Estere 3:7 - Xitsonga (Bibele)

⁷ Loko swi ri tano, hi n'hweti ya ku sungula, yi nga n'hweti ya Nisani, elembeni ra khume na mambirhi ra hosi Ahasuwerusi, ku hlahluviwa hi Puru, hileswaku vuhlolotwana emahlweni ka Hamani, enkarhini wa siku rin'wana ni rin'wana, ni wa n'hweti yin'wana ni yin'wana, ku yisa en'hwetini ya khume na timbirhi, yi nga n'hweti ya Adara.

BIBELE Mahungu Lamanene

⁷ Hi lembe ra vu-12 ra ku fuma ka hosi Ahasuwerusi, hi n'hweti yo sungula yi nga ya Nisani, Hamani a lerisa leswaku ku hoxiwa vuhlolotwana lebyi vuriwaka “Puru”; va hlahluva ha byona masiku ya tin'hweti hinkwato hi ku landzelelana ka wona, ku ko ku boxiwa siku ra vu-13 ra n'hweti ya vu-12 leyi vuriwaka Adara, ri va rona siku ra ku herisiwa ka rixaka ra Vayuda.

Estere 3:7 Referans Kwoze

Ezra 6:15

Kutani yindlu yi hetiwa hi siku ra vunharhu ra n'hweti ya Adara, hi lembe ra ntlhanu na rin'we ra ku fuma ka hosi Dariyosi.

Swivuriso 16:33

Va hoxa vuhlolotwana engubyeni, Kambe lexi vuriwaka hi byona xi huma eka Yehovha.

Matewu 27:35

Kuteloko va n'wi vambile va pambulelana tinguvu ta yena, va ti hlahluva hi vuhlolotwana, leswaku ku endlakala lexi nga vuriwa hi muprofeta la nga te: “Va avelane mikhancu ya mina, ni nguvu ya mina, va yi hlahluva hi vuhlolotwana.”

Estere 9:21

leswaku ku tiyisiwa exikarhi ka vona leswaku hi lembe rin'wana ni rin'wana, va hlawula siku ra khume na mune ra n'hweti ya Adara ni siku ra khume na ntlhanu,

Estere 9:5

Vayuda va dlaya valala va vona hinkwavo hi fumu, ku va ku dlawa ni ku lovisa lokukulu, kutani va endla lava va va vengeke hi ku rhandza ka vona.

Estere 9:1

En'hwetini ya khume na timbirhi, yi nga n'hweti ya Adara, hi siku ra khume na manharhu ra n'hweti, leri rito ni ku lerisa ka hosi ingi swi fanele ku hetiseka ha rona, ri nga siku leri valala va Vayuda ingi va tshembile leswaku va ta va pfukela matimba ha rona, timhaka ti hundzuka, kutani Vayuda va va vona lava pfukelaka lava ngi va va venga hi matimba.

Estere 2:16

Estere a yisiwa sweswo eka hosi Ahasuwerusi, endlwini ya yena ya vuhosi, en'hwetini ya vukhume, yi nga n'hweti ya Tebete, elembeni ra vuntlhanu na mambirhi ra ku fuma ka yena.

Estere 1:3

elembeni ra vunharhu ra ku fuma ka yena, a endla nkhuvo, a wu endlela tihosana hinkwato ta yena, ni malandza hinkwawo ya yena; ni nyimpi ya Peresi ni ya Mediya, ni tihosana, ni vakulukumba va matiko ya yena, lava hlengeletaneke emahlweni ka yena.

Nehemiya 2:1

En'hwetini ya Nisani, hi lembe ra makume mambirhi ra ku fuma ka Ataserkisi, kakuloko vhinyo yi ri emahlweni ka yena, ndzi teka vhinyo, ndzi nyika hosi; kambe a ndzi nga si vusangana mombo emahlweni ka yena.

Ezra 4:6

Emikarhini ya hosi Ahasuwerusi, eku sunguleni ka ku fuma ka yena, va tsala papila ra ku hehla vaaki va Yuda ni va Yerusalema.