Estere 4:5 - Xitsonga (Bibele)

⁵ Hilaha Estere a vitaka Hataki, un'wana wa malandza lama vekiweke hi hosi emahlweni ka yena, a n'wi lerisa leswaku a ya eka Mordekayi, a ta twa mhaka leyi nga kona ni timbhoni ta mhaka yoleyo.

BIBELE Mahungu Lamanene

⁵ Kutani Estere a vitana Hataki, un'wana wa vatsheniwa va hosi lava a va vekiwile ku n'wi tirhela, a n'wi rhuma ku ya eka Mordekayi a ya kambisisa leswaku i mhaka muni leyi humelelaka ni leswaku yi vangiwa hi yini?

Estere 4:5 Referans Kwoze

Vaheveru 4:15

Hikuva muprista lonkulu, loyi hi nga na yena, a hi loyi a nga tsandzekaka ku hi twela vusiwana emikarhalweni ya hina, kambe hi loyi a ringiweke ematlhelweni hinkwawo, a kotisa hina, kambe a nga vanga na xidyoho.

1 Vakorinto 12:26

Kutani xirho xin'wana, loko xi twa ku vava, swirho hinkwaswo swi twa ku vava na swona; ni loko xirho xin'wana xi dzunisiwa, swirho hinkwaswo swa tsaka na swona.

Varhoma 12:15

Tsakani ni lava tsakeke, mi rila ni lava rilaka.

Estere 1:12

Kambe nkosikazi Vhasiti a ala ku ta hi nomu wa hosi lowu yisiweke eka yena hi tindhuna; hosi yi kariha ngopfu ha swona, kutani vukari bya yena byi pfurha endzeni ka yena.

Estere 1:10

Hi siku ra ntlhanu na mambirhi, kuteloko mbilu ya hosi yi tsakile hi vhinyo, yi lerisa Mehumani, na Bizita, na Harabona, na Bigita, na Abagita, na Zetara, na Karakasi, ti nga tindhuna ta ntlhanu na timbirhi leti yimaka emahlweni ka hosi Ahasuwerusi ku n'wi tirhela,

Vafilipiya 2:4

Un'wana ni un'wana a nga tshuki a hlayisa leswi nga swa yena ntsena, kambe a a hlayise ni swa van'wana.

Estere 4:4

Vanhwanyana va Estere ni malandza ya yena va ta, va n'wi byela timhaka leto. Nkosikazi yi vaviseka ngopfu kutani yi rhumela Mordekayi swifunengelo leswaku, a funengela swona, a susa nguvu ya yena leyo khwaxa; kambe a nga swi amukelanga.

Estere 4:6

Hataki a humela eka Mordekayi entsendzeleni wa muti, ni le mahlweni ka nyangwa ya hosi.

Estere 4:9

Kutani Hataki a ta, a tivisa Estere marito ya Mordekayi.

Estere 4:10

Hilaha Estere a vulavulaka na Hataki, a n'wi lerisa leswaku a tivisa Mordekayi rito leri nge: