Estere 8:17 - Xitsonga (Bibele)

¹⁷ Etikweni rin'wana ni rin'wana, ni le mutini wun'wana ni wun'wana, eswivandleni hinkwaswo leswi rito ra hosi ni ku lerisa ka yona swi fikeke eka swona, Vayuda va tshamisa eku tsakeni ni le ku tsakisiseni va endla nkhuvo hi siku lerinene; ku tsandza ni lavanyingi exikarhi ka vanhu va matiko va tiendla Vayuda, hikuva ku chava ka Vayuda a ku va wele ehenhla.

BIBELE Mahungu Lamanene

¹⁷ Kutani exifundzheni xin'wana ni xin'wana ni le mutini wun'wana ni wun'wana laha nawu ni xileriso xa hosi a swi fika kona, Vayuda a va yimbelela va tsakile, ku tlhela ku va ni nkhuvo ni siku ra ximusi. Kutani vanhu lavo tala va tinxaka-xaka va tivula Vayuda, hikuva a va sungurile ku chava Vayuda swinene.

Estere 8:17 Referans Kwoze

Estere 9:19

Hikwalaho Vayuda va le tikweni, lava akeke emitini leyi nga riki na marhangu, va endla siku ra vukhume na mune ra n'hweti ya Adara siku ro tsaka ni ro dya, ni siku ra nkhuvo, leri ku rhumelaniwaka tinyiko ha rona.

Pisalema 18:43

U ndzi lwerile eku kanetaneni ka tiko, Kambe u ndzi vekile hosi ya matiko; Tiko leri ingi ndzi nga ri tivi, ra ndzi tirhela.

1 SAMIELE 25:8

Vutisa malandza ya wena, ma ta ku byela. Majaha lawa, a makume tintswalo emahlweni ka wena, leswi hi fikeke hi siku ro tsaka. Wa nga nyika malandza va wena ni n'wana wa wena Davhida leswi u nga ta swi kuma evokweni ra wena.’ ”

Duteronoma 11:25

Ku nga ka ku nga tiyi munhu ni un'we emahlweni ka n'wina; Yehovha u ta nghenisa xichavo ni ku rhurhumela hinkwako laha mi nga ta famba kona, hilaha a mi byeleke hakona.

Estere 9:27

Vayuda va kanela, kutani va tihlawulela, va hlawulela ni vatukulu va vona ni hinkwavo lava nga va namarhelaka, leswaku va nga ka va nga tshiki ku hlawula masiku walawo mambirhi, elembeni rin'wana ni rin'wana, hi nawu wa kona lowu tsariweke, ni nkarhi lowu vekiweke;

Estere 9:22

hileswaku hi masiku lawa Vayuda va voneke ku wisa eka valala va vona, kambe en'hwetini leyi tingana ta vona ti hundzukeke ku tsaka, ni ku rila ka vona ku hundzukeke nkhuvo; va ku va ma endla masiku ya nkhuvo ni ya ku tsaka lawa ku rhumelaniwaka tinyiko, lawa kambe ku hiwaka swisiwana ha wona.

Estere 9:2

Vayuda va hlengeletana emitini ya vona, ematikweni hinkwawo ya hosi Ahasuwerusi, leswaku va yisa voko eka hinkwavo lava rhandzeke ku va humesela khombo; a ku vanga na un'we la nga tiva ku yima emahlweni ka vona, hikuva nchavo wa vona a wu wele vanhu hinkwavo.

Duteronoma 2:25

Namuntlha ndzi ta sungula ku chavisa ni ku rhurhumerisa ha wena matiko hinkwawo lama nga ehansi ka matilo, ma ko ma rhurhumela, ma hela timbilu emahlweni ka wena, loko ma yingisa ku twala ka wena.’

Eksoda 15:16

Ku chava ni ku rhurhumela ku ta va wela ehenhla; Hi voko ra wena ra matimba Va ta hundzuka timbheveve leti fanaka ni maribye, Ku kondza tiko ra wena ri pela, oho Yehovha! Ku kondza ku pela tiko leri u ri kutsuleke.

Genesa 35:5

Kavaloko va suka; kutani ku chava Xikwembu ku ve ehenhla ka miti leyi vandzamaneke na vona, hikwalaho a va landzelangi vana va Yakobo.

Estere 9:17

Leswo va swi endla hi siku ra khume na manharhu ra n'hweti ya Adara, kutani va wisa hi ra vukhume na mune va ri endla siku ra nkhuvo ni ra ku tsaka.

Nehemiya 8:10

Va engeta va ku eka vona: “Fambani mi dya tinyama leti noneke, mi nwa leswo nandziha, mi rhumela lava nga lunghiseriwangiki nchumu swakudya, hikuva siku leri hi leri hlawuleriweke hosi ya hina; mi nga hlunami, hikuva ku tsaka ka Yehovha i matimba ya n'wina.”

Yoxuwa 2:9

a ku eka vona: “Ndza swi tiva leswaku Yehovha u mi nyikile tiko leri, hikuva nchavo lowu mi wu pfuxeke wu hi wele ehenhla, kutani vaaki hinkwavo va tiko va hele timbilu emahlweni ka n'wina.

Yoxuwa 2:11

Hi swi yingisile, kutani timbilu ta hina ti n'okile; a ku nga ha vi na ku tiya eka hina emahlweni ka n'wina: hikuva i Yehovha, Xikwembu xa n'wina, lexi nga Xikwembu le henhla ematilweni, ni la hansi emisaveni.

Estere 9:3

Tihosana hinkwato ta matiko, ni tindhuna, ni vafumi, ni hinkwavo lava khomeke timhaka ta hosi, va yimela Vayuda hikuva nchavo wa Mordekayi a wu va wele ehenhla.

Pisalema 105:38

Vaegipta va tsakela ku huma ka vona, Hikuva nchavo wa Israele a wu va khomile.