Estere 4:16 - Xitsonga (Bibele)

¹⁶ “Famba u ya hlengeleta Vayuda hinkwavo lava nga kona eXuxani; mi titsona swakudya ematshan'weni ya mina; mi nga tshuki mi dya, ni loko ku ri ku nwa hi masiku manharhu, vusiku ni nhlekanhi; na mina ni vanhwanyana va mina, hi ta titsona swakudya sweswo, ndzi ta nghena eka hosi, ni loko nawu wu nga pfumeri; hambi ndzi nga dlawa, a ndzi dlayiwe.”

BIBELE Mahungu Lamanene

¹⁶ “Yana u ya hlengeleta Vayuda hinkwavo lava nga Xuxani, kutani mi titsona swakudya masiku manharhu mi ndzi khongelela, mi nga dyi nchumu mi nga nwi nchumu vusiku ni nhlekanhi. Mina ni malandza ya mina ya xisati, na hina hi ta titsona swakudya. Endzhaku ka sweswo ndzi ta ya eka hosi, hambileswi nawu wu alaka. Loko swi vula ku fa, ndzi ta fa.”

Estere 4:16 Referans Kwoze

Timhaka 20:24

Kambe a ndzi vuri nchumu ha swona, ni vutomi bya mina, a ndzi byi cawuki, ndzi ko ndzi heta pfhumba ra vutomi bya mina ni ntirho lowu ndzi nga wu lerisiwa hi Hosi Yesu, ku nga ku vula vumbhoni bya Evhangeli ya tintswalo ta Xikwembu.

2 TIKRONIKA 20:3

Yoxafati a chava, a tilunghisa ku lava Yehovha, kutani a lerisa va Yuda hinkwavo ku titsona swakudya.

Luka 9:24

Hikuva la rhandzaka ku hlayisa vutomi bya yena, u ta lahlekeriwa hi byona, kambe la lahlekeriwaka hi vutomi bya yena hikwalaho ka mina, u ta byi hlayisa.

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

Yoxuwa 24:15

Kambe loko swi bihile emahlweni ya n'wina ku tirhela Yehovha, hlawulani namuntlha loyi mi rhandzaka ku n'wi tirhela, hambi swikwembu leswi vatata wa n'wina va swi tirheleke ehase ka nambu, hambi swikwembu swa Vaamori, etikweni leri mi akeke eka rona. Loko ndzi ri mina ni yindlu ya mina, hi ta tirhela Yehovha.”

2 SAMIELE 10:12

U va ni matimba, kambe a hi tiyeleni eka tiko ra hina ni le ka miti ya Xikwembu xa hina; kambe Yehovha a a endle leswi lulameke emahlweni ka yena!”

Genesa 43:14

kutani Xikwembu xa matimba hinkwawo a xi mi kumise tintswalo eka munhu yeloyi, a ta mi tlherisela ni makwenu lo un'wana na Benjamini. Loko ndzi ri mina, loko ndzi fanekele ku lahlekeriwa hi vana, a ndzi lahlekeriwe hi vona!”

Esaya 22:12

Hosi, Yehovha wa tinyimpi, u mi vitanele hi siku lero eku rileni ni ku tiba swifuva, ku byewula misisi ni ku ambala nguvu leyo khwaxa.

Estere 5:1

Hi siku ra vunharhu, Estere a funengela swifunengelo swa yena swa vukosikazi, kutani a ya yima erivaleni leri nga exikarhi ka yindlu ya hosi, emahlweni ka yindlu ya hosi, hosi a yi tshamisile exiluvelweni xa ku fuma ka yena, endlwini ya vuhosi, kusuhi ni nyangwa ya yindlu.

Vafilipiya 2:30

hikuva u tshinelele rifu hikwalaho ka ntirho wa Kriste, u tshikile vutomi bya yena, a ta hetisa mitirho leyi mi tsandzekeke ku ndzi endlela yona.

Varhoma 16:4

hikuva va nyikete tinhloko ta vona ku ndzi ponisa; kambe a hi mina ntsena loyi a va khensaka, kambe na tona tikereke hinkwato ta vamatiko.

Timhaka 27:33

Kuteloko byi ya ku xeni, Pawulo a va khongotela hinkwavo ku dya swakudya a ku: “Namuntlha i siku ra khume na mune mi tiyisele mi ri karhi mi titsona swakudya, mi nga dyi nchumu.

Timhaka 21:13

Kambe Pawulo a hlamula, a ku: “Xana mi endla yini hi ku rila, mi ndzi tlhava mbilu xana? Kasi mina ndzi tilunghisile, ku nga ri ku bohiwa ntsena, kambe ni ku fela vito ra Hosi Yesu eYerusalema.”

Timhaka 10:7

Kuteloko ntsumi leyi vulavuleke na yena yi sukile, a vitana malandza mambirhi ya yena swin'we ni nhenha leyi chavaka Xikwembu eka lava tshamaka na yena;

Timhaka 9:9

Kutani ku hundza masiku manharhu a nga voni, a nga dyi, a nga n'wi nchumu.

Matewu 12:40

Hikuva kukotisa loko Yonasi a tshame masiku manharhu, ni vusiku byinharhu ekhwirini ra nhlampfi leyikulu, N'wana wa Munhu, na yena, u ta va emarhumbyini ya misava masiku manharhu ni vusiku byinharhu.

1 SAMIELE 19:5

U vekile vutomi bya yena exandleni xa yena loko a dlaya Mufilista, kutani Yehovha u pfunile Vaisraele hinkwavo hi ku pona lokukulu. U swi vonile, kutani u tsakisiwe ha swona. U nga dyohela yini ngati leyi nga riki na nandzu, loko u dlaya Davhida ntsena xana?”

Yohane 19:22

Pilato a hlamula, a ku: “Lexi ndzi xi tsaleke, ndzi tsarile.”

Estere 4:3

Etikweni rin'wana ni rin'wana, eswivandleni hinkwaswo laha rito ra hosi ni ku lerisa ka yona swi fikeke kona, nhlomulo wu va lowukulu eka Vayuda, ni ku titsona swakudya, ni ku rila, ni ku tiba swifuva; kutani nguvu leyo khwaxa ni nkuma swi va swilawu swa lavo tala.

Estere 4:15

Kutani Estere a lerisa leswaku Mordekayi a hlamuriwa hi leswaku:

Estere 4:17

Kutani Mordekayi a suka, a ya endla hinkwaswo hilaha Estere a n'wi leriseke hakona.

Yeremiya 36:9

Hi lembe ra vuntlhanu ra Yoyakimi, n'wana Yosiya, hosi ya Yuda, hi n'hweti ya ntlhanu na mune, ku vuriwa siku ro titsona swakudya emahlweni ka Yehovha eka tiko hinkwaro ra Yerusalema, ni tiko hinkwaro leri humaka emitini ya Yuda va te eYerusalema.

Daniele 2:18

va ku va kombela tintswalo eka Xikwembu xa le henhla ematshan'weni ya xihundla xexo, leswaku Daniele ni vanakulobye va nga tshuki va dlawa ni tintlhari tin'wana ta Babilona.

2 TIHOSI 7:4

Loko hi ku: ‘A hi ngheneni emutini,’ ndlala yi kona emutini hi ta ya fela kona, loko hi tshama halenu, hi ta fa na kona. Loko swi ri tano, a hi sukeni, hi ngirimela emagoveleni ya Vasiriya, loko va hi tshika hi hanya, hi ta hanya; loko va hi dlaya, hi ta fa.”

Ezra 8:21

Loko ha ha ri enambyeni wa Ahavha, ndzi vula siku ra ku titsona swakudya, hi ta titsongahata emahlweni ka Xikwembu xa hina, leswaku hi tikombelela eka xona riendzo lerinene ra hina, ni ra vana va hina ni ra swilo hinkwaswo swa hina.

Estere 9:31

ya ku veka masiku walawo ya Purimi enkarhini wa kona lowu vekiweke, hilaha Muyuda Mordekayi ni nkosikazi Estere va va vekeleke wona, ni laha va tivekeleke wona ni vatukulu va vona enkarhini wa timhaka ta ku titsona swakudya, ni ta ku huwelela ka vona.