Estere 8:2 - Xitsonga (Bibele)

² Hosi yi humesa xingwavila xa yena lexi ingi a xi tekerile Hamani, a xi nyika Mordekayi; kutani Estere a veka Mordekayi n'wini wa yindlu ya Hamani.

BIBELE Mahungu Lamanene

² Hosi yi humesa xingwavila xa yona lexi a yi xi tekerile Hamani yi xi nyika Mordekayi; kutani Estere a veka Mordekayi leswaku a va mulanguteri wa swilo hinkwaswo leswi a swi ri swa Hamani.

Estere 8:2 Referans Kwoze

Estere 3:10

Kutani hosi yi susa xingwavila evokweni ra yona, yi xi nyika Hamani, n'wana Hamedata, Muagaga, nala wa Vayuda.

Daniele 2:48

Kutani hosi yi kurisa Daniele, yi n'wi avela tinyiko leto tala ta nkoka; yi n'wi veka mufumi wa tiko hinkwaro ra Babilona, yi n'wi endla ni ndhuna ya tintlhari hinkwato ta Babilona.

Genesa 41:42

Faro a susa xingwavila xa yena eritihweni ra yena, a vehela eritihweni ra Yosefa; a n'wi bombisa hi mikhancu leya ntsembyana lowo vevuka, a n'wi bela ritlama ra nsuku enhan'wini;

Luka 15:22

Kambe tata wa yena a ku eka malandza ya yena: ‘Tisani nguvu leyo saseka ngopfu, mi n'wi ambexa yona, mi n'wi nghenisa xingwavila eritihweni, ni tintanghu emilengeni.

Pisalema 37:34

Tshemba Yehovha, u hlayisa ndlela ya yena, U ta ku kurisa leswaku u fuma misava; Kambe u ta vona ku herisiwa ka lavo biha.

Estere 8:3

Estere a engeta a vulavula emahlweni ka hosi, a tiwisela emahlweni ka milenge ya yena, a rila, a n'wi khongela leswaku a herisa ku biha ka Hamani, Muagaga, ni vutlhari bya yena lebyi ingi a hehleke Vayuda ha byona.

Estere 10:2

Loko yi ri mitirho hinkwayo ya mandla ya yena, ni swiendlo swa yena leswi tlakukeke, ni loko ku ri ku runguriwa ka vukulukumba bya Mordekayi, hilaha hosi yi nga n'wi tlakusa hakona, a ndzi ku, timhaka toleto ti tsariwe ebukwini ya timhaka ta tihosi ta Mediya na Peresi.