Estere 8:1 - Xitsonga (Bibele)

¹ Hi siku rolero, hosi Ahasuwerusi a nyika nkosikazi Estere yindlu ya Hamani, muxanisi wa Vayuda; Mordekayi yena, a ta emahlweni ka hosi, hikuva Estere a a n'wi byerile lexi a nga xona eka yena.

BIBELE Mahungu Lamanene

¹ Hi siku rero, hosi Ahasuwerusi a nyika nkosikazi Estere swilo hinkwaswo leswi a swi ri swa Hamani nala wa Vayuda. Kutani Mordekayi a pfumeleriwa ku hamba a ta eka hosi, hikuva Estere a a byerile hosi leswaku Mordekayi i xaka ra kwe.

Estere 8:1 Referans Kwoze

Estere 2:7

A a ri karhi a wundla Hadasa, la nga Estere, n'wana hahani wa yena, a nga ri na tata wa yena ni mana wa yena; nhwanyana yeloyi a a sasekile, a languteka; siku ku faka tata wa yena ni mana wa yena, Mordekayi u n'wi hlayisile, a n'wi endla n'wana wa yena.

Swivuriso 13:22

Munhu lonene u siyela vatukulu ndzhaka, Kambe rifuwo ra mudyohi ri siyeriwa la lulameke.

Estere 2:15

Loko a ri Estere, n'wana Abihayili, hahani wa Mordekayi, loyi ingi a n'wi hlayisile, a n'wi endle n'wana wa yena, siku ku fikaka nkarhi wa yena wa ku nghena eka hosi, a nga lavanga nchumu loko xi nga ri lexi ingi a xi byeriwile hi Hegayi, ndhuna ya hosi, mulanguteri wa vavasati; kutani Estere a kuma tintswalo eka hinkwavo lava n'wi vonaka.

Pisalema 39:6

Kunene munhu wa fambafamba kukotisa ndzhuti, Va endla nkitsikitsi ku kuma swahava; U hlengeleta rifuwo, kambe a nga tivi la nga ta dya rona.

Luka 12:20

Kambe Xikwembu xi ku eka yena: ‘Wee xihunguki! Hi vusiku byebyi, moya wa wena wu ta tekiwa ka wena; kutani swilo leswo u swi lunghiseke, swi ta va swa mani xana?’

Estere 7:6

Estere a ku: “Muxanisi ni nala, i Hamani, munhu lowo biha!” Kutani Hamani a tshuka ngopfu emahlweni ka hosi ni nkosikazi.

Swivuriso 28:8

La andzisaka rifuwo ra yena hi bindzu leri tlulaka mpimo U hlengeletela munhu la nga ta tsetselela swisiwana.

Estere 1:14

kambe lava ingi va ri ekusuhi na yena a a ri Karixena, na Xetara, na Adimata, na Tarxixi, na Merese, na Marisena na Memukana, ti nga tihosana ta ntlhanu na timbirhi ta Peresi na Mediya, leti ngi ti vona nghohe ya hosi, kambe a ti ri leti ngi ti tshama eswitshan'weni leswi tlakukeke evuhosini. A ku eka vona:

Estere 8:7

Hosi Ahasuwerusi a ku eka nkosikazi Estere ni ka Muyuda Mordekayi: “Vonani, ndzi nyike Estere yindlu ya Hamani, kutani yena a hayekiwile emhandzeni, hikuva a yise voko eka Vayuda.