Estere 8:15 - Xitsonga (Bibele)

¹⁵ Mordekayi a suka emahlweni ka hosi a funengele xifunengelo xa vuhosi xa rihlaza ni xa ntsembyana lowo basa, a vehele harhi leyikulu ya nsuku, a ri ni nguvu ya ntsembyana leya ribungu. Kutani muti wa Xuxani wu ba huwa, wu tsakile ngopfu.

BIBELE Mahungu Lamanene

¹⁵ Kutani Mordekayi a huma emutini wa hosi, a ambarile minceka ya vukosi ya muhlovo wa rihlaza ra tilo ni ku basa, a ambele ni harhi leyikulu ya nsuku, ni nceka wa ntsembyani wo saseka wa xivunguvungu. Vaaki va muti wa Xuxani a va ba minkulungwana va tsakile.

Estere 8:15 Referans Kwoze

Estere 3:15

Kutani vatsutsumi va suka hi ku hatlisa hi ku lerisa ka hosi.

Genesa 41:42

Faro a susa xingwavila xa yena eritihweni ra yena, a vehela eritihweni ra Yosefa; a n'wi bombisa hi mikhancu leya ntsembyana lowo vevuka, a n'wi bela ritlama ra nsuku enhan'wini;

Luka 16:19

“Mufuwi a a ri kona la ambaleke nguvu ya xivunguvungu ni ya ntsembyana lowo saseka, la tshameke eku tsakeni hi masiku hinkwawo.

Swivuriso 29:2

Siku lavo lulama va talaka, tiko ra tsaka, Kambe siku ku fumaka lowo biha, tiko ra rila.

Estere 6:8

a ku tisiwe xifunengelo xa vuhosi lexi funengelaka hi hosi, ni hanci leyi khandziyaka hi hosi, ni harhi ya vuhosi leyi vekeriwaka enhlokweni ya yona,

Estere 1:6

Kona, a ku ri ni tinguvu ta ntsembyana lowo basa, ni ta rihlaza, ni ta ribungu, ingi ti hayekiwile hi tingoti ta ntsembyana lowa ribungu eswingwavileni swa silivhere, ni le timhandzeni ta mabulu lowo basa; kambe, a ku ri ni swilawu swa nsuku ni silivhere evukandziyweni bya porfira, ni bya mabulu lowo basa, ni bya tinkatla, ni bya maribye laya ntima.

Matewu 11:8

Kambe a mi ya vona yini-ke? Xana a a ri munhu la funengeleke tinguvu to bomba xana? Maswivo, lava ambalaka leswo saseka, va le tindlwini ta tihosi.

Matewu 6:29

kasi ndza mi byela leswaku Solomoni, na yena, eku dzunisekeni ka yena hinkwako, a nga funengelanga kukotisa rin'we ra wona.

Estere 6:11

Kutani Hamani a teka xifunengelo ni hanci, a funengeta Mordekayi, kutani a n'wi fambisa hi hanci entsendzeleni wa muti, a ri karhi a huwelela emahlweni ka yena, a ku: “Ku endliwa sweswo eka munhu loyi hosi yi rhandzaka ku n'wi tsakisa.”

Estere 5:1

Hi siku ra vunharhu, Estere a funengela swifunengelo swa yena swa vukosikazi, kutani a ya yima erivaleni leri nga exikarhi ka yindlu ya hosi, emahlweni ka yindlu ya hosi, hosi a yi tshamisile exiluvelweni xa ku fuma ka yena, endlwini ya vuhosi, kusuhi ni nyangwa ya yindlu.

Estere 5:11

Hamani a va byela ku kateka ka rifuwo ra yena, ni ku tala ka vana va yena, ni hinkwaswo leswi hosi yi n'wi tlakuseke ha swona, ni laha a n'wi kuriseke ku n'wi veka lonkulu wa tihosana ni wa malandza ya hosi.

Estere 8:14

Vatsutsumi lava khandziyeke tihanci ni timula, va hatlisa va huma, va hatlisisiwa hi ku lerisa ka hosi. Ni le Xuxani, ntsindza, ku lerisa koloko ku lerisiwa.

Estere 10:2

Loko yi ri mitirho hinkwayo ya mandla ya yena, ni swiendlo swa yena leswi tlakukeke, ni loko ku ri ku runguriwa ka vukulukumba bya Mordekayi, hilaha hosi yi nga n'wi tlakusa hakona, a ndzi ku, timhaka toleto ti tsariwe ebukwini ya timhaka ta tihosi ta Mediya na Peresi.

Swivuriso 11:10

Lavo lulama, loko va tsakile, muti wa yimbelela, Kambe siku ku lovaka lavo biha, i huwa ya ku tsaka.

Swivuriso 28:12

Siku lavo lulama va hlulaka, ku twala lokukulu ku kona; Kambe lavo biha loko va tlakuka, vanhu va tumbela.