eka rikwavo, hikuva Yehovha, Xikwembu xa wena, xi nonon'hwisile moya wa yena, xi sihalarisile mbilu ya yena, leswaku xi ta n'wi neha emavokweni ya wena hilaha swi humeleleke hakona.

Eksoda 23:27

“Ndzi ta rhuma nchavo wa mina emahlweni ka wena, ndzi hangalasa tiko rin'wana ni rin'wana leri u nga ta fika eka rona; ndzi hlongorisa valala hinkwavo va wena.

Genesa 35:5

Kavaloko va suka; kutani ku chava Xikwembu ku ve ehenhla ka miti leyi vandzamaneke na vona, hikwalaho a va landzelangi vana va Yakobo.