Estere 6:11 - Xitsonga (Bibele)

¹¹ Kutani Hamani a teka xifunengelo ni hanci, a funengeta Mordekayi, kutani a n'wi fambisa hi hanci entsendzeleni wa muti, a ri karhi a huwelela emahlweni ka yena, a ku: “Ku endliwa sweswo eka munhu loyi hosi yi rhandzaka ku n'wi tsakisa.”

BIBELE Mahungu Lamanene

¹¹ Kutani Hamani a teka tinguvu a ambexa Mordekayi, a n'wi gadisa hanci erivaleni ra muti a ri karhi a huwelela a rhangile emahlweni a ku: “Munhu loyi hosi yi tsakelaka ku n'wi fundzha, ú endleriwa swilo swo tani!”

Estere 6:11 Referans Kwoze

Luka 1:52

U wisile tihosi eswitshan'weni swa tona, u tlakusile lavatsongo;

Nhlavutelo 3:9

Vona, ndzi ta ku tisela van'wana va sinagoga ya Satana, lava tivulaka Vayuda, kasi a hi vona, kambe va hemba; ndzi ta va tisa leswaku va khinsama emilengeni ya wena, va ta tiva leswaku ndzi ku rhandzile.

Esaya 60:14

Vana va vaxanisi va wena va ta ta eka wena hi ku titsongahata, kutani hinkwavo lava ku soleke va ta khinsama emilengeni ya wena; u ta vuriwa muti wa Yehovha, Siyoni wa Mukwetsimi wa Israele.

Estere 9:3

Tihosana hinkwato ta matiko, ni tindhuna, ni vafumi, ni hinkwavo lava khomeke timhaka ta hosi, va yimela Vayuda hikuva nchavo wa Mordekayi a wu va wele ehenhla.

Estere 8:15

Mordekayi a suka emahlweni ka hosi a funengele xifunengelo xa vuhosi xa rihlaza ni xa ntsembyana lowo basa, a vehele harhi leyikulu ya nsuku, a ri ni nguvu ya ntsembyana leya ribungu. Kutani muti wa Xuxani wu ba huwa, wu tsakile ngopfu.

Ezra 6:13

Kutani Tatenayi, hosi ya hase ka nambu, a ri na Xetara-Bozenayi, ni vanakulobye, loko va vona leswi rhumiweke hi hosi Dariyosi, va hatlisa va endlisa sweswo.

Estere 6:10

Kutani hosi yi ku eka Hamani: “Hatlisa u teka xifunengelo ni hanci, hilaha u nga vula hakona, kutani u endla sweswo eka Mordekayi, Muyuda la tshamaka emahlweni ka nyangwa ya hosi; u nga tshiki mhaka ni yin'we ya hinkwaswo leswi u swi vuleke.”

Estere 6:12

Kutani Mordekayi a vuya a tlhelela enyangweni ya hosi, Hamani, yena, a hatlisa a tiyela ekaya, a ri ku vavisekeni, a tifunengete nhloko.

Swivuriso 27:18

La rindzaka nkuwa u ta dya mihandzu ya wona, Ni la hlayisaka n'wini wa yena u ta dzunisiwa.