Estere 8:10 - Xitsonga (Bibele)

¹⁰ Mordekayi a tsala hi vito ra hosi Ahasuwerusi, kutani a tiyisa hi xingwavila xa hosi, a rhumela mapapila hi vatsutsumi lava khandziyeke tihanci ni vakhandziyi va tikamela, ni timula leti tswalaka hi tihanci leta matswele.

BIBELE Mahungu Lamanene

¹⁰ Nawu wa kona wu tsariwa hi vito ra hosi Ahasuwerusi, wu funghiwa hi xingwavila xa yena, kutani mapapila ya kona ma hangalasiwa hi varhumiwa lava gadeke tihanci ta mfumo ta rivilo, leti kurisiweke entsindza.

Estere 8:10 Referans Kwoze

Daniele 4:1

Mina, hosi Nebukadnetsara, ndzi tsalela vanhu hinkwavo, ni matiko, ni va tindzimi hinkwato, lava akeke ematikweni hinkwawo, ndzi ri: Ku tsaka a ku mi talele!

Yeremiya 51:21

Ndzi fayile ha wena hanci ni mukhandziyi wa yona, ndzi faya ha wena golonyi ni mukhandziyi wa yona.

Yeremiya 2:23

“U nga vurisa ku yini leswaku a ndzi tinyamisanga, a ndzi landzanga Baali xana? Languta mitila ya wena erivaleni; anakanya leswi u swi endleke, wena kamela ra matsambo leri tsutsumelaka lahaya ni lahaya.

Esaya 66:20

va ta vuyisa vamakwenu hinkwavo hi le xikarhi ka matiko hinkwawo, u ku va humesela Yehovha; va ta ta va khandziyile tihanci, ni tigolonyi, van'wana va tlakuriwa, va khandziyile ni timulwa ni tikamela, entshaveni ya mina leyo kwetsima, le Yerusalema,” ku vula Yehovha; “kukotisa loko vana va Israele va tisa nhlengo wa vona embiteni ya ku basa, endlwini ya Yehovha.

Esaya 60:6

Tikamela to tala, ni tikamela letintshwa ta Midiyani, ni ta Efa, ti ta ku funengeta; hinkwavo va Xeba va ta ta, va ta tisa nsuku ni mirhi ya risuna, kutani va ta tlangela Yehovha.

Eklesiasta 8:4

Hikuva rito ra hosi ri ni matimba, kutani i mani la nga ta ku eka yena: ‘U endla yini?’

Ntirho 9:25

“Masiku ya mina ma hatlisa ma hundza, ma tlula vatsutsumi; Ma balekile, ma nga si vona ku kateka.

2 TIKRONIKA 30:6

Kutani vatsutsumi va ya etikweni hinkwaro ra Israele ni ra Yuda, va ri ni matsalwa ya hosi ni ya tindhuna ta yena, va vula hi ku lerisa ka hosi va ku: “Vana va Israele, tlhelani ka Yehovha, Xikwembu xa Abrahama, ni xa Isaka, ni xa Israele, kutani yena u ta tlhela eka lava poneke xikarhi ka n'wina emavokweni ya tihosi ta Asiriya.

1 TIHOSI 21:8

Kavaloko a tsala mapapila hi vito ra Akabu, a ma nameka hi mfungho wa yena; kutani a rhuma mapapila lawa eka vakulukumba ni ka tindhuna leti akeke na Naboto emutini wa yena.

1 TIHOSI 4:28

A ti tisa barley ni byanyi lebyi omeke, yin'wana ni yin'wana hi nawu wa yona, swi ri swa tihanci leti paniwaka, ni tihanci leti khandziyiwaka, lomu ingi hosi a yi ri kona.

Estere 8:8

Loko swi ri tano, tsalani n'wina hi vito ra hosi ematshan'weni ya Vayuda hilaha mi swi rhandzaka, kutani mi tiyisa hi xingwavila xa hosi; hikuva papila leri tsariweke hi vito ra hosi, ri tiyisiweke hi xingwavila xa hosi, a ri na ku hundzukeriwa.”

Daniele 6:8

Kutani, hosi, wa nga tiyisa ku lerisa loku, kutani u tsala nawu leswaku wu nga hundzuki, kukotisa nawu wa Vameda ni Vaperesi, wu nga nawu lowu nga riki na ku hundzuka.”