Estere 8:14 - Xitsonga (Bibele)

¹⁴ Vatsutsumi lava khandziyeke tihanci ni timula, va hatlisa va huma, va hatlisisiwa hi ku lerisa ka hosi. Ni le Xuxani, ntsindza, ku lerisa koloko ku lerisiwa.

BIBELE Mahungu Lamanene

¹⁴ Hi ku lerisiwa hi hosi, varhumiwa va hatla va gada tihanci ta mfumo ta rivilo, va hangalasa nawu lowu wu humesiweke le ntsindza eXuxani.

Estere 8:14 Referans Kwoze

Daniele 8:2

Kuteloko ndzi languta, swi va tanihi loko ndzi ri eXuxani, emutini wa le hosini wa tiko ra Elamu; ndzi vona xivono ndzi tshamile eribuwini ra nambu wa Ulayi.

Estere 3:15

Kutani vatsutsumi va suka hi ku hatlisa hi ku lerisa ka hosi.

Eklesiasta 9:10

Hinkwaswo leswi voko ra wena ri nga swi kumaka ku tirha, swi tirhe hi matimba ya wena hikuva exivandleni xa vafi laha u yaka kona, a ka ha ri na ntirho, hambi makungu, ni ku tiva, hambi vutlhari.

Estere 2:3

kutani ematikweni hinkwawo ya ku fuma ka yona, hosi a yi lerise tindhuna leswaku va hlengeleta vanhwana hinkwavo lavantshwa, lavo saseka, va tisiwa eXuxani, ntsindza, endlwini ya vavasati, evuhlayiselweni bya Hegayi, ndhuna ya hosi ni mulanguteri wa vavasati;

Estere 1:2

ndzi ri, emikarhini leyo, kuteloko hosi Ahasuwerusi a tshamisile exitshan'weni xa vuhosi bya yena, eXuxani, wu nga ntsindza,

Nehemiya 1:1

Timhaka ta Nehemiya, n'wana Hakaliya. Hi n'hweti ya Kislevhu ya lembe ra makume mambirhi, loko ndza ha ri Xuxani, emutini wa ntsindza,

1 SAMIELE 21:8

Kutani Davhida a ku eka Ahimeleke: “Xana a ku na tlhari, hambi ri ri banga ekusuhi na wena-ke? Hikuva a ndzi tekanga banga ra mina, hambi ma ri matlhari ya mina, hikuva mhaka ya hosi yi ndzi hatlisele.”

1 TIHOSI 4:28

A ti tisa barley ni byanyi lebyi omeke, yin'wana ni yin'wana hi nawu wa yona, swi ri swa tihanci leti paniwaka, ni tihanci leti khandziyiwaka, lomu ingi hosi a yi ri kona.

2 TIKRONIKA 30:6

Kutani vatsutsumi va ya etikweni hinkwaro ra Israele ni ra Yuda, va ri ni matsalwa ya hosi ni ya tindhuna ta yena, va vula hi ku lerisa ka hosi va ku: “Vana va Israele, tlhelani ka Yehovha, Xikwembu xa Abrahama, ni xa Isaka, ni xa Israele, kutani yena u ta tlhela eka lava poneke xikarhi ka n'wina emavokweni ya tihosi ta Asiriya.

Estere 3:13

Matsalwa ma rhumeriwa ematikweni hinkwawo ya hosi hi vatsutsumi, va ku: “Ku lovisiwa, ku dlayiwa, ku herisiwa Vayuda hinkwavo, lavakulu ni lavatsongo, vana ni vavasati, hi siku rin'we, hi siku ra khume na manharhu ra n'hweti ya khume na timbirhi, yi nga n'hweti ya Adara, va phanga ni xuma xa vona.”

Estere 3:14

Leswi nga tsariwa a wu ri nawu wa matiko hinkwawo, leswaku vanhu hinkwavo va tilunghisela siku lero.

Estere 8:13

Kopi ya papila lero yi endliwa leswaku ku va ku lerisa etikweni rin'wana ni rin'wana, kutani yi khensiwa evanhwini hinkwavo, leswaku Vayuda va ta va va tilunghisile hi siku rolero, leswaku va ta tirihisela eka valala va vona.

Estere 8:15

Mordekayi a suka emahlweni ka hosi a funengele xifunengelo xa vuhosi xa rihlaza ni xa ntsembyana lowo basa, a vehele harhi leyikulu ya nsuku, a ri ni nguvu ya ntsembyana leya ribungu. Kutani muti wa Xuxani wu ba huwa, wu tsakile ngopfu.