Estere 3:8 - Xitsonga (Bibele)

⁸ Hamani a ku eka hosi Ahasuwerusi: “Ku ni vanhu van'wana lava hangalakeke, lava avaneke exikarhi ka vanhu va matiko hinkwawo ya ku fuma ka wena; milawu ya vona yi hambanile ni ya vanhu van'wana; a va yi hi milawu ya hosi; a hi swinene leswaku hosi yi va tshika va rhula.

BIBELE Mahungu Lamanene

⁸ Kavaloko Hamani a byela hosi Ahasuwerusi, a ku: “Wena hosi, ku ni vanhu va rixaka rin'wana lava tlholokeleke exikarhi ka vanhu va wena, eswifundzheni hinkwaswo swa tiko ra wena; mikhuva ya vona yi hambanile ni mikhuva ya vanhu van'wana; hi tlhelo a va hlayisi milawu ya wena hosi, kutani a swi nga ku vuyiseli nchumu ku tama wa ha va hlayisa, we hosi!

Estere 3:8 Referans Kwoze

Duteronoma 4:27

Yehovha u ta mi hangalasa ematikweni, kutani mi ta sala mi nga ri vangani exikarhi ka matiko lawa Yehovha a nga ta mi yisa eka wona;

Levhitika 26:33

Loko mi ri n'wina, ndzi ta mi hangalasa ematikweni, ndzi humesa matlhari endzhaku ka n'wina, tiko ra n'wina ri ta sala ri kotisa mananga, ni miti ya n'wina yi va marhumbi.

Yakobo 1:1

Mina Yakobo, nandza wa Xikwembu ni wa Hosi Yesu Kriste; Eka tinxaka leta khume na timbirhi leti hangalakeke, ndzi ri: Xewani!

Timhaka 28:22

Kutani hi fanele ku twa ha wena leswi u swi ehleketaka, hikuva loko yi ri dyondzo leyi, ha yi tiva leswaku yi ariwa hinkwako.”

Timhaka 24:5

Hi kumile munhu loyi, a nga ntungu, u pfuxe madzolonga exikarhi ka Vayuda hinkwavo, lava akeke emisaveni hinkwayo; i nhloko ya dyondzo leyi hambukeke ya Vanazarene.

Yohane 7:35

Hilaha Vayuda va vutisanaka, va ku: “U ta ya kwihi loyi, laha hi nga ta tsandzeka ku n'wi kuma; xana u ta ya eka lava hangalakeke exikarhi ka Vagriki, a dyondzisa Vagriki xana?

Zakariya 7:14

“Ndzi va hangalasile hi mheho exikarhi ka matiko hinkwawo lawa va nga ma tivangiki, tiko ri sala ri onhakile endzhaku ka vona, ku pfumaleka la hundzaka kona ni la tlhelelaka kona, va hundzurile tiko lerinene rhumbi.”

Ezekiele 11:16

“Hikwalaho vula u ku: ‘Ku vula Hosi Yehovha: Kunene ndzi va hangalasile exikarhi ka matiko, ndzi va hangalasile ematikweni man'wana, kambe ndzi ta va xichavelo xa vona nkarhinyana ematikweni laha va nga kona.’

Ezekiele 6:8

Hambiswiritano, ndzi ta siya masalela lama nga ta pona fumu exikarhi ka matiko, loko mi ta va mi hangalakile exikarhi ka wona.

Yeremiya 50:17

“Israele i nyimpfu leyi lahlekeke leyi hlongorisiweke hi tinghala; eku sunguleni, hosi ya Asiriya yi tshama yi n'wi dya; wa le ndzhaku, Nebukadnetsara, hosi ya Babilona, u n'wi tshovelele marhambu.

Nehemiya 1:8

Wa nga anakanya rito leri u tshamaka u ri byela nandza wa wena, Muxe, u te: ‘Kutakuloko mi tiarisa, ndzi ta mi hangalasa exikarhi ka matiko;

Duteronoma 32:26

Ingi ndzi ta ku: “Ndzi ta va kukula; Ndzi ta hlangula xitsundzuxo xa vona exikarhi ka vanhu,”

Duteronoma 30:3

Yehovha, Xikwembu xa wena, xi ta tlherisa vakhomiwa va wena, xi ku tsetselela, xi engeta xi ku hlengeleta ematikweni hinkwawo lawa Yehovha, Xikwembu xa wena, ingi xi ku hangalasele kona.

1 Petro 1:1

Petro, muapostola wa Yesu Kriste; Eka lava hlawuriweke, lava hangalakeke, va nga lava luveleke ematikweni ya Ponto, na Galatiya, na Kapadokiya, na Asiya, na Bitiniya,

Estere 3:9

Loko hosi yi pfumela, a ku tsariwe ku lerisa ka ku va dlaya, kutani ndzi ta humesa lava khomaka ntirho wa hosi titalenta ta silivhere ta 10 000, va ta ti nghenisa evuhlayiselweni bya hosi.”

Estere 4:1

Kuteloko Mordekayi a tivile hinkwaswo leswi endliweke, a handzula tinguvu ta yena, a funengela tinguvu leto khwaxa ni nkuma, kutani a humelela exikarhi ka muti, a ri karhi a rila hi ku rila lokukulu, ko vavisa.

Yeremiya 33:24

“Xana a ku voni lexi tiko leri ri xi vulavulaka, loko va ku: ‘Tinxaka timbirhi leti Yehovha a nga ti hlawula u tlhele a ti tshika’? Va sandza tiko ra mina swonghasi, leswaku emahlweni ka vona, a ra ha ri tiko.”

Daniele 3:8

Kwalaho, enkarhini wolowo, vanhu van'wana va Kalediya va tshinelela, va ta hehla Vayuda;

Daniele 6:13

Kutani va hlamula, va ku eka hosi: “Yena Daniele, un'wana wa lava khomiweke lava humaka eYuda, a nga vuri nchumu hi wena, hosi, ni loko wu ri nawu lowu tsariweke hi wena, kambe a khongela Xikwembu xa yena kanharhu hi siku.”

Tinhlayo 23:9

Ndzi ta karihela yini, loko Yehovha a nga karihanga? Ndzi n'wi vona ndzi ri enhlohlorhini ya ribye, Ndzi n'wi languta ndzi ri etintshaveni. Vonani, i tiko leri tshamaka hitlhelo, Leri nga hlayiwiki ni matiko.

Ezra 4:6

Emikarhini ya hosi Ahasuwerusi, eku sunguleni ka ku fuma ka yena, va tsala papila ra ku hehla vaaki va Yuda ni va Yerusalema.

Daniele 6:14

Hosi, kakuloko yi twa mhaka yoleyo yi tela hi nhlomulo ngopfu, kutani yi tsundzuka hi mbilu ya yona ku lamulela Daniele, yi va yi ringeta ku n'wi ponisa, dyambu ri ko ri lava ku pela.