Estere 9:18 - Xitsonga (Bibele)

¹⁸ Kambe Vayuda va le Xuxani va hlengeletana hi ra vukhume na manharhu ni ra vukhume na mune ra n'hweti yoleyo, kutani va wisa hi ra vukhume na ntlhanu, va ri endla siku ra nkhuvo ni ro tsaka.

BIBELE Mahungu Lamanene

¹⁸ Kambe Vayuda lava a va ri eXuxani va hlengeletanile hi siku ra vu-13 ni ra vu-14, kutani va wisa hi siku ra vu-15, ri va ra nkhuvo ni ra ku tsaka.

Estere 9:18 Referans Kwoze

Estere 9:21

leswaku ku tiyisiwa exikarhi ka vona leswaku hi lembe rin'wana ni rin'wana, va hlawula siku ra khume na mune ra n'hweti ya Adara ni siku ra khume na ntlhanu,

Estere 9:15

Loko swi ri tano, Vayuda va le Xuxani va tlhela va hlengeletana hi siku ra khume na mune ra n'hweti ya Adara, kutani va dlaya vanhu va madzana manharhu eXuxani, kambe a va phanganga nchumu.

Estere 9:13

Estere a ku: “Loko hosi yi pfumela, Vayuda va le Xuxani va tlhela va pfumeleriwa ni mundzuku ku endla hi ku lerisa ka sweswi, kambe ku hayekiwa etimhandzeni vana va Hamani va khume.

Estere 9:1

En'hwetini ya khume na timbirhi, yi nga n'hweti ya Adara, hi siku ra khume na manharhu ra n'hweti, leri rito ni ku lerisa ka hosi ingi swi fanele ku hetiseka ha rona, ri nga siku leri valala va Vayuda ingi va tshembile leswaku va ta va pfukela matimba ha rona, timhaka ti hundzuka, kutani Vayuda va va vona lava pfukelaka lava ngi va va venga hi matimba.

Estere 9:11

Esikwini rolero, nhlayo ya lava dlayiweke eXuxani, ntsindza, yi vikeriwa emahlweni ka hosi.

Estere 8:11

Mapapila lawa, hosi a ma rhumela Vayuda, emutini wun'wana ni wun'wana, leswaku va pfumeleriwa ku hlengeletana endhawini yin'we, ni ku yimela ku hanya ka vona, ku dlaya, ni ku lovisa hinkwavo vanhu ni tiko leri va pfukelaka, kun'we ni vana va vona ni vasati va vona, ni ku phanga swilo swa vona.

Estere 9:2

Vayuda va hlengeletana emitini ya vona, ematikweni hinkwawo ya hosi Ahasuwerusi, leswaku va yisa voko eka hinkwavo lava rhandzeke ku va humesela khombo; a ku vanga na un'we la nga tiva ku yima emahlweni ka vona, hikuva nchavo wa vona a wu wele vanhu hinkwavo.