Estere 4:3 - Xitsonga (Bibele)

³ Etikweni rin'wana ni rin'wana, eswivandleni hinkwaswo laha rito ra hosi ni ku lerisa ka yona swi fikeke kona, nhlomulo wu va lowukulu eka Vayuda, ni ku titsona swakudya, ni ku rila, ni ku tiba swifuva; kutani nguvu leyo khwaxa ni nkuma swi va swilawu swa lavo tala.

BIBELE Mahungu Lamanene

³ Eswifundzheni hinkwaswo, lomu nawu wa hosi ni xileriso xa yona swi fikeke kona, ku va ni swirilo leswikulu exikarhi ka Vayuda, va titsona swakudya, va rila, va vovola, lavo tala va etlela ehenhla ka swiambalo leswo khwaxa ni le nkumeni.

Estere 4:3 Referans Kwoze

Esaya 22:12

Hosi, Yehovha wa tinyimpi, u mi vitanele hi siku lero eku rileni ni ku tiba swifuva, ku byewula misisi ni ku ambala nguvu leyo khwaxa.

Daniele 9:3

Kutani ndzi tlakusa mahlo ya mina eka Hosi Xikwembu, ndzi tilunghisela ku khongela ni ku kombela hi ku titsona swakudya; ndzi funengele nguvu leyo khwaxa, ni nkuma.

Esaya 58:5

Xana hi kona ku titsona swakudya loku nga ndzi tsakisaka, siku munhu a tsongahatisaka moya wa yena ha rona xana? Ku korhamisa nhloko kukotisa rihlanga, ku tilata esakeni, ni le nkumeni, xana hi swona leswi u swi vulaka ku titsona swakudya-ke, siku leri tsakisaka Yehovha xana?

Esaya 22:4

Hikwalaho ndzi nge: Susani eka mina mahlo ya n'wina, ndzi ta tiva ku rila hi xivitwana! Mi nga hatliseni ku ndzi chavelela hikwalaho ka ku onhaka ka wanhwana wa tiko ra mina!

Matewu 25:30

Cukumetani nandza lowo loloha emunyameni wa le handle, laha swirilo swi nga ta va kona, ni ku getsela ka meno.’

Matewu 22:13

Kutani hosi yi ku eka malandza: ‘N'wi boheni milenge ni mavoko, mi n'wi cukumeta emunyameni wa le handle, laha ku nga ni mikosi ni ku getsela ka meno.’

Matewu 13:42

Ti ta va cukumeta ekheleni ra ndzilo, laha mikosi yi nga ta va kona, ni ku getsela ka meno.

Estere 4:16

“Famba u ya hlengeleta Vayuda hinkwavo lava nga kona eXuxani; mi titsona swakudya ematshan'weni ya mina; mi nga tshuki mi dya, ni loko ku ri ku nwa hi masiku manharhu, vusiku ni nhlekanhi; na mina ni vanhwanyana va mina, hi ta titsona swakudya sweswo, ndzi ta nghena eka hosi, ni loko nawu wu nga pfumeri; hambi ndzi nga dlawa, a ndzi dlayiwe.”

Estere 3:12

Hi laha vatsari va hosi va vitaniwaka hi siku ra khume na manharhu ra n'hweti yo sungula; ku tsaleriwa hinkwako hilaha Hamani a leriseke hakona; ku tsaleriwa tindhuna ta hosi, ni vafumi va tiko rin'wana ni rin'wana, ni tihosana ta vanhu van'wana ni van'wana; ku tsaleriwa tiko rin'wana ni rin'wana hi matsalele ya rona, ni vanhu van'wana ni van'wana hi ku vulavula ka vona; matsalwa ma tsariwa hi vito ra hosi Ahasuwerusi, kutani ku tiyisiwa hi xingwavila xa hosi.

Estere 1:1

Emikarhini ya Ahasuwerusi. (I Ahasuwerusi loyi ingi a fuma ehenhla ka matiko ya 127, ku suka eIndiya ku ya fika eEtiyopiya),

1 SAMIELE 11:4

Tintsumi ti ya Gibeya wa Sawulo, ti tivisa tiko marito lawa; kutani tiko hinkwaro ri tlakusa rito ri rila.

Estere 4:2

A fikisa xisweswo emahlweni ka nyangwa ya hosi, hikuva munhu la funengeleke tinguvu leto khwaxa a nga pfumeleriwi ku nghena hi nyangwa ya hosi.

Estere 4:4

Vanhwanyana va Estere ni malandza ya yena va ta, va n'wi byela timhaka leto. Nkosikazi yi vaviseka ngopfu kutani yi rhumela Mordekayi swifunengelo leswaku, a funengela swona, a susa nguvu ya yena leyo khwaxa; kambe a nga swi amukelanga.

Estere 9:31

ya ku veka masiku walawo ya Purimi enkarhini wa kona lowu vekiweke, hilaha Muyuda Mordekayi ni nkosikazi Estere va va vekeleke wona, ni laha va tivekeleke wona ni vatukulu va vona enkarhini wa timhaka ta ku titsona swakudya, ni ta ku huwelela ka vona.

Yoxuwa 7:6

Yoxuwa a handzula tinguvu ta yena, kutani a tiwisa ehansi hi mombo wa yena emahlweni ka areka ya Yehovha ku fika nimadyambu, a ri ni vakulukumba va Israele, kutani va chela ntshuri etinhlokweni ta vona.

Ntirho 2:8

Kutani a ba Yobo hi marhumba layo vavisa, ku suka emikondzweni ku fika enhlokweni. Yobo a lava xirhengele ku tinwaya ha xona, a tshamile enkumeni.

Ezekiele 27:30

Va ta twakarisa rito ra vona eka wena, va rila hi ku vaviseka, va ta tichela ntshuri ehenhla ka tinhloko ta vona, va puluvundza eminkumeni.

Yonasi 3:6

Kuteloko timhaka teto ti fike eka hosi ya Ninivha, yi suka exiluvelweni xa yona, yi susa nkhancu wa yona wa vuhosi, yi ambala nguvu yo khwaxa, yi tshamisa enkumeni.