Estere 4:11 - Xitsonga (Bibele)

¹¹ “Malandza hinkwawo ya hosi ni vanhu va matiko ya hosi, va tiva leswaku munhu, kumbe wanuna, kumbe wansati, loko a nghena eka hosi erivaleni ra le xikarhi a nga vitaniwanga, nawu wu kona lowu nga hundzukiki lowu lerisaka leswaku a dlayiwa loko ku nga ri loko hosi yi nga n'wi yimisela nhonga ya yona ya vuhosi, ya nsuku, leswaku a hanya; kasi mina a ndzi si vitaniwa leswaku ndzi nghena eka hosi hi masiku ya makume manharhu.”

BIBELE Mahungu Lamanene

¹¹ “Malandza ya hosi hinkwawo ni vanhu va swifundzha swa yona hinkwaswo va swi tiva leswaku loko wanuna kumbe wansati a nga tshuka a nghena exivaveni xa le ndzeni ka muti wa hosi, a nga vitaniwanga, ku ni nawu wun'we ntsena: Ú fanele ku dlayiwa, ehandle ka loko hosi yi tlakusa nhonga ya yona ya nsuku, yi n'wi komba leswaku a hanya. Sweswi ku hundzile masiku ya 30 hosi yi nga si ndzi vitana.”

Estere 4:11 Referans Kwoze

Daniele 2:9

Kungakuloko mi nga ndzi tivisi norho, mi ta fikeriwa hi ku avanyisa kun'we, hikuva mi lunghisile mhaka ya mavunwa mi ta ndzi xisa ha yona, mikarhi yi ko yi hundzuka; ndzi byeleni norho, hi kona ndzi nga ta tiva leswaku mi nga swi kota ku ndzi hlamusela wona.”

Estere 8:4

Hosi yi yimisela Estere nhonga ya nsuku, kutani Estere a suka, a yima emahlweni, ka hosi;

Estere 2:14

A nghena kona nimadyambu; nimixo a tlhelela endlwini ya vumbirhi ya vavasati, evulangutelweni bya Xaaxigazi, ndhuna ya hosi, mulanguteri wa vasati va hosi; a a nga tlheri a nghena eka hosi, loko ku nga ri loko a naveriwa hi hosi, a vuya a vitiwa hi vito ra yena.

Estere 6:4

Hosi yi ku: “I mani la nga ehandle?” Kutani Hamani a a fikile exivandleni lexi nga exikarhi ka yindlu ya hosi, a tele ku ta kombela eka hosi leswaku ku hayekiwa Mordekayi emhandzeni leyi a n'wi lunghiseleke yona.

Estere 1:19

Hikwalaho, loko hosi yi pfumela, ku lerisa ka ku fuma a ku endliwe hi yena, kutani ku tsariwa ebukwini ya milawu ya Peresi na Mediya, ku va loku nga riki na ku hundzuka, leswaku, Vhasiti a nga ha tshuki a ta emahlweni ka hosi Ahasuwerusi, kutani hosi a yi nyike vukosikazi bya yena eka un'wana la n'wi tlulaka hi ku lulama.

1 Petro 3:7

Hi mukhuva wolowo, na n'wina vavanuna, tshamani ni vasati va n'wina hi mukhuva lowu sasekeke, mi tiva leswaku va kotisa swibya leswi nga tiyangiki, mi va ni xichavo, hikuva na vona, swin'we na n'wina, va ta dya ndzhaka ya tintswalo ta vutomi, leswaku ku khongela ka n'wina ku nga ti tsandzekisiwa.

Estere 4:10

Hilaha Estere a vulavulaka na Hataki, a n'wi lerisa leswaku a tivisa Mordekayi rito leri nge:

Estere 4:12

Timhaka ta Estere ti yisiwa eka Mordekayi.