Estere 2:23 - Xitsonga (Bibele)

²³ Mhaka leyo yi lavisisiwa, yi kumiwa leswaku yi tano, kutani va hayekiwa havambirhi emhandzeni; kutani timhaka leto ti tsariwa ebukwini ya timhaka ta ku fuma, emahlweni ka hosi.

BIBELE Mahungu Lamanene

²³ Loko ku lavisisiwa mhaka, swi kumeka leswaku i ntiyiso. Hiloko vavanuna valavo vambirhi va hayekiwa etimhandzeni va fa. Timhaka leti ti tsariwile eka Buku ya Matimu ya mfumo, hosi yi ri karhi yi swi vona.

Estere 2:23 Referans Kwoze

Estere 10:2

Loko yi ri mitirho hinkwayo ya mandla ya yena, ni swiendlo swa yena leswi tlakukeke, ni loko ku ri ku runguriwa ka vukulukumba bya Mordekayi, hilaha hosi yi nga n'wi tlakusa hakona, a ndzi ku, timhaka toleto ti tsariwe ebukwini ya timhaka ta tihosi ta Mediya na Peresi.

Genesa 40:22

kambe a hayeka ndhuna ya vaphameri, hilaha Yosefa a nga n'wi hlamusela hakona.

Genesa 40:19

ku ta hundza masiku manharhu, Faro u ta yimisa nhloko ya wena, a ku hayeka emurhini, kutani tinyanyana ti ta dya nyama ya wena ehenhla ka wena.”

Malakiya 3:16

Kwalaho lava chavaka Yehovha va vulavula kun'we, un'wana ni makwavo, kutani Yehovha a rhiya ndleve, a yingisela; buku ya xitsundzuxo yi tsariwa emahlweni ka yena, yi tsaleriwa lava chavaka Yehovha ni lava tsundzukaka vito ra yena.

Estere 7:10

Kutani va hayeka Hamani emhandzeni leyi ngi yi lunghiseriwe Mordekayi, kutani vukari bya hosi byi vomba.

Estere 5:14

Zerexa, nsati wa yena, ni maxaka ya yena, va ku eka yena: “A ku yimisiwe mhandze leyo leha ya ntlhanu wa makume ya swisungunhu, kutani mundzuku, u kombela eka hosi leswaku Mordekayi a hayekiwa eka yona; kutani wena, u ta ya eswakudyeni ni hosi u tsakile.” Mhaka yoleyo yi tsakisa Hamani, kutani a lerisa leswaku ku yimisiwa mhandze.

Yoxuwa 8:29

Loko yi ri hosi ya Ayi, va n'wi hayeka emurhini ku fika nimadyambu, kutani kakuloko dyambu ri pela, Yoxuwa a va lerisa ku hawula ntsumbu wa yena emurhini, kutani va n'wi cukumeta enyangweni ya muti, va aka ehenhla ka yena nhulu leyikulu ya maribye leyi nga kona ni namuntlha.

Estere 6:1

Hi vusiku byolebyo, hosi a yi nga kumi vurhongo; kutani yi ku, ku tisiwa buku ya switsundzuxo, ya timhaka ta ku fuma, yi va yi hlayiwa emahlweni ka hosi.

Ezra 4:15

a ku laviwe ebukwini ya timhaka ta ku hanya ka vatata wa wena, u ta kuma ebukwini ya timhaka, u ta tiva leswaku muti lowu, i muti wa ku ti nonon'hwisa, wa ku onha tihosi ni matiko, kambe ku tiarisa a ku ri kona emutini wolowo, ni le mikarhini ya khale, muti lowu, wu onhiwile hi sweswo.