Estere 4:14 - Xitsonga (Bibele)

¹⁴ hikuva, hambi u nga miyela enkarhini wolowo ku pfuna ni ku hanyisiwa swi ta humelela Vayuda swi pfa kun'wana; loko u ri wena ni yindlu ya tata wa wena, mi ta lovisiwa, kambe swi tiviwa hi mani loko kumbe u fikile evukosikazini hikwalaho ka nkarhi lowo tano?”

BIBELE Mahungu Lamanene

¹⁴ hikuva loko u miyela hi nkarhi wo kota lowu, ku ntshunxeka ni ku ponisiwa ka Vayuda ku ta ta ku huma kun'wana, kambe wena ni varikwenu mi ta lova. Nakona swi tiviwa hi mani, kumbexana u tele nkarhi wo kota lowu kwala vuhosini?”

Estere 4:14 Referans Kwoze

1 SAMIELE 12:22

Hikuva Yehovha a nga ka a nga tshiki tiko ra yena hikwalaho ka vito ra yena lerikulu, hi leswi Yehovha a titsakeleke ku mi endla tiko ra yena.

Esaya 54:17

Fumu rin'wana ni rin'wana leri va ri fulaka ku ku onha, ri nga ka ri nga pfuni nchumu kambe ririmi rin'wana ni rin'wana leri nga tikurisa ku kanetana na wena, u ta ri avanyisa. Hi yona ndzhaka ya malandza ya Yehovha, ni ku lulama loku ndzi nga ta va nyika,” ku vula Yehovha.

Duteronoma 32:36

Hikuva Yehovha u ta avanyisa tiko ra yena, Kambe u ta tsetselela malandza ya yena. Loko a vona leswaku matimba ya vona ma herile, Ni leswaku ku nga sali la fuyiweke ni la nga fuyiwangiki.

Matewu 16:18

Kambe ndzi ri eka wena: U Petro (hileswaku ribye), ehenhla ka ribye rero, ndzi ta aka kereke ya mina, kutani tinyangwa ta xivandla xa vafi ti nga ka ti nga yi hluli.

Yeremiya 30:11

Hikuva, ndzi na wena ku ku ponisa, ku vula Yehovha; hikuva ndzi ta heta hinkwako matiko hinkwawo lawa ndzi ku hangalaseke ka wona; kambe wena ndzi nga ka ndzi nga ku herisi, ndzi ta ku laya hi ku lulama, a ndzi nga ku tshiki ntsena u nga avanyisiwanga.

Yeremiya 46:28

Wena u nga chavi nandza wanga, Yakobo, ku vula Yehovha, hikuva ndzi na wena; hikuva ndzi ta herisa matiko hinkwawo lawa ndzi ku hangalaseleke exikarhi ka wona; loko u ri wena ndzi nga ka ndzi nga ku herisi, ndzi ta ku holovela hi mpimo; hikuva ndzi tsandzeka ku ku tshika u nga layiwi.”

Ezra 9:9

Hikuva hi makhumbi kunene, kambe evukhumbini bya hina Xikwembu xa hina a xi hi tshikanga xi va xi hi kombisa tintswalo ta xona emahlweni ka tihosi ta Peresi, xi hi hanyisa, leswaku yindlu ya Xikwembu xa hina yi akiwa yi pfuxiwa erhumbini ra yona, hi ta nyikiwa rirhangu etikweni ra Yuda na Yerusalema.

Estere 2:15

Loko a ri Estere, n'wana Abihayili, hahani wa Mordekayi, loyi ingi a n'wi hlayisile, a n'wi endle n'wana wa yena, siku ku fikaka nkarhi wa yena wa ku nghena eka hosi, a nga lavanga nchumu loko xi nga ri lexi ingi a xi byeriwile hi Hegayi, ndhuna ya hosi, mulanguteri wa vavasati; kutani Estere a kuma tintswalo eka hinkwavo lava n'wi vonaka.

Matewu 24:22

Loko ngi masiku lawa a ma nga hungutiwanga, a ku nga ti hanya munhu ni un'we, kambe hikwalaho ka vahlawuriwa, mikarhi yoleyo yi ta hungutiwa.

Esaya 49:23

Tihosi ti ta va vawundli va wena, ni makosikazi va ta va vaan'wisi va wena, va ta korhamela ehansi emahlweni ka wena, va ta nantswa ntshuri wa milenge ya wena, kutani u ta swi tiva leswaku hi mina Yehovha, ni leswaku lava ndzi tshembaka va nga ka va nga vi na tingana.”

Estere 2:7

A a ri karhi a wundla Hadasa, la nga Estere, n'wana hahani wa yena, a nga ri na tata wa yena ni mana wa yena; nhwanyana yeloyi a a sasekile, a languteka; siku ku faka tata wa yena ni mana wa yena, Mordekayi u n'wi hlayisile, a n'wi endla n'wana wa yena.

Genesa 22:14

Kutani Abrahama a thya ndhawu leyi vito ra Yehova-yire (hileswaku Yehovha u ta swi vona); hilaha va nga te ni namuntlha: Swi ta vonaka entshaveni ya Yehovha.

Nehemiya 6:11

Ndzi ku: “Xana munhu wo kota mina a nga baleka xana? U kwihi munhu loyi a kotaka mina la nga nghenaka etempeleni leswaku a ta hanya? Ndzi nga ka ndzi nga ngheni kona.”

2 TIHOSI 19:3

Va ku eka yena: “Hezekiya u vurisa sweswo, a ku: ‘Siku leri i siku ra nhlomulo, ni ra ku layiwa, ni ra tingana; hikuva n'wana u lave ku huma ekhwirini, kambe matimba ya ku veleka, ku hava.

1 SAMIELE 17:29

Davhida a hlamula, a ku: “Ndzi endle yini-ke? Nandzu wu kwihi loko ndzi vula sweswo xana?”

Vaavanyisi 15:6

Kutani Vafilista va vutisa, va ku: “Swi endliwe hi mani xana?” Va ku: “I Samsoni, mukon'wana wa nuna wa Timina, hi leswi a n'wi tekeleke nsati wa yena, a n'wi nyika nxangwana ya yena.” Kutani Vafilista va tlhandluka, va hisa nsati yeloyi, ni tata wa yena.

Ntirho 9:18

A xi ndzi nyiki nkarhi wa ku hefemula, Hikuva xi ndzi xurhisa hi leswo bava.

Levhitika 26:42

ndzi ta tsundzuka ntwanano wa mina na Yakobo, kambe ndzi ta tsundzuka ntwanano wa mina na Isaka, ni ntwanano wa mina na Abrahama, ndzi va ndzi tsundzuka ni tiko;

2 TIHOSI 13:5

Yehovha a nyika Vaisraele mulamuleri. Kutani Vaisraele va tshunxiwa emavokweni ya Vasiriya; kavaloko vana va Israele va aka emitsongeni ya vona kukotisa khale.

Estere 4:13

Hilaha Mordekayi a lerisaka leswaku Estere a hlamuriwa hileswaku: “U nga anakanyi embilwini ya wena leswaku u ta pona, hambi u ri endlwini ya hosi, ku tlula Vayuda hinkwavo;

Estere 4:15

Kutani Estere a lerisa leswaku Mordekayi a hlamuriwa hi leswaku:

Estere 2:17

Hosi yi rhandza Estere ku tlurisa vavasati van'wana hinkwavo, kutani a kuma tintswalo ni ku amukeriwa emahlweni ka yena ku tlula vanhwana van'wana hinkwavo; kwalaho a n'wi tlhandleka harhi ya vukosikazi enhlokweni, kutani a n'wi veka nkosikazi ematshan'weni ya Vhasiti.

Eklesiasta 3:7

nkarhi wu kona wa ku handzula, wu kona nkarhi wa ku rhunga; nkarhi wu kona wa ku hlayisa, wu kona nkarhi wa ku cukumeta; nkarhi wu kona wa ku miyela, wu kona nkarhi wa ku vulavula;